EZRA 2:1 - LEKHARABU INTHENG (BSI)

¹ Rehring surmi katamtak Babylon ram andahlona Jerusalem leh Judah ram a ankhenga ankhōpui et a hong inle jo hei. Reng Nebuchadnezzar in rehring sura aṭhōina heia inphut Babylona an-innshung ankhenga vaka-om jo hei.

EZRA 2:1 ပူးပေါင်းရင်းမြစ်များ

RENGHEI INHNINA 25:11

Khōpuia antadahlon mihei, kut kathem mihei khana Babylon heia inphut akatlânsōt hei kha Nebuzaradan khan Babylona aṭhōi nôk heia kae.

THUHMINGHEI INKHATNA 9:1

Israel mi rakip an-innshung et a man-gôra mazetna annei hei, hiva ṭong manhretna hi Israel Renghei Lekharabu shunga ka-om hei. Judah mihei kha ansetna jâra Babylona anleiṭhōisōt hei.

THUHMINGHEI INKHATNA 9:2

Khōpuia anram antuia ahong inle hma kakeihei kâra Israel ram mihei, thempuhei, Levihei, khana Bek-inn ṭōn katlohei inveisa hei.

EZRA 1:11

Sheshbazzar leh rehring sura ka-om he’n Babylona inphut Jerusalema an-inle pha ama’n aleirôn seng kha akhenga sana leh dangka, bube, anbe khana alak neinâk 5,400 hei hi kae.

EZRA 2:2

Anhlam kakeihei kha Zerubbabel, Joshua, Nehemiah, Seraiah, Reelaiah, Mordecai, Bilshan, Mispar, Bigvai, Rehum khana Baana hei kha kae. Sûra inphut ahong inle Israel mihei anphung leh mijahei man-gôrna kha athōia hei hi kae:

EZRA 2:70

Thempuhei, Levihei khana mi ṭhahrep hei seng Jerusalem leh ahnenga ka-om hei; khana hlapu hei, Bek-inn kahngâk-hei, Bek-inn ṭōn katlohei seng khava hnenga khōpui heia ka-om hei; khana Israel ralak-hei seng in anpu anpahei leiomna khōpui heia khō katla heia kae.

EZRA 5:8

“Reng Kalûr in namanhret sik kae khachu keini Judah ramṭhen shunga vakase jo ung Pathen kalen Bek-inn hlung kalen tatak vânga antasak leh abang heia thingtlōn antakhang hei kha kanvahmu jo. Ṭōn hi kasing tak a leh injentak a antloa kae.

EZRA 6:2

Tâk-kha Media ramṭhen shunga Ekbatana khōpui heia lekha inze kha anleihmu jo khana hiva ṭonghei hi inzet hei:

EZRA 8:35

Rehringa sura ahei inle rakip hei khan Israel Pathen hnenga ro-inthoina tōkna anneia kae. Israel rakip sik a sehratche 12, kemōngche 96, kemōngte 77 antōk hei; khana set inthengna sik a ke 12 antōk. Hiva ranhring rakip hi Rōngpu hnenga inthoina anro manvâm hei.

NEHEMIAH 12:1

Athōia hei hi rehring sura inphut Shealtiel sapa Zerubbabel khana Thempu Kalen Joshua leh ahe’nle hei man-gôrna kha kae: Seraiah, Jeremiah, Ezra, Amariah, Malluch, Hattush, Shecaniah, Rehum, Meremoth, Iddo, Ginnethoi, Abijah, Mijamin, Maadiah, Bilgah, Shemaiah, Joiarib, Jedaiah, Sallu, Amok, Hilkiah, khana Jedaiah. Joshua phat a hiva mihei hi anthempu changpui hei kâra hlamkakeihei kha kae. Athōia hei seng hi manpâkna hlasakna manngan hei kae: Jeshua, Binnui, Kadmiel, Sherebiah, Judah khana Mattaniah.

ESTHER 1:1

Persia reng khōpui Susa a areng in-ongna inphut Reng Xerxes in India ram a inphut Ethiopia ram katlunga aka-om rengram 127 chunga vai aleirôn.

ESTHER 1:11

Rengnu kha rengnu lukhu a’nkhuna sik khana revei shunga anheiṭhōina sik anhnenga ṭong apek hei. Rengnu kha hme kaṭhatak nuhmei inkhat kae, rengpa khan akhōhme lâk hei leh avaikarônhei hneng amanu hmeṭhat kha aleimalâr hnōma kae.

ESTHER 1:3

Avai rônna kum 3 ajōng tluk pha aṭōn katlohei leh avaikarônhei seng sâklôm inkhat aleitlopui hei. Persia leh Media remihei khana ramṭhen vaikarônhei leh akalen akahrâng he’m le’nveisa hei.

ESTHER 1:8

Ju kha hiseng in sik tia adân leiom mak; mi rakip in a-intor chenna a-inthei sik tia rengpa khan reng-innpuia asōk-hei hneng ṭong apek hei.

ESTHER 8:9

Hivahi Sivan inti 3 tlukna Maṭai thla kani 23 tluk ning aleikasōk omchen kae. Mordecai in rengpa lekha inzet hei kha abek hei khana Jehudihei hnenga leh vaikarônhei, ṭōn katintahei khana India inphut Ethiopia katlunga aka-om ramṭhen 127 a ṭōnkarôn rakip hei hnenga chithi mazet sik kha aleimanthei hei. Chithihei kha ram rakip ṭong et a leh anmani mazetna ngai dungjuia anleimazet a kae khana Jehudihei hneng anṭong leh anmazetna dân tak a anleimazet hei.

ISAIAH 48:20

Babylona inphut sōksōt ruh, ning leh hnōma om ruh! Inpâktak a ṭong kha ông manthang ruh; hmun rakip a manthei hei ruh: “Rōngpu’n asōk Israel kha ahuk jo!” ti ruh.

JEREMIAH 50:19

Ke’n Israelhei anram kamanhlō nôk sik hei. Anmani’n Carmel Tlânga kakek, khana Bashan tinga bu leh thlai ansâk sik khana Ephraim leh Gilead ram a akakek sachi hmuchi rakip antamadu chen a ansâk sik.

ṬAJAISUINA 1:3

Judah mihei inthōpui kaneimak sōk-hei kae, an-inna inphut anhnongsōt jo hei. Anram ti sik neiloa miram a ka-om jo hei. Antlânsōtna sik omloa, an-inre he’n ankakekhum jo hei.

ṬAJAISUINA 1:5

Aka-en kada he’n chung sōkna annei; anratha neina shunga anmatua kae. Atlo setna katamtak jâra Rōngpu’n inrengna apek kae; asahei kha ansur heia anṭhōisōt jo hei.

ṬAJAISUINA 4:22

Zion in asetna man kha apek jo; Rōngpu’n rehringa miram a atir mak jo ning; Tâk Edom, Rōngpu’n nang akarâk sik che; nang in ṭhena ṭōn naleitlo kha amalâr sik jo.

ZEPHANIAH 2:7

Judah mi alakahring hei khan nanram kha anhlō sik. Khava khan ankemōng ankhem sik khana Ashkelon hei innheia kaje sik hei. An-Rōngpu an-Pathen in a-ompui sik hei khana vōi khat amankhang nôk sik hei.

ṬŌNTLOHEI 23:34

Lekha manrôn kha ram vaikarôn in ateia khana Paul kha hei ramṭhen a che mo tia aleider. Ama kha Cilicia ram a inphut kae ti kha amanhretsōt pha,