EZRA 3:7 - LEKHARABU INTHENG (BSI)

⁷ Mipuihei khan hlung ṭōn leh thingṭōn katlohei sik a sêr anleipek hei khana tui-ôngpuia inphut Joppating heitôr sik Lebanona cedar thing leh thlengsōt sik a Tyre leh Sidon khōpuia sâk leh in, olive thai anleitir hei. Hiva rakip hi Parsia rengkalen Cyrus hnōm pekna thōia anleitlo.

EZRA 3:7 ပူးပေါင်းရင်းမြစ်များ

SAMUEL INHNINA 5:11

Tyre ram a Reng Hiram in David hneng invei tlona sik a mi atir hei; areng-innpui sakna sik a Cedar thingpum leh mistrihei leh hlung kakamthei hei apek hei.

RENGHEI INKHATNA 5:6

Khava jâra namihei kha kei sik a Lebanona Cedar thing kaphûr sik a tir hei roh. Kami he’n anmani leh ṭōn antlosap sik, nang in namanṭhat dungjuia namihei kha anhlo kapek sik hei. Nang in kaṭha namanhret kha kae, namihei kapōa kei mihei chu thing phûrthei mak hei.”

RENGHEI INHNINA 12:10

Thingbôm shunga sêr katamtak a-om jo pha reng inna a’nzetpa leh thempu kha kahong sik hei, dangka kha anmanjor sik khana akahrik kha a’nte sik.

RENGHEI INHNINA 12:13

Tâk-kha khava sêr kha dangka kōklei, thlengkam, pengkun, thaihmei detna hmangchâk, khana aralak dangka leh sana neinâk-hei syemna chu hmang hêrmak hei.

THUHMINGHEI INHNINA 34:10

Khava sêr kha Bek-inn syem mantherna nganse mi 3 hei hneng anpek manhlut hei, anmani’n

EZRA 3:6

Mipui he’n Bek-inn sakna kha anlaphut mak inum, thla 7 tlukna kani hma-inkei ning Rōngpu hnenga ro-inthoina anleiphut jo.

EZEKIEL 27:17

Judah leh Israel he’n naneinâk thlengna gehu, khōihning, olive thai, khana marim katui anpek che.

JONAH 1:3

Khannum, Rōngpu ṭongpek a inphut inphesōtna sik Jonah’n ram hlop inkhat ting kase jo. Ama’n Joppating kasea Spainting akase sik a a’ntluk tuipui rakōng inkhat ahmu jo. Ama’n rakōng chōngman apek a Spaina akase sik a rakōng katôrhei kâra kake jo, Rōngpua inphut tlânsōtna sik atlo jo.

ṬŌNTLOHEI 12:20

Herod kha Tyre leh Sidona ka-om mipuihei chunga ahnuk leikana hêr, khava jâra ama inhmupui sik kha arup a leikase hei. Ahma inkeitak a, reng khōpui kahngâk a nganse, Blasta intipa khan abômna sik heia anleijôr manhnōma kae. Khava sōa Herod hneng kahlut heia intōk inchamna sik ngekna anleinei, ajârchu anrama sâk leh in hi rengpa ram a inphut antahmu kae.

ṬŌNTLOHEI 9:36

Joppa hmun a khan Tabitha inti, takkasen nuhmei inkhat leika-om. (Greek ṭonga arahming hi Dorcas kae, “Shakhi” tina kae). Amanu’n aphat nei rakip hi ṭōn kaṭha tlona leh sara khōdeng katheihei inthōpuina aleihmang.

ṬŌNTLOHEI 9:38

Joppa kha Lydda a inphut hlarei mak, khana takkasen he’n Peter kha Lydda a ka-om ti ṭong anthei pha, pase 2 ahnenga antir heia, “Lungset a kanhnenga heihongloi roh” anva manti hei.

ṬŌNTLOHEI 9:43

Joppa a shavun inṭhui, Simon intipa inna khan Peter kha kanikhō ṭhahrep leika-om.