EPHESIANHEI 3:1 - LEKHARABU INTHENG (BSI)

¹ Hiva jâra, nangni Jât-hlop hei sik a Christa Jesu khum mi, Paul, ke’n Pathen hneng kader kae.

EPHESIANHEI 3:1 ပူးပေါင်းရင်းမြစ်များ

LUKE 21:12

Hihei seng hi asōk mak hma, nangni ansur sik chei khana anmanrim sik chei; intûpna innheia ṭong tan sik a anpek sōt sik chei khana kurkhum a ankhum sik chei; kei jâra renghei leh vaikarônhei hmaikunga ankeimanhlut sik chei.

ṬŌNTLOHEI 21:33

Rehlam kakeipa khan Paul ajōna, asur jo, khana thirkehrui 2 vâng antakhōp sik a ṭong aleipek hei. Khava sōa ama’n aleider hei, “Hiva mipa hi tu mo, khana heitlo setna mo anei?”

ṬŌNTLOHEI 23:18

Ṭōnpui karônpa khan rehlam kakeipa hneng aṭhōia ati, “Nimi khumpa Paul in abek enga hiva rether naipangpa hin nahnenga hrihnōm anei, ṭhōi manhlut roh, tia ngekna aninei eng.”

ṬŌNTLOHEI 26:29

Paul in amasôn, “Phât kaseitak shunga achanga, akatoitek shunga achanga, tuninga kaṭong hri kathei nang leh alak nankhenga, hiva ka’nkhōpna thirhrui chen sik tei loa, kei kapō nanhong changpet sik hi Pathen hneng kaderna kha kae.”

ṬŌNTLOHEI 9:15

Rōngpu’n ahnenga, “Se roh, ajârchu ama hi Jât-hlop hei leh renghei khana Israel mipui he’n karahming anmanhretna sik, kei inzen sik a kakadeisōt jo kae.

CORINTHIANHEI INHNINA 1:6

Keini’n inrim khōdeng theina kande’nchu, khavakha nangni inthōpuina leh hukmanhringna sik a kae; khana keini inthōpuina kanchen inchu, keini tade inrim khōdengthei kapō kha detorna leh thōktorna sik inthōpuina leh ratha ngarna nangni’m a’npek chei kae.

CORINTHIANHEI INHNINA 10:1

Nangni leh ni-omsap pha a chu, nunkahōi leh nun-innem antatipa, tâk nangni leh inhlajap a ka-om pha a chu, hnuk kase tia antahripa Paul, ke’n, katak khet in nanhnenga kangek chei kae. Christa nun-innemna leh milungset themna vâng khan

CORINTHIANHEI INHNINA 11:23

Anmani Christa sōk-hei mo? Ke’n mi invet kapōa ṭong kasō, anmani kanek a akaṭhachet sōk inkhat eng kae! Ke’n ṭōn inhnakchet a katlo, kurkhum a pha katam ka-om chet eng, sung vânga anvōkchet eng, kathi vetvetna katamchet a kae.

GALATIANHEI 5:11

Tâk-kha kei sik a chu, sōpuihei, tûn katlung vuntanna sik hi kalahri mankhôk achang inchu, heisik a mo kei suk manrima aka-om sik eng? Vuntan sik kha akakhôk achang inchu, Christa thingrake chungchâng kahrilena hin inrimna aleika-om mak sik kae.

GALATIANHEI 5:2

Rangei ruh! Paul ke’n kahri pek chei kae, nangni nanbinga vuntan sik nanhnōm inchu, nangni sik a Christa kha ahnemna aka-om mak jo kae.

GALATIANHEI 5:24

Khana Christa Jesu ta kachang mihei seng khan chu antaksa tamadu leh rangei seng kha antathatsō jo kae.

EPHESIANHEI 3:11

Pathen in alungdo dungjuia kumsôt a sik a aleimantluk ṭōn kha ni-Rōngpu Jesu Christa jâra atlo jo.

