EPHESIANHEI 1:4 - LEKHARABU INTHENG (BSI)

⁴ Eini ahmai kunga ṭhenakase a’ntheng nichangna sik, vânhnōi ralei ansyem mak hma inphut Pathen in atâ kachang sik a, Christa leh inchunna shunga aleikadei jo me kae. Ama lungset jâra

EPHESIANHEI 1:4 ပူးပေါင်းရင်းမြစ်များ

SAMUEL INHNINA 22:24

Ṭhenakase eng kae ti hi amanhret, khan chu ṭōnse tlona sik a inphut inkaisōt ri eng.

HLAHEI 135:4

Ama ta sik a Jacob kha akadeisōt, ama tanei sik a Israel mipuihei kha akadeisōt hei.

ISAIAH 42:1

Rōngpu’n ati, “Ke’n kamanhrat kasōkpa kha hin ka-om– achunga malung tlaina kanei, ke’n kakadei jo inkhat kha kae. Ama kha karathla vânga kamansip, khana ama’n jât rakip hnenga akadik kha arôn sōt sik.

LEVI-DÂN 19:2

Israel mihei hneng hri sik kha amanthei, “Intheng ruh, ajârchu nan-Pathen Rōngpu kei intheng eng.

LEVI-DÂN 20:7

Nangni inthenga om ruh, ajârchu kei nan-Pathen Rōngpu eng kha kae.

MATTHEW 24:22

Tâk Pathen in kanihei kha amantlôm jo; amantlôm mak inchu, tûte hring tor mak ning. Hei-achang inum ami kadeisōt hei sik jâra Pathen in kanihei kha asukmanbong pek sik hei.

MATTHEW 24:24

Ajârchu Messiah inhlem leh sânkathem inhlem hong kasōk sik hei; khana a-ethei chenna Pathen kadeisōt hei kapha hōn mathlâkna sik det-hla ka-om tak leh ṭōn-inlak antlosōt sik.

MATTHEW 24:31

Pengkun kalen kha antum sik, ama’n angeva ralei rakir manlia atir sik hei, anmani’n akadeisōt seng kekung leh kelera anchom mantûp sik hei.

MATTHEW 25:34

Khava pha Rengpa khan achang tinga hei hneng, ‘Hong ruh, kapa mahâmṭhat pek hei! Vânhnōi insyembia inphut nangni sik a mantluksa rengram kha hongchen jo ruh.

JOHN 10:16

Hiva kemōng rōng shunga teilo kemōnglak um kalanei hei; anmani’m kavaṭhōi manhlutsa nger sik hei; anmani’n karasa anmanhret sik a kha kahong sik hei, kemōng kakhem inkhat thōia kemōng rup inkhat kachang sik hei.

JOHN 15:16

Nangni’n kei nantakadei eng changmak; nangni nanvase leh kara katamtak kasôttak a a’nra sik a, ke’n nangnijôk kakadei cheia kamanṭang chei kae. Khava jâra hei-achang inum kapa hneng karahminga nantader kha Pa khan apek sik chei.

JOHN 17:24

“Apa! lûrna naleipek eng, khava kalûrna kha anmani’n anhmu theina sik nang in napek jo eng hei kha kei omna hmun a kaman om hnōm hei; ajârchu vânhnōi alei insyem mak hma nalei lungset jo eng.

ṬŌNTLOHEI 13:48

Khava ṭong kha Jât-hlop he’n anthei pha, inpâk heia Rōngpu ṭong kha anchoi ka-ân jo; khana kumsôt hringna kachen sik a kadeisōt hei khan atakkasen kachang jo hei.

ṬŌNTLOHEI 15:18

Hmalaia inphut manhretna anikapek Rōngpu’n hinga ati.’

ṬŌNTLOHEI 18:10

ajârchu ke’n ka-ompui che. Tûte’n nang sukset tor mak hei tin, ajârchu hiva khōpuia hin kami hingja ka-om hei.”

ROMANHEI 8:33

Tu’n mo Pathen takadeisōt mihei kha maset apek sik hei? Pathen ama khet in anṭhena om mak tia ahrisōt jo kae.

CORINTHIANHEI INKHATNA 1:8

Khana ni-Rōngpu Jesu Christa Kani ning khan nangni ṭhenakase nanchangna sik, achaina katlunga kahnet a ada sik chei.

GALATIANHEI 5:13

Kasōpuihei, nangni sik a chu, masōsōt sik a bek chei kae. Tâk-kha hiva masō nanchangna hi nantaksa tamadu leh rangeina khan nangni amatuna sik ahlam kha manchang mak ruh. Khava kanek a inkhat leh inkhat lungsetnating inzentō jôk ruh.

GALATIANHEI 5:22

Tâk-kha rathla kara khachu lungset, inpâk, chamna, dehrat, lumlo, ṭhatna, taksenthei kachang,

GALATIANHEI 5:6

Ajârchu Christa Jesu leh ni’nchunna shunga, vuntan leh tanmak a’n-ang makna om mak jo; lungsetna vâng ṭōn katlosōt taksen rōk kha akakhôk kae.

EPHESIANHEI 2:10

Nikahring hi Pathen tasyem me kae, Jesu Christa leh inchunna shunga nihringkhōa tlosōt sik aman tlukdek jo ṭōn kaṭha katlo sik a asyem me kae.

EPHESIANHEI 3:17

khan chu taksen jâra nanmalung shunga Christa’n a-inn asakna sik ke’n Pathen kader. Nangni lungsetna khan innhmun nanneia, rajung nanṭhōna sik a kader,

EPHESIANHEI 4:2

Nangni ahei tik a nun-innem, nunkahōi, akadehrat chang ruh. Inkhat leh inkhat inbômtō una inlungsetna kha malâr ruh.

