EPHESIANHEI 3:2 - LEKHARABU INTHENG (BSI)

² Nanṭhat chômna sik ṭōn katlo sik a Pathen maritna’n apek eng ṭong hi nanlei thei jo.

EPHESIANHEI 3:2 ပူးပေါင်းရင်းမြစ်များ

ṬŌNTLOHEI 13:2

Anmani’n thlai anhngōia Rōngpu anleirazenlai, Rathla Intheng in hing’hin aleihri pek hei: “Kabekna hei ajârpen kha antlona sik a, Barnabas leh Saul kha aṭhensōt pek hei ruh.”

ṬŌNTLOHEI 13:46

Achang ravâng kangam chet a Paul leh Barnabas in kaṭongsōt jo hei: “Nangni hnenga Pathen ṭong hi hri masa pen sik arangei. Tâk-kha nanrahlâng mak jâra leh kumsôt hringna kachen sik a nanbinga rahōi kasōkmak a nan indon jâra, kantadahlon cheia Jât-hlop hei hnengting jôk akase sik jo ung kae.

ṬŌNTLOHEI 22:21

Rōngpu’n kahnenga, ‘Se roh, ajârchu ram kahlatak a Jât-hlop hei hneng katir sik jo che kae,’ ati eng.”

ṬŌNTLOHEI 9:15

Rōngpu’n ahnenga, “Se roh, ajârchu ama hi Jât-hlop hei leh renghei khana Israel mipui he’n karahming anmanhretna sik, kei inzen sik a kakadeisōt jo kae.

ROMANHEI 1:5

Jât rakip he’n antaksenna sik leh anjuina sik a hlamkei theina, Christa sik a sonle inkhat changna intōk-hrepna kha Pathen in ama a inphut kei apek jo eng.

ROMANHEI 11:13

Tûnchu Jât-hlop nangnihei hneng kahri kae: Jât-hlop hei hneng kei sonle inkhat kachanglai seng, kaṭōn chunga inlensak sik eng.

ROMANHEI 12:3

Khana Pathen in marittak a apek eng kutchoi jâra, ke’n nangni inkha-khat hnenga kahri kae; nan-mi changhrep kakhea inshângtak a indonmak ruh. Khava kanek a nanmalung mannem jôk ruh, Pathen tapek chei taksenna dungjui hrep a nanbinga indon ruh.

CORINTHIANHEI INKHATNA 4:1

Nangni’n, keini hi, Christa sōk Pathen ṭongdik in-ip katintahei kae, tia amandon ruh.

GALATIANHEI 1:13

Kei Jehudihei beklangting kamalung aleihlut lai khan, Pathen bekrup kha lungsetna neilo hêra manhmangna sik kator chenna kaleitlo kha nanlei thei sik jo.

EPHESIANHEI 1:10

Apha atluk pha, Pathen ṭōnmantluk achaina sik khachu, marvân leh raleia kutsyem rakip akhôm mantûp sōa Christa khan anlu akachang sik kha kae.

EPHESIANHEI 3:7

Pathen in atlo torna ratha vâng ahlop mônga kutchoi apekna eng khan, ṭong kaṭha sōk inkhat a asyem eng.

EPHESIANHEI 3:8

Kei Pathen mihei seng kâra, akasin kâra akasinpen eng kae; kha’num Christa ṭhatna bângtik kaneimak chungchânga ṭong kaṭha kha Jât-hlop hei hneng akarôn sōt sik ṭōn

EPHESIANHEI 3:9

khana Pathen ṭōnmantluk in-ip kha heikhong mo ṭōn vânga ahon’rôn sōt sik ti kha mi rakip manhmu theina sik, ṭōn hi Pathen in kei apek jo eng. Heirakip Kasyempa Pathen in, ama ṭōn in-ip hei hi kum kasôttak aleithup heia kae,

EPHESIANHEI 4:21

Nangni’n ama chungchâng ṭong chu nantathei khet jo kha kae, khana ama kahnung kajui nanchang dungjuia Jesua akadik kha anmanthei jo chei.

EPHESIANHEI 4:7

Christa khan atena hrep a apek me dungjuia ahlop et kutchoi inkha-khat kha nirahlâng et a kae.

COLOSSIANHEI 1:4

Ajârchu nangni’n Pathen mi rakip nantalungset leh Jesu Christa a nantaksenna kha kantheia kae.

COLOSSIANHEI 1:6

Nangni kâra hma inkeipen kania Pathen maritna nantaleithei a’nchênkhet nantamanhret kapōa, ṭong kaṭha hin vânhnōi pumpuia mahâmṭhatna ajōng rôn ṭhak a inthangsō joa kae.

TIMOTHY INKHATNA 1:11

Khava mantheina khachu, akalûr leh mahâm kaṭha Pathena inphut Ṭong kaṭha akaphôngle sik a aleinganse eng ṭong intheng shunga inhmusōt a kae.

TIMOTHY INKHATNA 1:4

Inkhe-beitamna rōk insō ṭhut leh pusōnhei rahming kahri heiso anbângna sik manthei hei roh; anmani’n taksenna vâng antamanhret Pathen ṭōn mantlukna kha razen mak hei.

TIMOTHY INKHATNA 2:7

khava jâra Jât-hlop hei hneng akadik leh taksenna ṭong kahri inthang sik a, kei sonle inkhat leh oja inkhat a atir eng kae. Kei kamalei seimak; kei akadik kahri kae!

TIMOTHY INHNINA 1:11

Ṭong kaṭha kahri inthangle sik a sonle leh oja inkhat kachang sik a Pathen in akadei jo eng,