EPHESIANHEI 3:9 - LEKHARABU INTHENG (BSI)

⁹ khana Pathen ṭōnmantluk in-ip kha heikhong mo ṭōn vânga ahon’rôn sōt sik ti kha mi rakip manhmu theina sik, ṭōn hi Pathen in kei apek jo eng. Heirakip Kasyempa Pathen in, ama ṭōn in-ip hei hi kum kasôttak aleithup heia kae,

EPHESIANHEI 3:9 ပူးပေါင်းရင်းမြစ်များ

HLAHEI 33:6

Rōngpu’n marvânhei hi aṭongpek vâng asyem hei, kani, thla, khana ârsihei hi aṭongpek vâng asyem hei.

ISAIAH 44:24

“Kei nankahuk inhring Rōngpu eng kha kae; Nankasyem kha kei eng kae. Heirakip kasyem, Rōngpu eng kha kae. Kei rōk in marvânhei kamazersōt hei kae; Ralei hi kasyemlai tûte’n abômmak hei.

MATTHEW 10:27

Inthim thōia ke’n nanhnenga kahri hi khōvâra nangni’n nanta hri manther nger sik kae, marûk katia nantathei kha inn chunga nanta hrimanthang nger sik kae.

MATTHEW 13:35

Ama’n hiva aleihmang hi sânkathem taleihri kha hui atlungna sik a kae: “Anhnenga ṭong kahri pha tekâk kahmang sik, vânhnōi insyembia ṭong in-ip kha anhnenga kahri pek sik hei.”

MATTHEW 25:34

Khava pha Rengpa khan achang tinga hei hneng, ‘Hong ruh, kapa mahâmṭhat pek hei! Vânhnōi insyembia inphut nangni sik a mantluksa rengram kha hongchen jo ruh.

MATTHEW 28:19

Nangni mi rakip hnenga, hmun rakip a se ruh, kasonle vasyem hei ruh: Apa, Asa, Rathla Intheng rahminga tui manhlut hei ruh,

LUKE 24:47

khana Jerusalema inphut a jât rakip hneng malung thlengna leh set rangei mandamna sik ama rahminga ṭong inhri inthang sik kae.

JOHN 10:30

Pa kha leh kei inkhat rōk ung kae.”

JOHN 5:17

Jesu’n anmani amasôn hei, “Kapa’n ṭōn atlo ṭhak achang jâra ke’num katlo sik kasōk.”

JOHN 5:19

Khava jâra Jesu’n anmani amasôn hei, “Akadiktak kahri pek chei kae, Sapa khan abing rachama heite tlotor mak; apa tatlo ahmu hei rōk kha atlo kae. Apa tatlo kha, Sapa kha’num atlo kae.

ṬŌNTLOHEI 15:18

Hmalaia inphut manhretna anikapek Rōngpu’n hinga ati.’

ROMANHEI 11:25

Kasōpuihei, nangni’n nantamanhret sik a kamadu akadik a’n-ip inkhat ka-om, ajârchu khava khan nan-insingsakna khana inphut ahrung sik chei. Khachu hi kae: Israel mihei malung kasak kha akasakthang sik changmak; tâk Pathen hneng Jât-hlop hei kakip a anhonghlut sō mak kârseng rōk sik kha kae.

CORINTHIANHEI INKHATNA 2:7

Kei tahri singna khachu, ralei insyem mak hma inphut einihei lûrna sik a aleikadeisa, Pathen singna inthup kha kae.

EPHESIANHEI 1:4

Eini ahmai kunga ṭhenakase a’ntheng nichangna sik, vânhnōi ralei ansyem mak hma inphut Pathen in atâ kachang sik a, Christa leh inchunna shunga aleikadei jo me kae. Ama lungset jâra

EPHESIANHEI 3:2

Nanṭhat chômna sik ṭōn katlo sik a Pathen maritna’n apek eng ṭong hi nanlei thei jo.

EPHESIANHEI 6:19

Ke’n hri sik a ka’ntluk pha, Pathen ṭong kha apekna sik eng, khana ṭong intheng in-ip kha kangamtak a kahrisōt torna sik leh mi manhretna katlo theina sik aderpek ruh.