EPHESIANHEI 3:13

Khava jâra, nangni sik a khōdeng katheina chunga hin, nanmalung mathla mak ruh tia kahei ngek chei kae; hihei seng hi nangni sik hnemna kae.

EPHESIANHEI 3:8

Kei Pathen mihei seng kâra, akasin kâra akasinpen eng kae; kha’num Christa ṭhatna bângtik kaneimak chungchânga ṭong kaṭha kha Jât-hlop hei hneng akarôn sōt sik ṭōn

EPHESIANHEI 4:1

Khava jâra, Rōngpu razenna jâra khum mi kachang ke’n nangni kangek chei: Pathen in abeklai chei ama’n amanṭhat omdânna hring ruh.

EPHESIANHEI 6:20

Tûn kei kurkhum a thihruia ankhit eng inum, hiva ṭong kaṭha sik a palai inkhat eng kae. Ṭong kaṭha hri sik dôra kangamtak a kahritorna sik aderpek ruh.

PHILIPPIANHEI 1:7

Kamalung shunga nangni ka-om ṭhak chei! Nangnihei seng hinga kamandon sik chei hi kei sik a akadikpen kha kae. Ajârchu ṭong kaṭha hrungna sik leh kahnet a phunsōt theina sik tuna kurkhum a ka-omlaia leh masōa kalei omlai, Pathen tapek eng pha kaṭha kha nangni nankhenga nanchenpui enga kae.

COLOSSIANHEI 1:24

Tûn ke’n nangni sik jâra khōdeng kathei hi inpâk eng, ajârchu kataksa khōdeng theina vâng hin ataksa kachang bekrup kahlanga Christa khōdeng theina sik alaka-om kha pui mathlukna sik ka’nthōpui kae.

COLOSSIANHEI 4:18

Kakutkhet vâng, Paul a inphut chibei inti hi kaheimazet chei kae. Rakehruia ka’nkhit hi mahngi mak ruh! Pathen maritna’n ompui chei rasoh.

COLOSSIANHEI 4:3

Kha leh inṭhōia Christa chungchânga a’n-ip ṭong kha hritheina sik pha kaṭha Pathen in apekna sik ung keini sik aderpek ruh. Ajârchu khava sik a kei tûn kurkhum a aka-om eng kae.

TIMOTHY INHNINA 1:16

Onesiphorus innshung mihei chunga Rōngpu’n lungsetna malâr rasoh, ajârchu ama’n pha katamtak a malung hōina apek enga kae. Kei khuma ka-om hi ama inzak mak,

TIMOTHY INHNINA 1:8

Ni-Rōngpu sâkhi sik a inzak mak roh; khana Christa sik a kurkhum a ka-om kei sik um inzak mak roh. Khava kanek a, ratha ngarna Pathen in apek che dungjuia, Ṭong kaṭha sik a inrengna nachen kha inlo jôk roh.

PHILEMON 1:1

Jesu Christa jâra kurkhum a ka-om, Paul leh nisōpui Timothya inphut, Kanṭhōnpa leh kanṭōn tlopui Philemon hnenga,

PHILEMON 1:23

Christa sik a kei leh kurkhum a aka-omsap Epaphras in, chibei ahei pek chei,

PHILEMON 1:9

Tâk-kha ke’n kalungset che jâra, ngekna jôk kahong nei jo che kae. Hivahi Paul kei, Jesu Christa Ṭongkarôn inkhat kachang inum, khana tûnhin Christa sik jâra kurkhum a a’nkhum kachang inum kahei ngek che kae.

ṬONGPHÔNG 2:10

Khōdeng nathei sik kha heite ṭitmak roh. Rangei roh! Seitan in nang enmansinna sik nankâra mi ṭhahrep hlungkura akhum sik chei, ni 10 katlunga nanmalung inrim sik. Thina katlunga taksenthei chang roh, ke’n hringna kha torna inpâkmana kapek sik che.