EPHESIANHEI 4:1 - LEKHARABU INTHENG (BSI)

¹ Khava jâra, Rōngpu razenna jâra khum mi kachang ke’n nangni kangek chei: Pathen in abeklai chei ama’n amanṭhat omdânna hring ruh.

EPHESIANHEI 4:1 ပူးပေါင်းရင်းမြစ်များ

A’NPHUTNA 17:1

Abram kum 99 atluk pha Rōngpu ahnenga inlâra, “Kei Akahratpen Pathen eng kae. Kaṭong jui roh khana akadik tlo ṭhak roh.

A’NPHUTNA 5:24

Ahringkhōa Pathen leh inṭhōia leika-om. Khava bânna chu ama inhmu mak jo, ajârchu Pathen in ama kha aṭhōisōt joa kae.

JEREMIAH 38:20

Ke’n kahri, “Anmani kut chunga nang pek sōt mak hei tin. Rōngpu ṭong kha najui sik a kangek che; khan chu heirakip nang sik a akaṭha kachang sik, khana nahringkhō huksōt kachang sik.

ṬŌNTLOHEI 9:31

Khang’khan Judea, Galilee khana Samaria pumpuia bekrup-hei chunga mōngna leikaleng. Rōngpu kajana’n vai arôn leh inṭhōia Rathla Intheng inthōpuina jâra anratha leikahrat khana anja um leikapung jo.

ROMANHEI 11:29

Ajârchu Pathen in akadeisa leh mahâmṭhat apeksa hei chunga amalung thlengmak.

ROMANHEI 12:1

Khava jâra kasōpuihei, Pathen maritna me alen jâra ke’n nanhnenga hivahi kangek chei kae. Pathen malung tlaina leh aṭōn tlona khan inthenga inpek sōtna sik, nangni Pathen hneng hringpuma intōksōt ruh. Hivahi nantatōk sik kamukna kadiktak kha kae.

CORINTHIANHEI INKHATNA 4:16

Khava jâra kei omchen kha nantajui sik a kangek chei.

CORINTHIANHEI INHNINA 10:1

Nangni leh ni-omsap pha a chu, nunkahōi leh nun-innem antatipa, tâk nangni leh inhlajap a ka-om pha a chu, hnuk kase tia antahripa Paul, ke’n, katak khet in nanhnenga kangek chei kae. Christa nun-innemna leh milungset themna vâng khan

CORINTHIANHEI INHNINA 5:20

Hinahin Pathen in keinia inphut ṭong ahri kapōa, keini’n Christa sik a kantahri kae. Christa kahlâng kathlenga kantangek chei kae. A’nrepui nanchangna inphut Pathen in aṭhōn manchang chei rasoh.

CORINTHIANHEI INHNINA 6:1

Pathen leh inṭhōia kanṭōn tlona shunga khan tûnchu Pathen maritna kanchen jo, nangni’n khavakha ahnemna kase manchang mak ruh tia kantangek chei kae.

GALATIANHEI 4:12

Kasōpuihei, kei apō ruh, tia kangek chei kae. Ke’num heirakip a nangni kapō chei kae. Kei chunga nanṭhena heite om mak.

EPHESIANHEI 2:10

Nikahring hi Pathen tasyem me kae, Jesu Christa leh inchunna shunga nihringkhōa tlosōt sik aman tlukdek jo ṭōn kaṭha katlo sik a asyem me kae.

EPHESIANHEI 3:1

Hiva jâra, nangni Jât-hlop hei sik a Christa Jesu khum mi, Paul, ke’n Pathen hneng kader kae.

EPHESIANHEI 4:17

Khava jâra ke’n, Rōngpu rahminga karakôk chei kae: akahnem mak indon Jât-hlop hei kapōa, hringṭhak mak jo ruh,

EPHESIANHEI 4:4

Pathen bekna cheia khan inhōrna inkhat a-om kapōa taksa inkhat, Rathla inkhat ka-om,

EPHESIANHEI 5:2

Christa khan eini alungset mea, Pathen malung tlaina marim katui tōkna leh inthoina inkhat kachanga ama abinga eini sik jâra anpek sōt kapōa nangni um lungset in ching chei rasoh.

