7 Christa khan atena hrep a apek me dungjuia ahlop et kutchoi inkha-khat kha nirahlâng et a kae.
Antlo torna dungjui et a aleisempek hei: inkhat hneng sêr 5,000 apek, ahlop inkhat hneng 2,000 apek, khana ahlop inkhat hneng 1,000 apek. Khana ama khōhme kase jo.
Pathen tahei tir mi khan Pathen ṭong kha ahri; ajârchu Pathen in ama chunga arathla kha pui katluk a apek.
Khana Pathen in marittak a apek eng kutchoi jâra, ke’n nangni inkha-khat hnenga kahri kae; nan-mi changhrep kakhea inshângtak a indonmak ruh. Khava kanek a nanmalung mannem jôk ruh, Pathen tapek chei taksenna dungjui hrep a nanbinga indon ruh.
Pathen leh inṭhōia kanṭōn tlona shunga khan tûnchu Pathen maritna kanchen jo, nangni’n khavakha ahnemna kase manchang mak ruh tia kantangek chei kae.
Nanṭhat chômna sik ṭōn katlo sik a Pathen maritna’n apek eng ṭong hi nanlei thei jo.
Kei Pathen mihei seng kâra, akasin kâra akasinpen eng kae; kha’num Christa ṭhatna bângtik kaneimak chungchânga ṭong kaṭha kha Jât-hlop hei hneng akarôn sōt sik ṭōn
Kha leh inṭhōia Pathen in alungdo dungjuia Rathla Intheng kutchoi kha asempek heia ṭōn-inlak katamtak leh det-hlana hei aleitloa anmani tatlo chunga asâkhi kha aleibesa pek hei.
Pathen kutchoi pek katinta kathem kapōa, Pathena inphut kutchoi ahlopdet kutchoi achen kha alak-hei ṭhatna sik ahmang sik kae.