EPHESIANHEI 5:2 - LEKHARABU INTHENG (BSI)

² Christa khan eini alungset mea, Pathen malung tlaina marim katui tōkna leh inthoina inkhat kachanga ama abinga eini sik jâra anpek sōt kapōa nangni um lungset in ching chei rasoh.

EPHESIANHEI 5:2 ပူးပေါင်းရင်းမြစ်များ

A’NPHUTNA 8:21

Inthoina marim khan Rōngpu malung kha katlâi joa abinga, “Mihringhei tloset jâra avea ralei hi hâksêr mak jo ning; ansinlaia inphut anmandonna hei kha ṭhaphung mak ti hi kamanhret. Ke’n tuna katlo kapōa ahei tik a’m akahring hei hi suk manram mak jo ning.

SŌKSŌT 29:18

Kemōngche kha apum a maichâm chunga thlai inthoina ro roh. Hiva inthoina hmui marim hin kei amantlai eng kae.

SŌKSŌT 29:25

Khava sōa ankut chunga inphut inlo roh, ro-inthoina chungchôna, kahnenga thlai inthoina inkhat a maichâm chunga romanvâm inthoina roh. Hiva inthoina hmui marim hin amantlai eng kae.

LEVI-DÂN 1:13

Mipa khan ran ashung alaia leh akahnung tinga ake asôp sik hei, khana thempu khan Rōngpu hnenga tōkna anei sik khana maichâm chunga aka-om rakip kha aro manvâm sik hei. Hiva thlai tōkna marim hi Rōngpu tlaina kae.

LEVI-DÂN 1:17

Ama’n amathla 2 kha amatua apum kha akei hlera amahlang sik, amathlahei chu keihler mak ning, khava sōa apum kha maichâm chunga aro sik. Hiva thlai tōkna marim hi Rōngpu tlaina kae.

LEVI-DÂN 1:9

Mipa khan ran ashung alai leh kahnungtinga akehei asôp sik hei, khana rōikaver thempu khan inthoina rakip kha maichâm chunga arosō sik kae. Hiva thlai tōkna marim hi Rōngpu tlaina kae.

LEVI-DÂN 3:16

Thempu’n hihei seng hi maichâm chunga Rōngpu tlaina sik thlai tōkna aro sik kae. Athai hei seng hi Rōngpu ta kae.

AMOS 5:21

Rōngpu’n ahri, “Nangni beklanga revei kha kamater; en-hnâm tor mak eng!

MATTHEW 20:28

Mihring Sapa kapōa, mi tarazen sik a changloa, mi inzen sik jôk leh mi katamtak intlensōt sik a ahringkhō kapea akajōng kapōa khan atlo sik kae.”

JOHN 13:34

Khana tûn ke’n nangni ṭongpek ther kapek chei kae: khat leh khat inlungset ruh. Ajârchu ke’n nangni kalungset chei kapōa, nangni khat leh khat a’nlungset nger sik chei kae.

JOHN 6:51

Kei marvâna inphut akajōng hringna buhlom eng kha kae. Tu achang inum hiva buhlom kasâk mi kha ahei tik chen a kahring sik. Khana ke’n ama kapek sik buhlom kha kataksa ravōi hi kae, hivahi vânhnōi hringna sik a kapek kha kae.”

ROMANHEI 15:16

kei Jât-hlop hei kâra Jesu Christa sōk inkhat kachang jâra kae. Jât-hlop hei kha Rathla Intheng in atōksōt Pathen tarahlâng inkhat anchangna sik, ke’n Pathena inphut ṭong kaṭha kha thempu inkhat kapōa kahrilea karazen kae.

ROMANHEI 4:25

Eini setna jâra ama akathi sik a pek sōt jo kae, khan chu eini Pathen leh akadiksap nichang theina sik, ama akahring sik a keimathōi jo kae.

ROMANHEI 8:3

Ralei mihring hi angaia atlâksam jâra, Dân in atlo tor mak kha Pathen in atlo jo. Setna kator sik a, set kasip mihring ngai kapōa kajōng, Asapa khet kha ajōngtir, mihring ngai shunga setna kha maset apek jo.