PHILIPPIANHEI 1:27

Tûn, apui karônpen khachu, kei nanka-en kahong tor inum, kahong tor mak inum, mandonna inkhat rōk leh maduna inkhat rōk a ṭong kaṭha taksen jâra inpunkhôma, nanre thōkna ṭongjai kha katheina sik khan chu nanhringkhō kha ṭong kaṭha tamadu dungjuia nanchôn sik kha kae.

PHILIPPIANHEI 3:14

Khava jâra chunga hringkhō chenna sik Jesu Christa a Pathen bekna eng, tloman hmutorna sik a kei intlunhrek a bitin kaneia katlân eng.

COLOSSIANHEI 1:10

Khana inphut ahei tik a Rōngpu malung tlaina ṭōn nantlo sik khana alungdo dungjuia kahringthei sik jo chei. Khana Pathen manhretnating kakhang sik chei khana nanhringkhōa ṭōn kaṭha rakip kara kanei kachang sik jo chei.

COLOSSIANHEI 2:6

Nangni’n Jesu Christa kha Rōngpua nantahnōm jo achang jâra, ama leh inchun a hring ruh.

COLOSSIANHEI 4:12

Nanloi kâra mi inkhat Jesu Christa sōk Epaphras in chibei ahei pek chei. Ama’n nangni Pathen lungdo katluktak a akajui, pui katluk leh akahnōm inchên jo Christian, akangir inhnet nanchangna sik a Pathen hneng angêk a, nangni sik a malung kahluttak a derna aneia kae.

THESSALONIANHEI INKHATNA 2:12

Kanmathok chei, lungmōng kanṭhlâk chei, khana a-Rengram leh alûrna kachen sik a nankabekpa Pathen malung tlainating hringkhō kha nanhmangna sik kanngek ṭhak chei.

THESSALONIANHEI INHNINA 1:11

Khava jâra nangni sik kantader pek ṭhak chei kae. Ama’n abekna chei hringkhōa akahring sik a rahōi kasōk inkhat a asyemna sik chei ni-Pathen hneng kandera kae. Nangni’n akaṭha nanta madu hei leh nantaksenna ṭōnhei kha aratha hratna vâng pui mathluk pek chei rasoh.

TIMOTHY INHNINA 1:9

Eini’n heikhat nitlo jâra changloa, tâk amarit me jâra leh amantlukna jâra, ami kachang sik a abek mea ahuk jo me kae. Hiva maritna hi pha ale’nphut mak hma Jesu Christa jâra aleipek jo me kae,

TITUS 2:10

khana annei kha marûk mak hei rasoh. Khava kanek a, antlona rakip chunga ani kahuk inhring Pathen mantheina kha anneina sik ahei tik a anṭhatna leh taksenthei anchangna kha antamalâr sik kae.

HEBREWHEI 3:1

Pathen tabek jo ka-Christian sōpuihei! Eini’n nihrisōt taksenna chunga Thempu Kalen kachang sik a Pathen tajōngtir Jesu kha mandon ruh.

PETER INKHATNA 2:11

Kaṭhōn marit hei, hiva vânhnōia hin khōhme leh rekatlânhei hnenga kapōa kahei ngek chei. Ahei tik arathla kadōiṭhak taksa tamadu leh rangei heia khan inpek mak ruh.

PETER INKHATNA 3:9

Akaṭhamak kha akaṭhamak vâng male mak ruh, a-emak leh hâksêrna anikapek hei kha hâksêrna pek male mak hei ruh; khava kanek a, mahâmṭhat pek jôk hei ruh, ajârchu Pathen in abeklai chei, pek sik cheia ale’ntep kha hiva mahâmṭhatna hi kae.

PETER INKHATNA 5:10

Tâk-kha nangni’n pha bongkhat inrimna nande pha, Christa leh inchunna shunga kumsôt a lûrna kachen sik a nankabekpa, Pathen amatak in pui amathluk sik chei khana akahnet, ratha kahrat, ngirna hmun inkhat apek sik chei.

PETER INHNINA 1:3

Aṭhat leh alûrna kachen sik a anikabekpa nimanhretna khan, kadik a beklang hringkhōa nihringna sik, nirangei rakip kha Pathen ratha hratna khan apek jo me.

JOHN INHNINA 1:5

Khava jâra marit ka-om nuhmei: eini khat leh khat inlungset rih tia kahei ngek che kae. Hivahi ṭongpek therbing kaheimazet che changmak; a’nphutbia inphut eini’n nileineisa ṭongpek kha kae.