COLOSSIANHEI 1:23

Adek a, nangni’n akahnet leh akadik ngir hmun chunga taksenna kha nantaneiṭhak sik kae, khana nantathei ṭong kaṭha a inphut nan-inhōrna chunga khan a’nhlingjen mak sik chei kae. Hiva ṭong kaṭha sik jâra hin Paul kei sōk inkhat akachang eng kae, hiva ṭong kaṭha vânhnōi ralei mi rakip hneng akahrile sik a.

COLOSSIANHEI 1:26

khavakha kumsôt a mi rakip hnenga aleithup ṭong in-ip, tûnchu amihei hneng aphôngsōt jo kha kae.

COLOSSIANHEI 3:3

Ajârchu nangni kathi jo chei, khana nanhringkhō kha Pathen hneng Christa leh inṭhōia a’nthup jo kae.

COLOSSIANHEI 4:3

Kha leh inṭhōia Christa chungchânga a’n-ip ṭong kha hritheina sik pha kaṭha Pathen in apekna sik ung keini sik aderpek ruh. Ajârchu khava sik a kei tûn kurkhum a aka-om eng kae.

THESSALONIANHEI INHNINA 2:13

Rōngpu talungset sōpuihei, nangni jâra keini’n ahei tik a, Pathen kantamanpâk ṭhak sik kasōk. Ajârchu nangni’n akadik kha nantaksen jâra Rathla rathahrat vâng Pathen in ama mi intheng amanchangna sik chei hma inkeia hukmanhring sik a akadei jo chei kae.

TIMOTHY INKHATNA 3:16

Eini bekṭong in-ip lenje hi tûte’n emak titheimak hei ning: Ama mihringa hong inlâr, Rathla khan kadik tia amalâr, khana ngeva he’n anleihmu. Jât-hlop hei kâra ama ṭong le’nhrile, vânhnōi pumpui in anleitaksen, khana marvâna ṭhōitoua leika-om jo.

TIMOTHY INHNINA 1:9

Eini’n heikhat nitlo jâra changloa, tâk amarit me jâra leh amantlukna jâra, ami kachang sik a abek mea ahuk jo me kae. Hiva maritna hi pha ale’nphut mak hma Jesu Christa jâra aleipek jo me kae,

TIMOTHY INHNINA 4:17

Tâk-kha Rōngpu’n kei a-ompui enga khana ratha ngarna apek enga Jât-hlop hei seng tarangei sik a ke’n pui katluk a ṭong kha kaleihri manthang tor a kae; khan chu thina sik ṭong mathlâkna inphut hukmanhring leikachang jo eng.

TITUS 1:2

khavakha kumleikōa hringna sik a inhōrna chunga khan akangir kae. Hiva hringna ṭong hi, malei kaseimak Pathen in pha ale’nphut mak hma, aleitep peksa me kae,

PETER INKHATNA 1:20

Vânhnōi insyem mak hma inphut Pathen in ama alei kadeisōt jo, khana kani hnung intonga hin nangni sik a amalârsōt jo kae.

ṬONGPHÔNG 13:8

Raleichung ansyem mak hma ale’nthat jo Kemōngte hringna lekha shunga rahming a’nzet hei tei loa raleichung mi rakip in ama antakamuk sik kae.

ṬONGPHÔNG 14:6

Khava sōa ngeva hlop inkhat bōirōk inshânga ajōng kha ke’n kahmu, ama khan kumsôt hringna ṭong raleichung mihring jât rakip, phung rakip leh ṭong rakip hneng ahrilea kae.

ṬONGPHÔNG 17:8

Ranhring nahmu kha vōi khat leikahring, tâk tûnchu hringmak jo, ama kha suk manhmang theina sik adongna kase dôpkhura inphut ahei kasōkvet jo kae. Ralei ale’nphut mak hma hringna lekharabu shunga rahming ale’nzet inhlutmak raleichunga akahring he’n, ranhring kha anhmu pha inlak hêra anmandon et sik. Khavakha pha khat a leikahring; tûnchu hringmak jo, tâk avea laho’nlâr nôk sik.

ṬONGPHÔNG 4:11

“Kan-Rōngpu leh kan-Pathen! Lûrna leh kajana, khana ratha hratna kachen sik a narahōi kae. Ajârchu nang in heirakip nasyem, khana nalungdoa hringna leh hringkhō napek heia kae,” anti.