EPHESIANHEI 2:2 - LEKHARABU INTHENG (BSI)

² Vânhnōi ṭhatmakna hlam kha nanleijui; nangni’n khava lai khan tuna Pathen ṭong kajuimak mihei kathlimpa, bōirōk a ratha kanei, rathla vaikarônpa nanleijuia kae.

EPHESIANHEI 2:2 ပူးပေါင်းရင်းမြစ်များ

JOB LEKHARABU 1:16

Aṭong hri kha achaimak hma, asōk hlop inkhat kahonga ahei hri nôk, “Maṭek jōngkatla a kemōng leh ankakhemhei ankhenga athatpet jo hei. Kei rōk hi ṭongkarôn sik a ahei katlânsōt eng kae.”

JOB LEKHARABU 1:19

khava pha nêrdiram a inphut thlipui hong kahrâng inhlut a inn kha asêm maphûr a anmani ankhenga kathi jo hei. Nahnenga thangkakōi sik a kei rōk ahei katlânsōt eng kae.”

JOB LEKHARABU 1:7

Rōngpu’n ahnenga ader, “Heiralam mo nalatlo?” Seitan in amasôn, “Kei hinting sonting kalônle eng, raleichung hmuntina kase lele eng.”

JOB LEKHARABU 31:7

Hlam kadik a inphut ka’nhesōt inchu, akaṭhamak ṭōna kamalung hi hlut rasoh, kakut hei hin setna kha asit ṭhak inchu,

HLAHEI 17:14

hiva hringkhō shunga antamadu rakip akachen jo heia inphut ahuk roh; anmani sik a namanbuk inrengna vâng khan karâk hei roh; ansahei sik a’m akatluk set chang rasoh, ansahei sa nôk he’n a’nhlei ajing kha chen nôk hei rasoh!

ISAIAH 30:1

Rōngpu’n ahri jo: “Judah vaikarônhei inhmanghei ajârchu anmani’n an-inrepui eng. Anmani’n kei tamantluk mak ṭōnhlam anjui, khana ke’n kamadumak inhnōmna ansyem, setna chunga setna anbuk a kae.

ISAIAH 57:4

Semtlo hōina kaneihei nangni tu chei mo? Maleiseia mi innuisō hei nangni tu chei mo?

JEREMIAH 23:10

Ram shung hi Rōngpu hnenga taksenthei kachangmak mi kasip jo hei; anmani akaṭhamak hringkhōa ka-om hei khana anratha neina kha ṭhatmak a anhmang jo. Rōngpu’n ahâksêr jâra ram khan ṭajai asui, ramhâng hei kha kachârsō hei.

HOSEA 10:9

Rōngpu’n ahri, “Israel he’n Gibeah setna anleitlona inphut, kei dōina setna antatlo hi bângdek mak hei. Khava jâra Gibeah a retlo khan asursō sik hei.

MATTHEW 11:19

Mihring sapa kajōnga bu asâk a tui a-in pha, khan chu mi rakip in, ‘Enruh! mi kalôp, ju ka-in, ramsêrṭhei kakhôm ṭōn katlohei leh mikasehei ṭhōnpa kae!’ anti. Hei-hei achang inum, Pathen singna khachu aṭōn tlosōt kara’n amalâra kae,” ati.

MATTHEW 13:22

Rahling chap kâra hmuchi invor khachu, aṭong kathei mi, tâk hiva ralei hringkhō malung châmna, nei leh haona khan akabuksia kara nei tor mak.

MATTHEW 13:38

hlei kha vânhnōi ralei hi kae; hmuchi kaṭhahei kha rengram a mihei kha kae; kaharhei kha Akaṭhamak Inkhatpa mihei kha kae;

MARK 4:19

tâk hiva hringkhō sik a malung dongna, nei leh hao maduna, khana aralak madu rangeina katamtak hongkahlut a ṭong kha ankabuk sia kara neimak jo hei.

LUKE 16:8

“Malung intheng mak nei katinta khan kasing tak a atlo jâra akapupa khan amanpâk jo; ajârchu hiva raleichung mihei hin khōvâr mihei kanek a rirûk a anṭōn anmatu heia kae.”