ROMANHEI 8:37

Emak, khahei seng chunga khan, ani’nlungset ama jâra pui katluk torna kha nichen jo!

CORINTHIANHEI INKHATNA 16:14

Nanṭōn rakip lungset a tlo ruh.

CORINTHIANHEI INKHATNA 5:7

Nangni nan-intheng sengna sik, khava setna che marō kha nanta losōt nger sik kae. Khava sōa nangni chê philo jâmdi hlomther inkhat kachang sik chei, kadik, khakhat kachang chei ti kamanhret. Ajârchu ni-Rakan Kût kha mantluk jo kae, tûn Rakan Kût kemōngte Christa kha antōksōt jo.

CORINTHIANHEI INHNINA 2:14

Tâk-kha Pathen kha manpâk a om rasoh! Ajârchu Christa leh inṭhōia Christa retorna injôkna khan kurkhum mihei kapōa Pathen in apha rakip a hlam akei ung. Marim katui inkhat kapōa Christa ṭong hi ahmun rakip a phôngtheina sik Pathen in keini ahmang ung.

CORINTHIANHEI INHNINA 2:15

Ajârchu hukmanhring kachang hei hneng leh a’nhmanghei hneng, keini hi marim katui Christa’n Pathen hnenga aro mankhut kapō ung kha kae.

CORINTHIANHEI INHNINA 8:9

Ni-Rōngpu Jesu Christa maritna me kha nangni’n nanmanhret; ama sara changna vâng nangni mikahao nanchangna sik a, mikahao ama kha nangni sik a abinga sara inchang joa kae.

GALATIANHEI 1:4

Tûnlai pha kaṭhamak a inphut eini ning leh hnōma masōna sik, ni-Pa, Pathen lungdo kajuia Christa kha abinga nisetnahei jâra inpek sōt jo.

GALATIANHEI 2:20

akahring hi kei emak jo eng, tâk kashunga akahring Christa kha kae. Tûna hringkhōa kahring hi, ani’nlungset a ahringkhō kei sik a anileikapek, Pathen sapa taksenna jâra akahring eng kae.

EPHESIANHEI 1:4

Eini ahmai kunga ṭhenakase a’ntheng nichangna sik, vânhnōi ralei ansyem mak hma inphut Pathen in atâ kachang sik a, Christa leh inchunna shunga aleikadei jo me kae. Ama lungset jâra

EPHESIANHEI 3:17

khan chu taksen jâra nanmalung shunga Christa’n a-inn asakna sik ke’n Pathen kader. Nangni lungsetna khan innhmun nanneia, rajung nanṭhōna sik a kader,

EPHESIANHEI 3:19

Kadik, ama lungsetna chei manhretna nei ruh, pui katluk a manhret thei achangmak inum, khana Pathen chôndân kha pui katluk a akasip chang ruh.

EPHESIANHEI 4:15

Khava kanek a, Rathla a inlungsetna shunga, ṭong kadik kha hria nilu kachang Christa a ahlam rakip a kakhang nger sik me.

EPHESIANHEI 4:2

Nangni ahei tik a nun-innem, nunkahōi, akadehrat chang ruh. Inkhat leh inkhat inbômtō una inlungsetna kha malâr ruh.

EPHESIANHEI 5:15

Khava jâra heikhong mo aka-omchen chei insing thei ruh. Mikamo kapō changloa, mikasing omchen a hring ruh.

EPHESIANHEI 5:25

Puisehei, Christa khan bekrup kha alungset jâra ahringna ama sik a apek sōt kapōa, nannuhmeihei lungset hei ruh.

DÂNRABU INHNINA 27:6

ajârchu Rōngpu nan-Pathen sik maichâm nansyemna kataia intuktanlo hlunga inphut syem sik kae. Khava hmun a hmeia ro manvâm sik inthoina nantatōk sik kae.

PHILIPPIANHEI 4:18

Khava jâra, hivahin nankutchoi pek eng rahlângna lekha kha ka-om, ahmangna sik kakhea katam jo! Tûn Epaphroditus in nankutchoi rakip ahei rôn pek enga madu rangei rakip kachen jo! Hihei hi Pathen hnenga a’ntōksōt arahlângthei inthoina marim katui kapō hei kha kae.