EPHESIANHEI 5:2

Christa khan eini alungset mea, Pathen malung tlaina marim katui tōkna leh inthoina inkhat kachanga ama abinga eini sik jâra anpek sōt kapōa nangni um lungset in ching chei rasoh.

EPHESIANHEI 5:27

ahmai kunga bekrup kha ahme ṭhatna rakip leh, a’nthengseng, innimna kase, intônna bi kase leh a’nvōi mak, pui katlukmak ti omlo kha tōksōt theina sik ama’n atloa kae.

PHILIPPIANHEI 2:15

khavakha mikaṭhamak leh mikaset-hei kâra aka-ompui katluk Pathen sahei kapōa, a’nthengseng leh nōrna kase nanchangna sik a kae. Nangni anmani kâra marvân chunga ârsihei kapōa akavâr nger sik chei kae,

COLOSSIANHEI 1:22

Tâk-kha tûnchu, Asapa taksa a athina vâng khan ahmai kunga nangni masetna kasea, inthenga, inlâr senga aṭhōi manhlut theina sik chei aṭhōn inkhat a asyem jo chei kae.

COLOSSIANHEI 2:2

Anmani lungngamna vâng ansipna sik leh lungsetna shunga an-inchunna sik hivahi ke’n katlo kae, khava jâra akadik manhretna tahei rôn sōt manchênna langa pui katluk haona kha nei ruh. Hing’hin Pathen ta-ip Christa khet kha amanhret sik jo.

COLOSSIANHEI 3:12

Nangni Pathen mi chei kae; atâ kachang sik a alungset chei khana akadei jo chei. Khava jâra lungsetna, lum lona, insinsakna, nunkahōi leh dehratna kha a’nvon nger sik chei kae.

THESSALONIANHEI INKHATNA 3:12

Nangni inkhat leh inkhat chunga leh mi rakip chunga keini’n kanlungsetna chei alen kapōa manlen pek chei rasoh.

THESSALONIANHEI INKHATNA 4:7

Pathen in jông leh kik kajōm sik a abek me changmak, inthengtak a ka-om sik a abek me kae.

TIMOTHY INHNINA 1:9

Eini’n heikhat nitlo jâra changloa, tâk amarit me jâra leh amantlukna jâra, ami kachang sik a abek mea ahuk jo me kae. Hiva maritna hi pha ale’nphut mak hma Jesu Christa jâra aleipek jo me kae,

TIMOTHY INHNINA 2:10

khava jâra Pathen takadeisōt mihei sik a heirakip hi kathōk, Jesu Christa inphut huk manhringna leh kumsôt lûrna heikachoi kha anmani kha’num anchen theina sik a kae.

TIMOTHY INHNINA 2:19

Tâk-kha Pathen innhmun deng kahnet khachu inhlingtor mak; khava chunga khan hiva ṭong hi inzet: “Rōngpu khan amihei seng amanhret” khana “Rōngpu ta eng kati mi rakip khan dikmak ṭōn tlona inphut a akatlânsōt nger sik hei kae.”

JAMES 2:5

Kasōpui marit hei, rangei ruh! Hiva raleichunga sarahei kha taksenna langa akahao sik a, khana ama inlungset hei sik a, aṭongteppek Rengram kha akachen sik a, Pathen in akadei hei kae.

PETER INKHATNA 1:2

Ṭong kajui sik leh athisen vâng sukmantheng sik cheia alungdotak a nangni akadei jo chei kae khana arathla vâng mi intheng amanchang jo chei kae. Maritna leh lung mōngna kha pui katluk a nanta chang rasoh.

PETER INKHATNA 1:20

Vânhnōi insyem mak hma inphut Pathen in ama alei kadeisōt jo, khana kani hnung intonga hin nangni sik a amalârsōt jo kae.

PETER INKHATNA 2:9

Tâk-kha nangni chu kadeisōt phung, Rengpa thempu, a’ntheng jât, Pathen khet mi, Pathen ṭōntlo inlak kahrile sik a a’nthima inphut a vâr inlak a abeksōt jo chei kha kae.

PETER INHNINA 3:14

Khava jâra kaṭhōnhei, khava Kani nanhngâk lai, Pathen hmit-hmua ṭhenakase a’nthengseng changna sik, khana ama leh kamōnga omtheina sik nantorchena tak intlo ruh.

JOHN INKHATNA 4:16

Khana Pathen in nichunga lungsetna anei kha eini’n nimanhret khana nitaksen. Pathen kha lungset kae, lungsetna shunga akahring hei kha Pathen leh inchun a kahring hei, khana Pathen kha anmani leh inchun a ka-om.

ṬONGPHÔNG 13:8

Raleichung ansyem mak hma ale’nthat jo Kemōngte hringna lekha shunga rahming a’nzet hei tei loa raleichung mi rakip in ama antakamuk sik kae.

ṬONGPHÔNG 17:8

Ranhring nahmu kha vōi khat leikahring, tâk tûnchu hringmak jo, ama kha suk manhmang theina sik adongna kase dôpkhura inphut ahei kasōkvet jo kae. Ralei ale’nphut mak hma hringna lekharabu shunga rahming ale’nzet inhlutmak raleichunga akahring he’n, ranhring kha anhmu pha inlak hêra anmandon et sik. Khavakha pha khat a leikahring; tûnchu hringmak jo, tâk avea laho’nlâr nôk sik.