LUKE 22:31

“Simon, Simon! Rangei roh! Hlei kathlōpa’n sahûm leh avai aṭhen kapōa, akaṭhamak a inphut akaṭha ṭhensōtna sik, nankhenga enmansinna sik a, Seitan khan hnōm pekna achen jo.

JOHN 12:31

Tûn pha hi raleichung ṭong tanna sik pha jo kae; tûn hiva raleichung vaikarônpa kha nam mathlâk sik jo kae.

JOHN 13:2

Jesu leh asonlehei khōhlei thlai an-o jo. Simon sapa Judas Iscariot in Jesu kha mikut chunga pek sōtna sik lungthim Seitan in amalunga aleidapek dek jo.

JOHN 13:27

Judas khan buhlom kha alosōlim leh Seitan ashunga kahlut jo. Jesu’n ahnenga, “Natlo sik kha inranga tlo jo roh,” ati.

JOHN 14:30

Ke’n nanhnenga kasôttak a ṭong hri tor mak jo ning, ajârchu hiva raleichung vaikarônpa kha kajōng joa kae. Ama’n kei chunga ratha neimak,

JOHN 15:19

Nangni vânhnōi ralei ta nanchang inchu, vânhnōi in atâ kapōtak a alungset sik chei kae. Tâk-kha ke’n nangni hiva vânhnōi raleia inphut kakadei chei kae, khana vânhnōi ralei ta changmak chei, khava jâra vânhnōi in nangni antahōt chei kae.

JOHN 16:11

Anmani ṭongtan chungchânga anṭhe, ajârchu hiva raleichung vaikarônpa kha aṭong a’ntansōsa jo kae.

JOHN 7:7

Vânhnōi in nangni chu hōtmak hei chei, tâk kei chu anṭōnhlam kadikmak karakôk hei jâra anhōt eng.

JOHN 8:23

Jesu’n amasôn hei, “Nangni chu hiva raleichung ta chei kae, tâk kei chu chunga inphut akajōng eng kae. Nangni chu hiva raleichunga inphut chei kae, tâk kei chu hiva raleichunga inphut changmak eng.

JOHN 8:44

Nangni chu nanpa Rathla Kadikmak sa chei kae, khana nanpa kachang lungdo kha nantajui kae. Ama chu anphutbia inphut mikathat kae, ṭongdik langa khan omphung mak ajârchu ashunga ṭongdik kha om mak. Maleisei ahri kha ama ngaihrep ahri kae ajârchu ama chu malei kasei khana malei kaseihei pa kha kae.

ṬŌNTLOHEI 19:35

Achaina chu khōpuia lekha inzetpa khan mipui rasa kha amandaitor jo. Ama’n ati, “Eh Ephesus ṭhōn leh re hei! Ephesus mi eini hi akalen Artemis bek-inn leh marvâna inphut hlung intheng ajōngkatla akahrung nichang hi mi rakip in antamanhret pet kae.

ṬŌNTLOHEI 5:3

Peter in, “Ananias, nakarōia inphut nahmu sêr ahlek naṭhensōt a heisa mo Rathla Intheng hneng maleisei tlona naneia Seitan a’ncheo che?

ROMANHEI 12:2

Hiva raleichung chônngaia om mak ruh, tâk pui katluk malung inthenga khan Pathen in nanshunga thleng chei rasoh. Khava sōa heimo akaṭha, malung tlaina khana pui katluk, Pathen lungdo hei kha nanmanhret tor sik.

CORINTHIANHEI INKHATNA 5:10

Tûn, jông leh kik katlo, phâmrai kase, inru katlo, limsyem kabek Jât-hlop hei kha leh inthlop hêrmak ruh katina changmak. Anmani leh a’nthlop hêrmak sik achang inchu, vânhnōi ralei nantadahlonpet sik kachang jo.

