EPHESIANHEI 1:7 - LEKHARABU INTHENG (BSI)

⁷ Heijâra mo niti’nchu Christa thisen vânga niset arangei mandam jo, khana ning leh hnōma amasō jo me. Khangtuk hrep a apek me Pathen maritna kha heituk a akalen jo mo,

EPHESIANHEI 1:7 ပူးပေါင်းရင်းမြစ်များ

JOB LEKHARABU 33:24

Ngeva khan marittak a ajōng ti sik, “Anmani masō hei roh! Anmani kha kathirama akase sik changmak hei. Anmani masōna sik a ankatlenna kha hin ka-om jo.”

HLAHEI 130:4

Tâk-kha nang kaṭit a kan-om theina sik kansetna hei kha arangei mandam roh.

HLAHEI 130:7

Israel, Rōngpu kha taksen roh, ajârchu ama lungsetna inthlengtik neimak; khana ahei tik a hukna malung anei.

HLAHEI 86:5

Keini sik a kaṭha che khana narangei mandam ung, nahnenga akader rakip sik a lungsetna kasiptak che.

SŌKSŌT 34:7

Kei intepna kha khang lishing lishing katlunga kajuia kae. Akaṭhamak leh setnahei karangei mandam. Tâk-kha annu anpahei setna jâra karâkna pek sik kha antu-ansahei chunga khang 3 khang 4 katlunga mahngi mak ning.”

ISAIAH 43:25

Kha achang inum, kei nasetna inngeidam Pathen eng kha kae, Kei hi kei kachangna dungjuia hivahi katlo kae. Nasetnahei kha nang dōina sik daṭhak mak ning.

JEREMIAH 31:34

Anmani tûte’num akhō-aven inkhat hnenga Rōngpu kha amanhretna sik a manthei mak jo ning, ajârchu akasina inphut akalen katlunga kei anmanhret pet sik jo eng. Ke’n ansetna karangei mandam sik hei, khana anṭhena hei mandon mak jo hei ning. Rōngpu ke’n kahri jo kae.”

DANIEL 9:19

Rōngpu, kanderna che arangei pek roh, Rōngpu, arangei mandam roh. Rōngpu, kanderna rangei roh, khana atlopek roh! Mi rakip in Pathen che kae ti anmanhretna sik, in-êng mak jo roh! Hiva khōpui leh hiva mihei hi natahei kae.”

DANIEL 9:9

Keini’n nang kadōia kanleitlo ravâng nang chu maritna leh ngeidamna kapekthei che kae.

JONAH 4:2

Khava jâra derna anei, “Rōngpu, ke’n inn kadahlona kasemak hma khan hinga natlo sik tia kalei hrisa changmak mo? Khava sik a Spain ram a tlânsōtna sik torchena kaleitlo kae! Ke’n nang hi mi inlungset thei, mi marit kathem Pathen che khana ahei tik a namalung nathlenga karâkna pek mak hei che tia kamanhret che.

MICAH 7:18

O Rōngpu, nang kapō Pathen lak om mak; akahringa ka-om namihei setna narangei mandam pek hei. Are-rea sik hnuknat pum a om mak che, tâk nalungsetna injônjet kha keini manhmu sik a inpâk che.

ZECHARIAH 13:1

Akahratpen Rōngpu’n ahri, “Khava pha kha ajōng tlung pha, David sōn leh Jerusalema ka-om mihei setna leh limsyem kamukna kha mantheng sōtna sik tuihnâr inkhat jōng kasōksōt sik.

ZECHARIAH 13:7

Akahratpen Rōngpu’n ahri, “Thōi roh, chemjâm, khana kei sik a ṭōnkatlo kemōng kakhempa so vabuhlu roh! Ama so that roh, khana kemōnghei inchai kathek sik jo hei. Ke’n kamihei kabuhlu sik jo hei

ZECHARIAH 9:11

Rōngpu’n ahri, “Inthoina thisen vâng mêrchîkna mahôr a’ntatkhum khava nangni leh kei intepna jâra khan, ke’n namihei kha kamasōsōt sik jo hei, rehring surna, tui omakna khura inphut kamasōsōt sik hei.

MATTHEW 20:28

Mihring Sapa kapōa, mi tarazen sik a changloa, mi inzen sik jôk leh mi katamtak intlensōt sik a ahringkhō kapea akajōng kapōa khan atlo sik kae.”

MATTHEW 26:28

hivahi Pathena intepna chunga mêrchîkna a’ntat, mi katamtak set rangei mandamna sik a akalōng kathisen kha kae.

MATTHEW 6:12

Keini’n kanchunga akaṭhe hei kantarangei mandam kapōa kanṭhena arangei mandam roh.

MARK 14:24

Jesu’n ati, “Hivahi mi katamtak sik a akalōng kathisen, Pathen intepna chunga mêrchîkna katatna thisen kha kae.

