EPHESIANHEI 5:3 - LEKHARABU INTHENG (BSI)

³ Nangni Pathen mi nanchang dungjuia nankâra jôngna, intheng makna, phamhrai set inti ṭong hrisōt sik hi akadik changmak.

EPHESIANHEI 5:3 ပူးပေါင်းရင်းမြစ်များ

HLAHEI 10:3

Mikaṭhamak he’n anṭhatmak maduna kha an-inlensak pui; mi inphâm he’n Rōngpu kha anhōt khana anhâksêr.

HLAHEI 119:36

Mikanei chang sik kanek a nadân jui maduna sik a eipe roh.

SŌKSŌT 18:21

Kha leh inṭhōia nang in hlamkakei akarôntor sik mi ṭhahrep mipuihei hlamkakei sik a kadei heiroh: mi 1, 000 sik, 100 sik, 50; 10 hei sik a. Anmani kha Pathen kaṭit, taksenthei, khana sêrmarûk kasâk mak mi akachang sik hei kae.

SŌKSŌT 20:17

“Mihlop inkhat innhlō chunga nanthang manset mak ruh, anuhmei, asōk-hei, aranhei, asakōrtung hei, a-emak leh akarōi hei-inkhat chunga madu mak ruh.”

SŌKSŌT 23:13

“Rōngpu, ke’n kahri hei seng hi rangei ruh. Aralak pathenhei hneng derna neimak ruh; arahming bek um phamak ruh.

ṬONGCHÎK-HEI 28:16

Akaṭha mandonna kaneimak vaikarôn khachu nun kase, lungset inhret mak kachang sik. Malung intheng mak kahōt mi khan pha kasôttak vai arôn sik.

JEREMIAH 22:17

Tâk-kha nang chu nabinga phâmrai setna rōk kha nahmu; ṭhena kaneimak nathat hei khana namihei hnuk kasetak a nasuk manrim hei. Rōngpu’n ahri jo.

JEREMIAH 6:13

Anmani akasin leh akalen ankhenga malung intheng loa sêr hlona antlo; thempuhei leh sânkathemhei kapha’num mipui anhōn hei.

JEREMIAH 8:10

Khava jâra anhleihei kha akapu ather hei hneng khana annuhmeihei kha pase ahlop-hei hneng kapek sik jo hei. Mi rakip, akalen leh akasin in malung intheng loa sêr jongna sik antlo jo. Sânkathemhei leh thempuhei kapha’num mi anhōn heia kae.

EZEKIEL 33:31

Khana nang in heimo nahri sik antia ṭong inngei sik mi katamtak kahong hei, tâk-kha nang in tlo ruh nati hei khachu heite tlomak hei. Anbeia chu lungset ṭong anhri, tâk-kha an-inphâmna leh anhnemna jong khachu bângmak hei.

LEVI-DÂN 15:18

Nuhmei leh pase taksa inchunna annei inchu an-inhnibât a tui a’nsi sik hei, khōhlei katlung a’nthengmak sik hei kae.

MICAH 2:2

Anmani’n hlei anmadu pha, khavakha ansur; inn anmadu pha, anlo hei. Tûte inkhat innshung karōi kha hrung theina om mak a kae.

MIJAHEI 25:1

Israel he’n Acacia Phaichama rephōr anmatunglai pase he’n khava hmun a ka-om Moab jōrhei ansetpui jo hei.

MATTHEW 15:19

Ajârchu alungria inphut lungthim kaṭhamak, mi thatna, jôngna, khana ṭhatmak omchen tlona, inruna, maleisei, mi hrimasetna hei hi ahong kasōk kae.

LUKE 12:15

Khana ama’n anmani hei seng hneng ahri manjôna, “Phâmrai setna rakip a inphut insing thei una inhrung kaṭha ruh; ajârchu heituk anei inum khahei khan mi inkhat hringkhō kadiktak kha antasyemsōt tor changmak,” ati.

LUKE 16:14

Khahei seng kha Pharisee he’n anthei pha Jesu kha anlei enkada a kae, ajârchu sêr anmadua kae.

ṬŌNTLOHEI 15:20

Khava kanek a, anhnenga chithi mazet jôk me sona bek chônngaia akabōk bu leh thlai ansâk makna sik, ajârchu khahei kha limsyem hnenga tōknahei kae; jông leh kîk a inphut anbinga an-inkhâmna sik; khana karâk-hlon ranhring leh thisen ansâk makna sik a manthei hei rih.

ṬŌNTLOHEI 20:33

Ke’n tûte inkhat dangka, sana, pōnsi derkei madu mak eng.