CORINTHIANHEI INKHATNA 6:11

Nangni ṭhahrep chu khahei kapō leikachang chei, tâk nangni chu setna inphut mantheng jo chei kae; Pathen hneng a’npesōt jo chei kae; Rōngpu Jesu Christa leh ni-Pathen Rathla khan nangni chu Pathen leh amandiksap jo chei kae.

CORINTHIANHEI INHNINA 4:4

Anmani kha hiva raleichung pathen kadikmak in, anmalung kha amanjing pek hei jâra anmani’n antataksen mak kae. Pathen kapōhrep kachang Christa lûrna ṭong kaṭha a inphut, anchunga ajōng kavâr vâr kha anmani’n anhmu makna sik, raleichung pathen khan ada heia kae.

GALATIANHEI 1:4

Tûnlai pha kaṭhamak a inphut eini ning leh hnōma masōna sik, ni-Pa, Pathen lungdo kajuia Christa kha abinga nisetnahei jâra inpek sōt jo.

EPHESIANHEI 1:21

Khana khan, Christa’n marvân chunga vaikarônhei, ṭong kaneihei, ratha kaneihei leh Rōngpuhei seng chunga vai arôna ka-om jo; tûnlaia leh hnunga akahong sik raleichunga rahming inphō ratha kanei rakip chunga achung katōngpen kha kachang joa kae.

EPHESIANHEI 2:11

Nangni nan-intet a inphut Jât-hlop chei, vun katan ung kati loi Jehudi he’nchu “vun katanmak hei” anta leiti nangni, heimo aleikachang chei (mihe’n antaksa chunga chîkna antatlo) mandon ruh.

EPHESIANHEI 2:13

Tâk-kha tûnchu, nangni kahlatak a aleika-om chei kha Jesu Christa thisen khan, Christa leh inchunna shunga aheiṭhōi manhnai jo chei.

EPHESIANHEI 2:3

Kadik khet a eini nikhenga vânhnōi mihei kapōa nimalung leh nitaksa tamaduhrep kha nitloa kahring me. Ni-om ngaia chu, mi rakip in-ang me, eini Pathen hnuknat akade sik kha leikachang me.

EPHESIANHEI 4:17

Khava jâra ke’n, Rōngpu rahminga karakôk chei kae: akahnem mak indon Jât-hlop hei kapōa, hringṭhak mak jo ruh,

EPHESIANHEI 4:22

Khava jâra nan-om ngaia ani inhring nunchen marō kha dahlon jo ruh, ama mihōnna, madu rangei na’n asuk manhmang jo nunchen marō kha.

EPHESIANHEI 5:6

Ṭong kadikmak vâng tûte’n hōnmathlak mak chei rasoh; ajârchu Pathen ṭong kajuimak hei chunga ahnuk natna ajōng katlung sik kha khava jâr pena kae.

EPHESIANHEI 5:8

Nangni inthim thōia khanga ale’nhmang chei kae, tâk tûnchu nangni Pathen mi nanchang jo jâra, khōvâra ka-om jo chei. Khava jâra vârta akachang hei kapōa aka-om sik chei kae,

EPHESIANHEI 6:12

Heijâra mo niti’nchu eini ralei taksa leh thisen kanei mihringhei leh re a’ntuk me changmak, tâk ṭhatmak rumhrat kahmang vaikarônhei, ṭong kaneihei, leh khang inthim thōia ratha kahrat bōirōk a ka-om hei kadōia eini’n re nituk kae.

COLOSSIANHEI 1:21

Pha khat a nangni’n ṭōn kaṭhamak nanleitlo khana nanmandon jâra Pathen inrepui leikachang cheia le’nkâr chei.

TIMOTHY INHNINA 4:10

Demas in hiva raleichung hi khôk asak jo jâra, adahlon enga Thessalonicating kase jo. Crescens in Galatiating kase jo, khana Titus in Dalmatiating kase jo.

JAMES 1:27

Pa Pathen in akadik leh a’ntheng bekṭong tia alo khachu hi kae: nu leh pa kasehei leh renghmeihei khōdengthei pha ensui sik khana raleichung hōn mathlâkna inphut binga sōksōt sik hi kae.