LUKE 1:77

amihei kha ansetna inphut rangei mandam heia huk sik hei kae ti hi navahri pek sik hei kae.

LUKE 24:47

khana Jerusalema inphut a jât rakip hneng malung thlengna leh set rangei mandamna sik ama rahminga ṭong inhri inthang sik kae.

JOHN 20:23

Nangni’n mihei setna nanrangei mandam he’nchu, anmani’n rangei mandam anchen sik; nangni’n nanrangei mandam mak he’nchu, anmani’n rangei mandam chenmak hei ning,” ati.

ṬŌNTLOHEI 10:43

Tu achang inum ama taksenna kanei rakip hei setnahei kha arahming ratha neina jâra rangei mandam anchen sik tia ama chungchânga sânkathem rakip in anta leihridek jo kae.”

ṬŌNTLOHEI 2:38

Khava pha Peter in hing’hin aleihri pek hei: “Nansetna rakip a inphut rangei mandam nanchena, Pathen kutchoi pek Rathla Intheng nanchenna sik; nansetna heia inphut nanbing et a he’nhesōt ruh, khana Jesu Christa rahminga tui kahlut chang ruh.

ṬŌNTLOHEI 20:28

Khava jâra nanbing et leh Rathla Intheng in nankut chunga anganse jo chei rup-hei hi kaṭhatak a ching jo hei ruh. Asapa thisen jâra atâ amanchang jo, Pathen Bekrup sik akemōng kakhem chang ruh.

ṬŌNTLOHEI 3:19

Nansetnahei rangei mandam achangna sik, insir una, Pathen langa he’nhe ruh. Hivahi nantlo’nchu

ROMANHEI 2:4

Achangmak leh alungsetna akalen, amandona leh ade hratna hi heitea nasakmak leikachang thei. Pathen hi lungset kathem kae ti hi nang in inchêna namanhret ajârchu ama’n namalung thlengtheina sik a hlam akeitheina sik che ajonga kae.

ROMANHEI 3:24

Tâk-kha Pathen maritna kutchoi mankase khan, ning leh hnōma ani-insō Jesu Christa jâra anmani ankhenga ama leh akadiksap amanchang jo hei.

ROMANHEI 3:25

Mi’n ama antaksen jâra, athisen vânga mihringhei set rangei mandam theina achangna sik, Pathen in ama aleitōksōt jo. Ama kadik ti kha manhmuna sik Pathen in hi atlo kae. Hmalai khan chu Pathen in mihei setna kha inhmu hlemsak a aleidesôt a kae; tâk tûnlai chu adikna kha manhmuna sik a ansetnahei kha a-enmansin jo. Hing’hin ama abingkhet a akadik kae khan chu mi rakip Jesu kataksenhei kha amandik jo hei ti kha Pathen in amalâr.

ROMANHEI 9:23

Khan chu alûrna kachen sik a aman tlukdek maritna kachen jo einihei chunga ajōng pek me alûrna katamtak kha’m malâr sik a amadua kae.

CORINTHIANHEI INKHATNA 1:30

Tâk-kha nangni chu Pathen in Christa Jesua inchunna shunga aṭhōi manhlut jo chei, khana Pathen in Christa kha eini singna amanchang joa kae. Ama jâra Pathen leh kadik a adasap jo me, eini Pathen mi intheng kachang jo me, khana eini ning leh hnōma amasō jo me kae.

CORINTHIANHEI INHNINA 8:9

Ni-Rōngpu Jesu Christa maritna me kha nangni’n nanmanhret; ama sara changna vâng nangni mikahao nanchangna sik a, mikahao ama kha nangni sik a abinga sara inchang joa kae.

EPHESIANHEI 1:14

Pathen in amihei hneng ale’ntepna eini tachen sik manchênna kha Rathla hi kae, khana amihei hneng pui katluk ning leh hnōm apek sik me manchênna kha hi kae. Ama lûrna kha choi ka-ân rih!

EPHESIANHEI 1:18

Amihei hneng heituk inlak mahâmṭhatna aleitep hei kha akachen sik a, abekna chei chunga nan-inhōrna kha nanmanhret theina sik, ama vâr kha nanhmuna sik, nanmalung kot a’nhlangna sik,

EPHESIANHEI 1:6

Pathen in kalûra amarit me jâra Asapa marittak a inphut kutchoi apek jo me jâra Pathen kha manpâk rih!

EPHESIANHEI 1:8

khangtuk kalena nihnenga apek me kha! Asingna leh ashung hmusōtna rakip vâng khan

EPHESIANHEI 2:4

Tâk-kha Pathen maritna me leh alungsetna me hingtuk hrep kalen,

EPHESIANHEI 2:7

Ama’n hi atlo hichu Jesu Christa a nihnenga amalârsōt ama maritna akalen inhlei kha, pha rakip a manhmuna sik a atlo kae.

