EZRA 10:3 - LEKHARABU INTHENG (BSI)

³ Tûnchu eini’n ni-Pathen hnenga ka-ôrtak a intepna ninei sik kae, ti chu hiva nuhmeihei leh ansahei hi nitirsōt sik hei kae. Nang leh Pathen ṭongpek kajana akanei alakseng in tlo sik a mansena nantanei kha kantlo sik jo. Pathen Dân tarangei kha kantlo sik jo.

EZRA 10:3 ပူးပေါင်းရင်းမြစ်များ

RENGHEI INHNINA 11:17

Thempu Jehoiada’n reng Joas leh mipui ankhenga Rōngpu mi kachang sik a ṭong amantep hei; khana ama’n mipuihei leh rengpa kâra intepna inkhat amannei hei.

THUHMINGHEI INHNINA 29:10

“Tûnchu nichunga ahnuk anat makna sik a, ke’n Israelhei Pathen Rōngpu leh intepna nei sik a intluk jo eng.

THUHMINGHEI INHNINA 30:12

Pathen inum Judah shunga ṭōn aheitloa khana mipuihei kha rengpa leh aṭōn karônhei ṭongpek anjuia Pathen lungdo tlona sik an-intlukna chunga khan inchuntheina amannei heia kae.

THUHMINGHEI INHNINA 34:21

“Kei leh kami Israel leh Judah ram a alaka-om hei sik a vase inna Rōngpu kha vader ruh. Hiva lekha mantheina chungchânga jongsōt ruh. Nipusōn he’n Rōngpu ṭong anjuimak jâra khana hiva lekha hin tlo sik a ahri kha leitlo mak heia Rōngpu’n nichunga ahnuk akana jo kae.”

THUHMINGHEI INHNINA 34:27

khana ke’n Jerusalem leh amihei karâkna sik a kamaṭhit hei pha, kahma kunga insir chea insinsak jo che, napōn nakei hlera kaṭap che. Naderna ke’n kathei jo,

EZRA 10:11

Khava jâra tûnchu, nanpu-nanpahei Pathen hneng nansetnahei kha phôngsōt ruh, khana ama tlaina kha tlo ruh. Niram shunga aka-om jât-hlop hei leh inṭhensōt ruh, khana miram a nuhmeihei kha inkârpui hei ruh.”

EZRA 10:44

Hiseng hei hin miram jōr anleiompui hei. An-inṭhenpui heia annuhmei leh ansahei antirsōt jo hei.

EZRA 10:9

Ni 3 shunga, thla 9 tlukna ni 20 tluk ning Judah leh Benjamin ramṭhen shunga aka-om rakip Jerusalema kahong heia bek-inn tetlânga intûp jo hei. Khō rahnak a leikasûr, khōsûr leh intûpna kha akhok jâra khan mi rakip le’nnok jo hei.

EZRA 9:4

Khōhleia ran inthoina pha ahong tlung mak kârseng inrengtak a le’n ong eng, khana khava rehringa ahong inle hei setna chungchânga Israel Pathen in aleihri jâra ṭit leh inpirna akanei mipui rakip he’n kakimvea hong intûp hei.

NEHEMIAH 10:1

Ahma inkeipena rahming inzet sik khachu Hacaliah sapa Nehemiah, ram vaikarônpa kae khana abâna Zedekiah’n amazet a kae. Athōia he’num anrahming anleimazet: Seraiah, Azariah, Jeremiah, Pashhur, Amariah, Malchijah, Hattush, Shebaniah, Malluch, Harim, Meremoth, Obadiah, Daniel, Ginnethon, Baruch, Meshullam, Abijah, Mijâm in, Maaziah, Bilgai, khana Shemaiah. Azania sapa Jeshua, Henadad phungṭhena Binnui, Kadmiel, Shebaniah, Hodiah, Kelita, Pelaiah, Hanan, Micah, Rehob, Hashabiah, Zaccur, Sherebiah, Shebaniah, Hodiah, Bani, khana Beninu. Parosh, Pahath Moab, Elam, Zattu, Bani, Bunni, Azgad, Bebai, Adonijah, Bigvai, Adin, Ater, Hezekiah, Azzur, Hodiah, Hashum, Bezai, Hariph, Anathoth, Nebai, Magpiash, Meshullam, Hezir, Meshezabel, Zadok, Jaddua, Pelatiah, Hanan, Anaiah, Hoshea, Hananiah, Hasshub, Hallohesh, Pilha, Shobek, Rehum, Hashabna, Maaseiah, Ahiah, Hanan, Anan, Malluch, Harim, leh Baana.

NEHEMIAH 8:14

Rabuk Kût shung senga mipuihei kha in-ungna rabuk shunga pha bongkhat an-omna sik a ṭong kapek, Moses hnenga Rōngpu’n aleipek Dân kha anleihmusōt jo.

NEHEMIAH 9:38

Ṭōn kasōk hei jâra hin Israel sa keini’n hinahin kalûrtak a inhnōmtōna mazetna inkhat kansyema kae, khana kanhlam kakeihei, kan-Levihei khana kanthempu he’n khava chunga mêrchîkna annam khuma kae.

HLAHEI 119:120

Nang jâra kei kaṭi eng; naṭongtan sik jâra ṭitna kasip eng.

HLAHEI 119:59

Kei omchen hi kamandon jo, khana mansena kajui sik a intep jo eng.

ISAIAH 66:2

Ke’n vânhnōi ralei pumpui hi kasyem kae! A’nsinsak a malung insir hei khana ani kaṭit leh kaṭong kajuihei chunga kei kamalung katlai.

ISAIAH 8:20

Nang in hing’hin masôn hei roh, “Rōngpu’n amanthei chei kha rangei ruh! Rathla inbekpui mihei kha rangei mak ruh, anmani mantheina khan akaṭha kha sōk mak ning.”

EZEKIEL 9:4

“Jerusalem khōpui shunga vase roh khana khōpui shunga mater ka-om rakip tlo jâra inrengna leh khōdeng theina akachang hei machea mêrchîkna inkhat et vadapek hei roh.”

DÂNRABU INHNINA 29:12

Rōngpu nan-Pathen in nangni leh intepna asyemna shunga hlutna sik a leh khava tlohlam kasōk kha inhlâng sik a tuning hiva hmun a aka-om chei kae,

JOSHUA 9:6

Khava sōa anmani Gilgal rephōra vakase heia Joshua leh Israelhei hnenga anti, “Keini ram kahlatak a inphut akahong ung kae. Keini’n inhnōmna inkhat nantaneipui sik ung kanmadu.”