EPHESIANHEI 2:5 - LEKHARABU INTHENG (BSI)

⁵ ti chu eini Pathen ṭong juimakna shunga nileithi laitak khan Christa leh akahringsap a ada jo me. Hivahi Pathen maritna khan ahuk manhring jo chei kae.

EPHESIANHEI 2:5 ပူးပေါင်းရင်းမြစ်များ

LUKE 15:24

Ajârchu hiva kasapa hi aleikathi jo kae, tâk tûnchu kahring jo; ama le’nhmang jo, tâk tûnchu inhmu nôk jo,’ ati. Khana revei kha inphut jo hei.

JOHN 5:21

Ajârchu Pa khan akathi kha akahringa akei mathōi nôk, khava kapōa Sapa kha’num apek hnōm hei hneng hringna kha apek hei.

JOHN 6:63

Hringna kapek kha Rathla kae; taksa chu ahnemna heite om mak. Ke’n nanhnenga kaleihri jo ṭong khan hringna kapek Pathen Rathla kha ajōng rôn.

ṬŌNTLOHEI 15:11

Changthei mak ning! Anmani kapōa, eini’n nitaksena khana Reng Jesu maritna me khan ahuksōt jo me kae.”

ROMANHEI 16:20

Khana nilung mōngna kung Pathen in inrangtak a Seitan kha nanke thōia amanchōn rachi sik chei kae. Ni-Rōngpu Jesu Christa maritna nanchunga om rasoh.

ROMANHEI 3:24

Tâk-kha Pathen maritna kutchoi mankase khan, ning leh hnōma ani-insō Jesu Christa jâra anmani ankhenga ama leh akadiksap amanchang jo hei.

ROMANHEI 4:16

Ṭongtep kha Abraham sōn rakip he’n mankasea Pathen kutchoi pek kapōa anchen theina sik taksenna chunga ale’npek kae, Dân kajui rōk hei hnenga changloa Abraham taksenna kapōa taksenna kaneihei hnenga kae. Ajârchu Abraham hi eini nikhenga rathla langa nipa kae;

ROMANHEI 5:10

Eini hi Pathen kadōi leikachang me; tâk asapa thi jâra khan ama’n aṭhōn amanchang jo me. Tûnchu eini Pathen ṭhōn kha kachang jo me, khan chu Christa hringkhō khan heituk ahukchet sik jo me mo!

ROMANHEI 5:6

Ajârchu eini’n ratha heite nineimak laitak, Pathen takadei phatak a khan Christa kha mikaṭhamak-hei sik kathi jo.

ROMANHEI 5:8

Tâk-kha Pathen in eini hi heituk-hrep mo alungset me ti kha amalâr jo, khachu eini’n mikaset nileichang laitak Christa kha eini sik a kathi jo.

ROMANHEI 8:2

Ajârchu Rathla dân kha Christa Jesu leh inchunna hringkhō shunga aṭhōi manhlut jo me jâra setna dân leh thina inphut amasō jo eng kae.

EPHESIANHEI 2:1

Anphutbia khan nangni setna leh ṭong juimak jâra rathlating akathi leikachang cheia kae.

EPHESIANHEI 2:8

Ajârchu hivahi taksen jâra Pathen maritna khan ahuk manhring jo chei kae. Hivahi nanṭōn tlo jâra changmak, tâk Pathen kutchoi pek kae, hiva chunga tûte’n a’nlensak makna sik a kae.

EPHESIANHEI 5:14

ajârchu heirakip inchêntak a a’nlârna kha vâr kha kae. Khava jâra hing’hin inhri: “Akaje nang, ṭhang jo roh, thina inphut ṭhōisōt roh, khana Christa khan nang chunga hong kavâr sik.”

COLOSSIANHEI 2:13

Pha khat a rathlating chu nansetna jâra leikathi jo chei, ajârchu dân kase Jât-hlop leikachang chei. Tâk-kha tûnchu Pathen in Christa leh inṭhōia hringna shunga aheiṭhōi jo chei! Pathen in nisetna rakip arangei mandam jo me;

TITUS 2:11

Ajârchu mi rakip hukmanhring anchangna sik Pathen in amaritna kha amalâr joa kae.

TITUS 3:5

ama’n ahuksōt jo me. Khavakha eini’n ṭōn kaṭha heikhat tlo jâra changmak, tâk ama khet maritna vânga ahuk me, khachu sôp manthengna vânga intet therna leh hringkhōther anikapek Rathla Intheng jâra kae.

ṬONGPHÔNG 22:21

Rōngpu Jesu maritna kha mi rakip chunga tlung rasoh.