EPHESIANHEI 1:3 - LEKHARABU INTHENG (BSI)

³ Ni-Rōngpu Jesu Christa Pa leh Pathen kha eini’n manpâk rih! Ajârchu Christa leh ni’nchunna shunga hin, Pathen in marvân ram a rathla vângṭhat rakip kha apek mea mahâm kaṭha amanchang me.

EPHESIANHEI 1:3 ပူးပေါင်းရင်းမြစ်များ

A’NPHUTNA 14:20

Khana na’nrepui chunga torna anikapek Chunghnung Pathen kha manpâk a om rasoh,” ati. Khana Abram in Melchizedek hneng are neinâk anta heichom male seng sôma inkhat apek a kae.

A’NPHUTNA 22:18

Nang in kaṭong pek najui jâra, nasōn-napâr hei vâng kapek hei kapōa jât rakip he’num vâng chenna sik ander sik eng,” ati.

THUHMINGHEI INKHATNA 29:20

Khava sōa, David in mipuihei hneng ahri, “Rōngpu nan-Pathen kha manpâk ruh”. Khana mipui seng in anpusōn Rōngpu Pathen kha anmanpâk a, anmani’n anlu anmankuna Rōngpu Pathen leh rengpa kajana anpek hei.

THUHMINGHEI INKHATNA 4:10

Tâk-kha Jabez in Israelhei Pathen hneng ader, “Vângṭhat apek roh, Pathen, khana ram kalentak apek roh. Kei chunga inrengna anikapek sik ṭhatmak rakip a inphut aṭhensōt inna a-ompui ṭhak roh.” Khana Pathen in aderna kha apek a kae.

THUHMINGHEI INHNINA 31:8

Reng Hezekiah leh aṭōn karônhei khan khangtuk katam pekna kha anhmu pha, anmani’n Rōngpu leh ami Israelhei chunga amanpâk heia kae.

NEHEMIAH 9:5

Athōia Levihei hin Pathen kamukna sik a bekna anleinei hei: Jeshua, Kadmiel, Bani, Hashabneia, Sherebiah, Hodiah, Shebaniah khana Pethahiah hei seng. Anmani’n anti: “Ngir una Rōngpu nan-Pathen kha manpâk ruh; Ahei tik a, ahei tik chenna ama kha manpâk ruh! Mihring manpâkna hi pui atluk mak innum mi rakip in ama rahming kalûr kha manpâk hei rasoh.”

HLAHEI 134:3

Ralei leh marvân kasyem Rōngpu’n, Ziona inphut mahâmṭhatna pek chei rasoh!

HLAHEI 72:17

Rengpa rahming kha mahngia om hêrmak rasoh; arahming inthang kha kani a-omlai seng om rasoh. Pathen in rengpa vâng apek kapōa vângṭhat apekna sik hei, jât rakip in Pathen hneng inder hei rasoh.

HLAHEI 72:19

Arahming kalûr kha ahei tik a choi ka-ân ruh! Alûrna khan raleichung sipsō rasoh. Amen! Amen!

ISAIAH 61:9

Anmani jât-hei kâra anrahming inthang sik; Ke’n anmani mahâmṭhat kapek mihei anchangna hi Ankahmu mi rakip in anhong manhret sik.”

DANIEL 4:34

Rengpa khan ati, “Kum 7 a’nchaisō leh chungting bōirōk ka-en, khana kamalung hong kavâr jo. Ke’n Chunghnung Pathen kha kachoi ka-ân khana ahei tik a akahring ṭhak ama hneng kajana leh lûrna kapek a kae. “Ama’n aheitik a vai arôn sik, khana arengram phat rakip a ka-om ṭhak sik a kae.

LUKE 2:28

Simeon in naite kha akut vâng apoma Pathen achoi ka-ân:

JOHN 14:20

Khava kani kha ajōng tlung pha leh kei kapa a ka-omje, nangni keia nan-omje, khana nangnia kei ka-omje kha nangni’n nanmanhret sik jo.

JOHN 17:21

Anmani ankhenga pumkhat anchangna sik a kader che. O, Apa, nanga kei ka-om enga, keia nang na-om kapōa anmani einia pumkhat a an-oma, nang in najōngtir eng hi vânhnōi in anmanhretna sik a kader che.

JOHN 20:17

Jesu’n amanu hneng, “Asit mak roh, ajârchu kei Pa hneng lasemak hi eng. Tâk-kha nang kasōpuihei hneng vase ina vahri pek hei roh, “Kapa khana an-Pa, ka-Pathen khana an Pathen hneng a’nle sik jo eng kae.”

