EZRA 1:2 - LEKHARABU INTHENG (BSI)

² “Hivahi Persia Rengkalen Cyrus ṭongpek kae. Marvân Rōngpu Pathen in raleichung pumpuia vaikarôn amanṭang jo eng khana Judah ram Jerusalema ama sik bek-inn kasak sik a ama’n anganse jo eng.

EZRA 1:2 ပူးပေါင်းရင်းမြစ်များ

RENGHEI INKHATNA 8:27

“Tâk, Eh Pathen, nang raleichunga hin aka-om tor khet che mo? Marvân rakip innum akentor mak che kae, khan chu hiva Bek-inn kasak a hin heikhonga mo akatluk tor sik?

THUHMINGHEI INHNINA 2:12

Rōngpu Israelhei Pathen, marvân leh ralei kasyempa kha choi ka-ânna om rasoh! Ama’n Reng David hneng manhretna leh themna kasip phet, tûn Rōngpu sik a bek-inn sakna sik a leh abinga sik a reng-innpui sakna sik a a’ntluk, sapa kasing tak kha apek jo.

EZRA 1:5

Khava sōa Judah leh Benjamin phunga alu kachang hlamkakei, thempu leh Levihei khana Pathen in malung mathokna apek hei kha akase sik a leh Jerusalema Rōngpu Bek-inn sakna sik a intluk jo hei.

EZRA 3:7

Mipuihei khan hlung ṭōn leh thingṭōn katlohei sik a sêr anleipek hei khana tui-ôngpuia inphut Joppating heitôr sik Lebanona cedar thing leh thlengsōt sik a Tyre leh Sidon khōpuia sâk leh in, olive thai anleitir hei. Hiva rakip hi Parsia rengkalen Cyrus hnōm pekna thōia anleitlo.

EZRA 4:3

Zerubbabel, Joshua khana phungṭhen alu kachang hlamkakei he’n anti, “Kan-Pathen Rōngpu bek-inn sakna sik a nangni inthōpuina rangei mak ung. Persia reng kalenpa Cyrus ṭong pekna ung dungjuia kanbinga kansak sik.”

EZRA 5:15

Rengkalen khan khahei seng kha losōt pet a Jerusalem bek-inna choi malena sik khana Bek-inn kha hma aleingirna hmun a sak mantherna sik a ahnenga amanthei.

EZRA 6:10

Anmani’n Marvân Pathen tarahlâng thei inthoinahei a’ntōksōt theina sik khana kei leh kasapahei sik a vâng ander theina sik a hivahi a’ntlo sik kae.

EZRA 6:3

“Cyrus vairôn kum hma inkeia rengkalen khan inthoina leh roa tōkna sik a Jerusalema Bek-inn kha sak mantherna sik ṭong pekna aleinei hei. A’nshâng in metre 27 khana avai metre 27 nanta manchang sik kae.

EZRA 7:12

“Rengkalen Artaxerxes inphut Marvân Pathen Dân kathem, thempu Ezra hnenga.

NEHEMIAH 1:4

Hiva rakip hi kathei phat a, kei in-ong enga kaṭap eng. Kani katamtak ṭajai kasuia, heite leisâk mak eng. Pathen hneng kaleider,

NEHEMIAH 1:5

“Rōngpu, Marvân Pathen! Nang chu kalen che, nang kaṭit a keini kangir ung. Nang inlungset leh naṭongpek kajuihei chunga na’ntepna kha taksentak a natlosōt.

HLAHEI 136:26

Marvân Pathen kha manpâk ruh; alungsetna kha kumleikōa kae.

HLAHEI 85:2

Namihei setna narangei mandam hei khana anṭhena rakip donpek mak hei che.

ṬONGCHÎK-HEI 21:1

Kavadung tui lōngna hlam Rōngpu’n kabeitak a athleng tor kapōa rengpa malung um ama’n asurpek.

ISAIAH 41:2

“Nisō tinga inphut torna kaneipa ahei kaṭhōi kha tu mo, asena hmun rakip a hmesōna inchangpa kha? Renghei leh jât-hei chunga retorna kapek kha tu mo? Anmani vaiphinhei kapōa, ama chemjâm in akalek hlon jo hei. Ama the khan anmani kha sapôt thli tasêm manjōng kapōa akathek hei.