EPHESIANHEI 3:16

Ama Rathla a inphut nanshungting nanhratna sik a alûrna kasip a inphut ratha neina kha apekna sik chei Pathen hneng kader,

EPHESIANHEI 3:8

Kei Pathen mihei seng kâra, akasin kâra akasinpen eng kae; kha’num Christa ṭhatna bângtik kaneimak chungchânga ṭong kaṭha kha Jât-hlop hei hneng akarôn sōt sik ṭōn

PHILIPPIANHEI 4:19

Pathen in Jesu Christa a anei ahao katamtak a inphut nangni sik akatluk hrep nanta rangei seng apek sik chei.

COLOSSIANHEI 1:14

ama’n eini nining nihnōma amasō jo me, ti chu nisetnahei arangei mandam jo.

COLOSSIANHEI 1:27

Mi rakip sik a akanei akahao leh akalûr ṭong in-ip hi, amihei tamanhret sik a Pathen ṭōnmantluk kae. Khava ṭong in-ip khachu Christa kha nanshunga ka-om ti kha kae, hivahi Pathen lûrna nanchen sappui sik tina kae.

COLOSSIANHEI 2:13

Pha khat a rathlating chu nansetna jâra leikathi jo chei, ajârchu dân kase Jât-hlop leikachang chei. Tâk-kha tûnchu Pathen in Christa leh inṭhōia hringna shunga aheiṭhōi jo chei! Pathen in nisetna rakip arangei mandam jo me;

COLOSSIANHEI 2:2

Anmani lungngamna vâng ansipna sik leh lungsetna shunga an-inchunna sik hivahi ke’n katlo kae, khava jâra akadik manhretna tahei rôn sōt manchênna langa pui katluk haona kha nei ruh. Hing’hin Pathen ta-ip Christa khet kha amanhret sik jo.

TIMOTHY INKHATNA 2:6

mi rakip intlensōt sik a abinga a’npek sōt kha kae. Pathen in mi rakip hukmanhring sik hi amadu ti hi aphahrep a manchênna kha kae,

TITUS 2:14

Eini ṭhatmakna rakip a inphut ani kahuksōt sik a leh mi intheng ama ta rōk akachang sik mea khana akaṭha katlo hnōm nichangna sik a, ama’n abinga eini sik a inpek sōt joa kae.

TITUS 3:6

Eini kahuksōt Jesu Christa inphut Pathen in Rathla Intheng katamtak abunkhum me,

HEBREWHEI 9:22

Kadik, Dân dungjuia neinâk rakip hi thisen in amantheng khana thisen nisunthlōn rōk leh set rangei mandamna kha ka-om.

PETER INKHATNA 2:24

Eini hi setna shunga nithi theina sik khana akadik a nihring theina sik Christa amatak in nisetnahei kha ataksa chunga thingrakea arôn pek me kae. Asungbi rôn vâng khan nangni amandam jo chei kae.

PETER INKHATNA 3:18

Ajârchu, nangni Pathen hneng aṭhōi theina sik chei, mikaṭha inkhat kha mikaṭhamak-hei sik, Christa kha setna jâra aheitik a sik vōi khat kathi jo. Ama taksa a anleithat jo, tâk rathla a manhring jo kae.

JOHN INKHATNA 2:12

Kasahei, nanhnenga kaheimazet kae, ajârchu Christa jâra nansetnahei rangei mandam jo chei kae.

JOHN INKHATNA 2:2

Khana niset inthengna kha Christa ama khet kha kachang jo, einihei setna rōk changmak, tâk mi rakip setna kha’m kae.

JOHN INKHATNA 4:10

Lungset kha hi kae: eini’n Pathen nilungset jâra changloa, ama’n eini alungset mea nisetnahei rangei mandam theina sik a Sapa kha ajōngtir kha kae.

ṬONGPHÔNG 14:4

Anmani kha nuhmei kaneimak leh nuhmei leh ala’ntônmak intheng senga aka-om mihei kae; Anmani’n kemōngte ase sena akahnung anjui. Anmani mihring ralak-hei kâra katlensōtsa hei kha kae. Khana ahma inkeipen kara, Pathen leh kemōngte hneng pek sōt sik hei kha kae.

ṬONGPHÔNG 5:9

Anmani’n hlather inkhat anleisak: “Lekha inze kalo sik a leh mêrchîkna intat kha akasuk khōia inhlâng sik a nang rahōi kasōk che. Ajârchu nang anleithat che, khana nang inthoina thina vâng khan phung rakip, ṭong rakip, jât rakip, mihring rakip kâra inphut, mihei kha nang in Pathen sik a narachôk jo heia kae.