EZRA 4:2 - LEKHARABU INTHENG (BSI)

² Khava jâra Zerubbabel leh phungṭhen alu kachang hlamkakeihei inhmupui sik a vakase heia anti, “Bek-inn sak nôkna kha bôm chei rung. Nangni takamuk Pathen kha keini’m kankamuk, khana hiva hmun a omna sik a ani heikatir Assyria rengkalen Esarhaddon pha khana inphut inthoina kanta heitōk ṭhak jo kae.”

EZRA 4:2 ပူးပေါင်းရင်းမြစ်များ

A’NPHUTNA 10:11

Khava ram a inphut ama’n Assyria ram a inthona Nineveh, Rehoboth Ir, Cala,

RENGHEI INHNINA 17:24

Assyria rengkalen in, Babylon, Kuth, Ivva, Hamath, khana Sepharvaim khōpui heia inphut mi aṭhōi heia Samaria khan rehring sur Israelhei kahlang kathlenga khō amanhlō jo hei. Anmani’n khōpuihei hi anhlō jo heia khana khan ka-om jo hei.

RENGHEI INHNINA 17:41

Khava jâra mihei khan Rōngpu kha anleikamuk, tâk-kha anmani limhei kha’m ankamuksa; tuning katlung khana antu-ansa he’n khang’khan anlatlo ṭhak a kae.

RENGHEI INHNINA 19:37

Ni khat chu, apathen Nisrokh bek-inna kamukna aneilai, asa pase 2, Adrammelech leh Sharezer in anchemjâm vâng antuk hlona anthat jo, Ararat ramting katlânsōt jo hei. Asapa hlop inkhat Esarhaddon in rengkalen changna kha athleng jo.

EZRA 1:5

Khava sōa Judah leh Benjamin phunga alu kachang hlamkakei, thempu leh Levihei khana Pathen in malung mathokna apek hei kha akase sik a leh Jerusalema Rōngpu Bek-inn sakna sik a intluk jo hei.

EZRA 2:2

Anhlam kakeihei kha Zerubbabel, Joshua, Nehemiah, Seraiah, Reelaiah, Mordecai, Bilshan, Mispar, Bigvai, Rehum khana Baana hei kha kae. Sûra inphut ahong inle Israel mihei anphung leh mijahei man-gôrna kha athōia hei hi kae:

EZRA 3:12

Thempu upahei, Levihei, phungṭhen upa katamtak he’n hmalaia Bek-inn kha anleihmu, anmani’n innhmun dengna kha an-ena kaṭap heia in-ôi hei. Tâk-kha alak he’nchu inpâk heia kapeng heia kae.

EZRA 3:2

khana Jehozadak sapa Joshua, aloi thempuhei, Shealtiel sapa Zerubbabel, khana ama u leh naihei leh Pathen mipa, Moses Dân shunga a’nzet dungjuia ro-inthoina tlotheina sik a Israel Pathen sik maichâm inkhat ansak manther jo.

NEHEMIAH 9:32

“Eh Pathen, kan-Pathen, heituk a akalen che mo! heituk a ṭit aka-om leh ratha kahrat jo che mo! Naṭong sekamna kha taksen theitak a nanit a kae. Assyria reng he’n keini anlei-ôt ung pha inphut tûn katlung um, keini heituk a khōdeng kantathei jo mo! Kanrenghei, kanhlam kakeihei, kanthempu hei leh sânkathemhei, kanpu kanpahei leh kanmipui rakip khōdeng kanthei jo. Keini heituk a khōdeng kantathei jo mo amandonsōt pek roh!

HLAHEI 73:8

Anmani’n mihei kha anmanuisō heia ṭhatmak rōk anhri; anmani inlensak hei khana mihei suksetna sik rōk anmantluk.

ISAIAH 37:37

Khava pha, Assyria rengpa Sennacherib kha Nineveh ting inle jo.

ISAIAH 37:38

Ni khat ama’n apathen Nisrokh Bek-inna akamuk laitak asapa 2, Adrammelech leh Sharezer khan chemjâm vâng ama kha anthat a Ararat ting katlân jo hei. Asapa ahlop, Esarhaddon, khan rengkalen kha athleng jo.

HOSEA 14:3

Assyria he’n keini ahei tik a’m ahuk tor mak ning, re shakor he’n ahrungtor mak ning. Kanlimhei hnenga, ‘Kan-Pathen, O Rōngpu’ ti nôk mak jo ning, anka-en sik tûte aka-om mak hei hnenga nang in lungset namalârpek heia kae.”

GALATIANHEI 2:4

mi ṭhahrep in avun anmantan hnōm tâk inum. Anmani hi, eini Christa leh ni’nchunna shunga nining nihnōma ni-omna hi aka-ensui sik a, aka-en inthlip a ahong kahlut hei kae. Anmani’n eini hi sōk manchang sik anmadu mea kae,

TIMOTHY INHNINA 3:8

Janne leh Jambre in Moses antadōi kapōa, hiva mihei hinum akadik kha andōia kae, anmani kha mandonna kaneimak leh taksenna katlâksam hei kae.