ISAIAH 44:26

Tâk-kha kasōk in hnungṭong asânsōt pha, kaṭōn mantlukna akaphôngsōt sik ngeva katirhei pha, Khava ṭōnhei kha ke’n kamantluk hei khana hnungṭong sânsōt hei kha kadiktak a kasōk heia kae. Ke’n Jerusalem hnenga mipuihei ashunga hong ka-om nôk sik hei, khana Judah khōpui kha athera anta hongsak sik hei kae tia kahri pek. Khava khōpuihei kha ansukset sōa inphut hongkathōi nôk sik hei.

ISAIAH 44:28

Ke’n Cyrus hneng kahri, ‘Kei sik a vai karôn sik kha nang che kae; Ke’n kamantlo hnōm che kha nang in natlo sik kae: Jerusalem avea saksōtna sik a khana Bek-inn innhmun kha deng manbukna sik a nang in ṭong namasō sik kae.’”

ISAIAH 45:1

Rōngpu’n Cyrus kha reng sik a akadei jo! Ama kha jât-hei kator sik a akadeisōt jo; ama kha renghei ratha neina kasuk inthla sik atir jo; Rōngpu’n khōpuihei sōngkot kha ama sik a amahlang pek sik. Cyrus hneng Rōngpu’n ahri,

ISAIAH 66:1

Rōngpu’n ahri, “Marvân kalen in-ongna kae, khana ralei kake man ngamna kae. Nangni’n kei sik a heikhong khova inn mo nantasak tor sik, ka-omna sik kha heikhong khova hmun a mo?

JEREMIAH 10:11

Nangni mipui chei in anmani manthei hei ruh ti chu ralei leh marvân kasyem mak, pathenhei kha suk manset sik hei kae. Anmani kha raleichunga hin omsôt mak hei ning.)

JEREMIAH 27:5

“Karatha inhnak leh kahratna vânga khan ke’n vânhnōi ralei, mihring, khana raleichunga aka-om ranhring rakip kasyema kae; khana ke’n kakadei mihei hneng khavahei kha kapek hei.

JEREMIAH 29:10

“Rōngpu’n ahri, ‘Babylona kum 70 atlang pha, ke’n nangni sik kamandon kha kamanhmu sik chei, khana nangni inna kaheiṭhōi nôk sik chei tia ka ṭongtep kha ke’n katlosōt sik kae.

DANIEL 1:21

Persia reng Cyrus in Babylon rea ator mak hma seng Daniel kha reng inna leika-oma kae.

DANIEL 2:21

Ama’n phat leh khōsûr khōsat ṭong anei tor; renghei um asyem hei khana syem nôk mak hei; sing leh themna kapek hi ama kae.

DANIEL 2:28

Tâk a’n-ip kaphôngsōt tor marvân Pathen inkhat ka-om. Ama’n Reng Kalûr nahnenga hnunga ahong kasōk sik kha ahri pek che kae. Tûn narahmang kha hripek che rong, khava najelaia rahmang kha.

DANIEL 4:25

Nang hi mihringhei kâra inphut hnongsōt sik che kae khan ramshahei leh kalengsap sik chei. Kum 7 sehratche inkhat kapōa phi nasâk sik, ramhânga karek sik che, khana nachunga radaitui katla sik. Chunghnung Pathen in mihring rengram rakip chunga vai arôn, khavakha ama’n akadeisōt mi inkhat hneng apektor ti kha kahnōm sik jo che.

DANIEL 4:32

Nang mihringhei kâra inphut hnongsōt sik che kae. Ramshahei kâra aka-om sik che kae, kum 7 sehratche kapōa phi nasâk sik kae. Khava pha Chunghnung Pathen in rengram rakip chunga vai arôn khana khavakha ama’n amadu mihei hneng apektor ti hi nang in nahong manhret sik.”

DANIEL 5:23

Marvân Rōngpu kadōia ṭōn natloa a-Bek-inna inphut kōkleihei kha nahei choi manhlut heia kae. Nang in nami kalen leh kahrânghei, nanuhmeihei, khana nanuhmei manbohei leh hiva kōkleihei vânga hin ju nan-inna, nang in khava pathen akahmu tor mak, akathei tor mak, khana heite inhret mak sana, dangka, sum-êng, thir, thing leh hlung vânga a’nsyem pathen kha nanmanpâk a kae. Tâk-kha nang natlona rakip ka-ensui, nathina leh nahringna katinta Pathen kha kajamak che.

DANIEL 6:25

Khava pha Reng Darius in raleichunga ka-om phung leh jât, ṭong rakip hnenga lekha aleimanrôn hei: “Marimna chibei!

JONAH 1:9

Jonah’n amasôn, “Kei Hebrew eng kae. Ke’n ralei leh tuipui kasyem marvân Pathen kha kakamuk.”