ROMANHEI 12:5

Kha leh in-anghrep a, eini nitam inum, Christa leh inchunna shunga taksa inkhat me kae, taksa bâk hlop-hlop kapōa eini nikhenga khat leh khat a’nchun et me kae.

ROMANHEI 15:6

hivahi nankhenga inchun et a karesō inkhat rōk a ni-Rōngpu Jesu Christa Pa leh Pathen kha nanmanpâk theina sik a kae.

CORINTHIANHEI INKHATNA 1:30

Tâk-kha nangni chu Pathen in Christa Jesua inchunna shunga aṭhōi manhlut jo chei, khana Pathen in Christa kha eini singna amanchang joa kae. Ama jâra Pathen leh kadik a adasap jo me, eini Pathen mi intheng kachang jo me, khana eini ning leh hnōma amasō jo me kae.

CORINTHIANHEI INKHATNA 12:12

Christa kha abâk katamtak ka-om taksa pumkhat kapō kha kae; abâk hlop-hlop vâng ansyem inum taksa chu pumkhat rōk kae.

CORINTHIANHEI INHNINA 1:3

Ni-Rōngpu Jesu Christa Pa leh Pathen kha eini’n manpâk rih, ama lungset maritna kasip, inthōpuina rakip jōng sōkna Pathen kha kae!

CORINTHIANHEI INHNINA 11:31

Rōngpu Jesu Pa leh Pathen khan kamalei seimak ti anmanhret, arahming kha ahei tik a mahâm kaṭha chang rasoh!

CORINTHIANHEI INHNINA 5:17

Tu achang inum Christa leh a’nchun mi kha mihring ather kae; amarō kha kathleng jo, ather kha hong katlung jo.

CORINTHIANHEI INHNINA 5:21

Christa khan setna neimak, tâk eini ama leh ni’nchunna shunga khan Pathen dikna kha nichensōm theina sik Pathen in eini setna kha ama chen amanchang jo kae.

GALATIANHEI 3:9

Abraham in taksen jâra mahâmṭhat achen; khava kapōa akataksen rakip ama leh in-anga mahâmṭhatna kha antachen sik kae.

EPHESIANHEI 1:10

Apha atluk pha, Pathen ṭōnmantluk achaina sik khachu, marvân leh raleia kutsyem rakip akhôm mantûp sōa Christa khan anlu akachang sik kha kae.

EPHESIANHEI 1:17

ke’n ni-Rōngpu Jesu Christa Pathen, akalûrpen Pa hnenga, Rathla kha apekna sik chei, ama nanmanhretna sik a, nangni singna apekna sik chei kader. Khana Pathen in amalârpek sik chei.

EPHESIANHEI 1:20

ama’n thina inphut Christa amathōisōtna leh marvân ram a achangting amanongna sik aleihmang rathahrat inhnak kha leh thakhat kae.

EPHESIANHEI 2:6

Khana Christa leh inchunna shunga khan marvân ram a ama leh vairônsapna sik a amathōisap jo me kae.

EPHESIANHEI 3:10

Tûna pha hinchu bekrup a inphut, Pathen singna kha hmesō ahlop-hlop a, marvân ram a ratha kaneihei leh ngeva vaikarôn he’n anmanhretna sik a kae.

EPHESIANHEI 6:12

Heijâra mo niti’nchu eini ralei taksa leh thisen kanei mihringhei leh re a’ntuk me changmak, tâk ṭhatmak rumhrat kahmang vaikarônhei, ṭong kaneihei, leh khang inthim thōia ratha kahrat bōirōk a ka-om hei kadōia eini’n re nituk kae.

PHILIPPIANHEI 2:11

khana Pa Pathen kha manlûrna sik, Jesu Christa kha Rōngpu kae tia mi rakip in inphôngtak a anta-ôn sik kae.

HEBREWHEI 8:5

Thempuhei ṭōn leitlo kha kadiktak a chu marvâna omchen alim leh rahle inkhat antamanchu kae. Moses taleitlo omchen kha’m khava kapō kae. A’ntheng Bek-rabuk kha amatung sik pha, Pathen in Moses hneng, “Tlâng chunga manhmuna che rakip kapōtak a syemna sik mantluk roh,” ati.

HEBREWHEI 9:23

Khava marvân chunga neinâk lim kapō hei kha khanga mantheng sik anrangeia kae. Achang inchu marvân chunga neinâk-hei rarap khachu akaṭhachet inthoina anrangeia kae.

PETER INKHATNA 1:3

Eini’n ni-Rōngpu Jesu Christa Pa leh Pathen kha inpâkna pek rih! Ama maritna me jâra Jesu Christa thina inphut akei mathōina vâng khan eini hringkhōther apek jo me. Hivahin akahring inhōrna kha apek mansip me,