ROMANHEI 1:29

Anmani hi ṭhatmak inti rakip kha kasip phet hei, malung dikmak, akaṭhamak, phâmrai kase, in-enkada; anmani hi thangset, mithat, indōi, mikahōn, akaṭhamakpen mandonna khan kasip hei. Anmani mitheiloa inbek hei

ROMANHEI 16:2

Pathen mihei tlohlam kasōktak a, Rōngpu rahminga amanu hi leirahlâng ruh khana nangnihei inthōpuina amadu heikhat a-om inchu leipek ruh; ajârchu amanu hi mi katamtak hei ṭhōn kaṭha kae, kei sik um kae.

ROMANHEI 6:13

Khan chu nantaksa bâk inkhat rōk um akaṭhamak ṭōn hmangna sik nantaphe mak sik kae. Khava kanek a, akadik ṭōn tlona sik nantaksa pumpui phesōt una, thina inphut hringna nanhei kaṭhōi Pathen hneng nanbinga inpek inhlut ruh.

CORINTHIANHEI INKHATNA 10:8

Anmani ṭhahrep taleitlo jông leh kîk jâra ni khat a mi 23,000 akathi inhmanghei kapōa eini chu niṭhehêr mak sik kae.

CORINTHIANHEI INKHATNA 5:1

Tûn, Jât-hlop hei kâra kapha’m khang khava ṭhena antatlo mak sik, khangtuk hrep ṭit ka-om jông leh kîk kha nankâra kasōk jo tia inhri. Mi inkhat in anulâk ajepui tia anhri pek eng.

CORINTHIANHEI INKHATNA 6:13

Mi inkhat nôk in hinga ati sik, “Von sik a bu ka-om khana bu sik a von ka-om.” Kadik; Pathen in an-inhnibât a alamanhmang sik hei. Taksa hi hur leh jôngna sik changmak, tâk Rōngpu razenna sik a kae; khana Rōngpu khan taksa veina sik kha apek kae.

CORINTHIANHEI INKHATNA 6:18

Jông leh kîk a inphut tlânsōt ruh. Setna inti aralak seng chu taksa chunga changmak; tâk jông leh kîk inphut a setna katloseng chu ataksa kadōia akaset kae.

CORINTHIANHEI INHNINA 12:21

Kei kahong nôk pha nanhmai kunga ka-Pathen in kei amansinsak sik eng khana mi katamtak in hma a jông leh kîk omchen anta leitloa, ansetnahei sik a malung lakathleng mak hei chunga, kaṭap khâk sik eng tia kaṭi eng.

EPHESIANHEI 5:12

Marûk a anṭōn tlohei kha hri sik bek um kadiktak a inzakpui ka-omhêr heia kae.)

EPHESIANHEI 5:5

Nangni’n hivahi nanmanhret thei sik, mikajông khōza inhret mak, phamhrai kase (ajârchu phamhrai setna hi limsyem kamuk inkhat kae) hei hin Pathen leh Christa Rengram kha chen nei hêrmak hei ning.

PHILIPPIANHEI 1:27

Tûn, apui karônpen khachu, kei nanka-en kahong tor inum, kahong tor mak inum, mandonna inkhat rōk leh maduna inkhat rōk a ṭong kaṭha taksen jâra inpunkhôma, nanre thōkna ṭongjai kha katheina sik khan chu nanhringkhō kha ṭong kaṭha tamadu dungjuia nanchôn sik kha kae.

COLOSSIANHEI 3:5

Nanshunga ṭōnkatlo raleichung tamadu leh tarangei hei khachu nantathat nger sik hei kae, khahei khachu: jông leh kik katlo, omchen kase, hur leh êm, ṭhatmak maduna, khana phâmrai kase, (phâmrai kase hi limsyem kamukna inkhat kae) hihei seng hi kae.

THESSALONIANHEI INKHATNA 4:3

Jông leh kîk a inphut pum inthenga nan-inthengseng sik hi Pathen tamadu kha kae.

THESSALONIANHEI INKHATNA 4:7

Pathen in jông leh kik kajōm sik a abek me changmak, inthengtak a ka-om sik a abek me kae.

TIMOTHY INKHATNA 2:10

tâk akaṭha ṭōn tlona vânga, bekṭong kanei nuhmei inkhat tatlo sik rahōi kha atlo sik a madu kae.

TIMOTHY INKHATNA 3:3

ju inrui mi akachangmak, innâk-inse kakaimak, tâk nunkahōi leh malung kadai akachang sik kae; sêr indu akachangmak sik kae;

TIMOTHY INKHATNA 6:10

Sêr madu mankhôk hi ṭhatmak rakip inphutna kung kae. Khava jâra mi ṭhahrep in sêr anmadu manhlei jâra antaksenna inphut hlam invaina anneia inrimna katamtak leh malung kōina anratōa kae.