COLOSSIANHEI 3:14

Hiva rahōi sōkna rakip a hin, heirakip pui katluk a akakhit inchun, lungset kha besa ruh.

THESSALONIANHEI INKHATNA 4:9

Nanloi akataksenhei lungset sik chunga avea heimazet sik rangei mak jo. Ajârchu inkhat leh inkhat heikhonga a’nlungset sik chei mo ti hi nanbingkhet a Pathen in amanthei jo chei.

TIMOTHY INKHATNA 2:6

mi rakip intlensōt sik a abinga a’npek sōt kha kae. Pathen in mi rakip hukmanhring sik hi amadu ti hi aphahrep a manchênna kha kae,

TIMOTHY INKHATNA 4:12

Khangdông chang jâra mi’n hmumasi mak hei che rasoh, tâk ṭonghria, omchen a, lungsetna, taksena, khana inthenga na-omna kha akataksenhei sik a tekhing inkhat chang roh.

TITUS 2:14

Eini ṭhatmakna rakip a inphut ani kahuksōt sik a leh mi intheng ama ta rōk akachang sik mea khana akaṭha katlo hnōm nichangna sik a, ama’n abinga eini sik a inpek sōt joa kae.

HEBREWHEI 8:3

Thempu Kalen rakip Pathen hneng insuk inthengna ran vâng inthoina a-emak leh kutchoi katōk sik a matung hei kae; khava jâra eini Thempu Kalen inum tōk sik heikhat anei nger sik kasōk.

HEBREWHEI 9:14

Hivahi adik inchu, Christa thisen rarap khan chu heituk akakhe chet a ṭōn achai sik jo mo! Kumsôt Pathen Rathla a inphut Christa kha pui katluk tōkna kachanga Pathen hneng abinga inpek sōt jo. Akahring Pathen kha nirazen theina sik, athisen khan eini mandon ṭhen theina kha hnemna kase bekdâna inphut amantheng pek sik me.

HEBREWHEI 9:23

Khava marvân chunga neinâk lim kapō hei kha khanga mantheng sik anrangeia kae. Achang inchu marvân chunga neinâk-hei rarap khachu akaṭhachet inthoina anrangeia kae.

HEBREWHEI 9:26

khanga achang inchu, vânhnōi ralei insyembia inphut ave-avea inrimna aleide jo akachang sik kae. Kha changloa, tûnchu pha rakip a’nchai sik ting, ama intōksōtna hin setna rakip a’nthengna sik ahei tik a sik a vōi khat rōk ava’nlâr kae.

PETER INKHATNA 4:8

Heirakip chunga nangni khat leh khat lungri tak a inlungset ruh, ajârchu lungset in setna katamtak akahuksia kae.

JOHN INKHATNA 3:16

Lungset hi heimo kae ti nimanhretna khachu: Christa khan ahringkhō eini sik apek sōt hi kae. Khava jâra eini’m nisōpuihei sik a nihringkhō nipek sōt sik kasōk!

JOHN INKHATNA 3:23

Ama ṭongpek khachu, Christa’n ṭong aleipek me kapōa, eini khat leh khat a’nlungset sik me khana asapa Jesu Christa rahming nitaksen sik hi kae.

ṬONGPHÔNG 1:5

khana taksen ka-om sâkhi kapek akathia inphut ahma inkeipena keimathōi sik khana ralei renghei vaikarôn Jesu Christa a inphut maritna leh lung mōngna nanta chang rasoh. Ama’n alungset me, khana ama a’ntōksōt a athia khan eini nisetna heia inphut ning leh hnōma amasō jo me,

ṬONGPHÔNG 5:9

Anmani’n hlather inkhat anleisak: “Lekha inze kalo sik a leh mêrchîkna intat kha akasuk khōia inhlâng sik a nang rahōi kasōk che. Ajârchu nang anleithat che, khana nang inthoina thina vâng khan phung rakip, ṭong rakip, jât rakip, mihring rakip kâra inphut, mihei kha nang in Pathen sik a narachôk jo heia kae.