JAMES 1:7

Khang khava mihei, anmalung syem manṭhat torlo hei khana antlona rakip a ṭong chaisōt torlo hei kha’n Rōngpua inphut heikhat kanhmu sik tia mandon mak hei rasoh.

JAMES 4:4

Eh taksenthei kachangmak mihei! Vânhnōi ṭhōn changna hi Pathen kadōi kae ti manhret mak chei mo? Tu achang inum vânhnōi ṭhōn chang sik indu khan Pathen kadōia a’nsyem hei kae.

PETER INKHATNA 1:14

Pathen ṭong jui ruh, khana hei-inhret mak nanchanglaia madu rangeina khan nanhringkhō aṭhōi sik chei kha hnōm mak ruh.

PETER INKHATNA 4:3

Ajârchu hmalai pha kasôttak limsyem inmuk hei tatlo hnōm kha nanleitlo joa kae. Nanhringkhō hei kha mater ka-om, hurna, ju inrui, lôpna, ju-in lôm, khana enhnōm kakaimak limsyem kamukna nanlei hmang joa kae.

PETER INHNINA 2:14

Anmani’n nuhmei omchen kaṭhamak-hei tei loa alak heite enhnōm mak hei; setna sik antarangei kha chimtor hêrmak hei. Anmani’n mi katlâksam hei kha châng shunga anṭhōi manhlut hei. Anmalunga phâmraiset inthemchûk hei. Anmani Pathen hâksêrna thōia ka-om hei!

JOHN INKHATNA 3:10

Hivahi Pathen sa leh Diabol sa inkârna inchêntak a inlârna kha kae; tu achang inum ṭōndik katlomak leh mihlop inlungset mak mi kha Pathen sa changmak hei.

JOHN INKHATNA 3:8

Tu achang inum setna katlo injônṭhak mi kha Diabol ta kae, ajârchu Diabol khan a’nphutbia inphut setna aleitloa kae. Diabol ṭōntlohei kha akasuk inhmang sik a Pathen Sapa kha ajōng inlâr kae.

JOHN INKHATNA 4:4

Tâk-kha kasahei, nangni Pathen ta chei kae, khana sânkathem kadikmak hei kha nantator jo hei kae; ajârchu nanshunga ka-om Rathla khan ralei ta kachang rathlahei kanek a ratha aneichet a kae.

JOHN INKHATNA 5:19

Akaṭhamak Inkhatpa vairônna thōia vânhnōi ralei pumpui hi a-om inum eini chu Pathen ta me kae ti hi eini’n nimanhret.

JOHN INKHATNA 5:4

ajârchu Pathen sa rakip in vânhnōi hi antatorthei jo kae. Khana eini’n taksen vâng vânhnōi hi nitor jo kae.

ṬONGPHÔNG 12:9

Khana rihren kalentak kha anhei hlonsōt jo, ama kha hmalaia mari kha kae, arahming Diabol a-emak leh Seitan inti vânhnōi kahōn inthlapa kha kae. Ama leh angevahei seng raleichunga anjōnghlon mathlâk jo hei.

ṬONGPHÔNG 13:14

Ama’n ranhring hma-inkei hmaikunga aṭōntlo inlakna vâng khan raleichunga ka-om mi rakip ahōn mathlâk jo hei. Ranhring khan raleichung mi rakip hneng, ranhring chemjâma a’ntôna alakahringpa kajana, alim antasyem sik a ṭong apek hei.

ṬONGPHÔNG 13:8

Raleichung ansyem mak hma ale’nthat jo Kemōngte hringna lekha shunga rahming a’nzet hei tei loa raleichung mi rakip in ama antakamuk sik kae.

ṬONGPHÔNG 16:17

Khava sōa ngeva 7 tlukna khan athlengkam kha bōirōk chunga abun mathlâk jo. Khava pha Bek-inn shunga len in-ongna inphut rasa inhnaktak inkhat in ahri, “Hi intlo jo!” ati.

ṬONGPHÔNG 20:2

Ama’n hmalaia mari rihren kha asur jo, khavakha Diabol a-emak leh Seitan kha kae, kum 1,000 sik a akhit joa kae.