TIMOTHY INHNINA 3:2

Mihe’n tabing anjong sik, phâmraiset anjong sik, inlensak sik hei, lungthim antlo sik; inzakna anchen sik, nu leh pa ṭong juimak hei ning, tlopekman manhret mak hei, bekṭong neimak hei;

TITUS 1:11

Anmani ṭonghri kha manbâng sik hei kae, ajârchu anmani’n antahri mak sik ṭong anhria innshung rakip anmanchok jo, khana inzakpui ka-om tak a sêr jongna sik anmantluk jo.

TITUS 1:7

Ajârchu bekrup hlamkakei inkhat kha Pathen innshung ṭōnkarôn achang jâra, a-omchen nōrna kase akachang sik kae. Ama racham kase, hnuk kanabei, ju inrui, chokchi katlo, sêr leh sum phâmrai kase akachangmak sik kae.

TITUS 2:3

Kha leh in-anghrep a nupui katerhei kha hringkhō inthenga akahring nuhmei anchangna sik manse hei roh. Khan chu mi kahri inset leh ju sōk akachangmak sik hei kae. Anmani’n akaṭha kha mi antamanthei sik hei kae,

HEBREWHEI 12:16

Esau in sa upa achangna rathachen kha thlai sâk khat rōk vâng a’njōrsōt kapōa omchen kaṭhamak leh rathla katlâksam tûte hongchang mak hei rasoh.

JOSHUA 7:21

Nichomsōt jo neinâk-hei kâra, Babylonhei pōn kaṭhatak inkhat, dangka kilograme 2, sanatlōn kilograme aherkhat kahrik kaleihmu hei. Kamadu rei heia kaleilo jo hei. Kapōn-innshunga kaphûm, dangka kha athōipena nanvahmu sik hei.”

PETER INKHATNA 5:2

Pathen tapek chei kemōng rup kakhem kha chang ruh, khana ratha setpuma changloa, ratha kahroktak a Pathen tamantlo hnōm chei dungjuia ensui hei ruh. Hlō rahlâng theina hrep a ṭōnkatlo changloa, malung kahluttak a ṭōnkatlo kha chang ruh.

PETER INHNINA 2:10

kakhôk chet a khava akabōk antaksa maduna kajuihei leh Pathen ratha neina kahnōise hei chunga. Oja kadikmak hei kha inlensak hei khana anracham kase, khana chungtinga akalûr hei kha kajana heite pek mak hei; khava kanek a, inzakna anpek jôk heia kae.

PETER INHNINA 2:14

Anmani’n nuhmei omchen kaṭhamak-hei tei loa alak heite enhnōm mak hei; setna sik antarangei kha chimtor hêrmak hei. Anmani’n mi katlâksam hei kha châng shunga anṭhōi manhlut hei. Anmalunga phâmraiset inthemchûk hei. Anmani Pathen hâksêrna thōia ka-om hei!

PETER INHNINA 2:3

Khava mi’nthei kadikmak hei phâmraiset jâra semsōt thuhming antahrina inphut hnemna anjong sik. Aheitik a sik a tûnchu anṭong Katanpa kha intluk jo, khana Ankasuk inhmangpa kha kathōisōt jo.

ṬONGPHÔNG 2:14

Tâk-kha nachunga kahnōm makna ajing ka-om: ti chu Israel mihei ansetna sik a limsyem kamukna thlai mansâkna sik leh omchen kadik mantlona sik a Balak ṭong intheipa, Balaam mantheina akajui mi ṭhahrep nang leh inṭhōia ka-omsap cheia kae.

ṬONGPHÔNG 2:21

A-omchen kadikmak a inphut amalung athlengna sik ke’n pha kapek, tâk amanu’n amalung thlenghnōm mak.

ṬONGPHÔNG 21:8

Tâk-kha ṭit kasehei, mikahōnhei, mikathat-hei, omchen kase hei, dôi kachoihei, limsyem inmuk hei, khana malei kaseihei seng omna sik a hmun kha hmei leh kât kângna dîr kha kae, khavakha vōi 2 tlukna thina kha kae.”

ṬONGPHÔNG 22:15

Achang ravâng khōpui vângting khan chu, mikahōn inthla, mikaṭhamak, dôi kachoi, mikajông, mikathat, limsyem inmuk, ṭōntlo leh ṭonghria malei kasei ka-om hei.

ṬONGPHÔNG 9:21

Khan chu anmithat, andôi choi, ankajông, an-inrûk bângdek mak heia kae.

SAMUEL INKHATNA 8:3

Tâk anmani kha anpa chônhlam juimak hei; sêr hmun a rōk a anratha kahrok, khava jâra marûk sêr anrahlâng khana malung inthenga ṭong tanmak hei.