DANIEL 9:7 - LEKHARABU INTHENG (BSI)

⁷ Rōngpu, nang chu ahei tik a akadik natlo, tâk keini’n ahei tik a kanbinga inzakna kanhei rôn sōt a kae. Nang in akahnai leh akahla ram shunga nachai kathek jo Israel rakip, Jerusalem leh Judea ram shunga aka-om keini rakip chunga hivahi akadik jo kae, ajârchu anmani nahnenga taksenthei changmak heia kae.

DANIEL 9:7 ပူးပေါင်းရင်းမြစ်များ

EZRA 9:13

Keini setna leh ṭhena jâra karâkna kanchensō katlunga, kan-Pathen nang in kanrahōi kasōk hrep kanek a akatlômdet vânga karâkna napek ung khana akahring sik a nalahnōm pek ung ti hi kanmanhret a kae.

EZRA 9:15

Rōngpu Israelhei Pathen, nang chu akadik che kae, tâk-kha keini hi nalamanhring unga kae. Nahnenga kanṭhena hei seng kanphông; nang omna heihlutna sik ratha neimak jo ung. ”

NEHEMIAH 9:33

Keini karâkna pekna sik a akadik kha natlo jo; keini kanset jo tâk inum nang chu taksenthei kachang che.

HLAHEI 119:137

Rōngpu, nang chu kadik che, khana nadânhei hi’m akadik rōk kae.

HLAHEI 44:15

Kei ahei tik a inzakna kachen, khana inzakna’n akatōm ṭhak jo eng

HLAHEI 51:14

Kahringkhō hi aṭhen pek roh, Eh Pathen, khana ahuk roh; Ke’n nadikna kha inpâktak a kaphôngsōt sik.

HLAHEI 51:4

Nang kadōia kaset jo eng, nangkhet kadōia– nang in ṭhamak natitak kha katlo jo. Khava jâra kachunga ṭong natan hi akadik kae, kachunga namaset eng hi akadik kae.

ISAIAH 11:11

Khava kani ajōng tlung pha, Rōngpu’n aratha hratna ahmang nôk sik, Assyria ram leh Egypt ram a dahlona ka-om amihei seng, khana Pathros, Ethiopia, Elam, Babylon khana Hamath khan chu tuipui panga ram leh tuipui kekhum ramheia amihei seng an-ina aheiṭhōi male nôk sik hei.

ISAIAH 45:16

Lim kasyem hei seng kha inzakna anchen sik; ankhenga themmôna pek sik hei kae.

JEREMIAH 12:1

“Rōngpu, kachunga ṭong kasōk hi nahnenga kahei rôn sōt inchu nang in akadik kha namanchên sik. Kha’num, ṭongdik chungchânga ṭong kader hi sik che. Heisa mo malung kaṭhamak he’n hingtuk hrep a akahao hei? Heijâra mo malung intheng mak he’n chung sōkna antanei tor?

JEREMIAH 23:6

Ama rengchang pha, Judah mihei kha inhuk sik hei, Israel mihei kha kamōng tak a ka-om sik hei. Ama kha ‘Eini Huk manhringna Rōngpu’ inti sik.

JEREMIAH 24:9

Anchunga inhmangna kamasō sik, khavakha raleichunga jât rakip he’n anṭit a inpir sik hei. Mihe’n sem tlona anhmang heia manuina annei sik hei, anmanuisō sik hei, anmani kaman chek-chaina hei hmun rakip a anrahming kha inhâksêrna inkhat a anhmang sik hei.

JEREMIAH 3:25

Inzaktak a katlu sik unga kha kan-inzakna khan amakhusi jo rasoh. Keini leh kanpu kanpa he’n Rōngpu kan-Pathen kadōia setna kanleitlo ṭhak jo; aṭongpek-hei kha juitet mak jo ung.”

JEREMIAH 32:32

Judah leh Jerusalema ka-om mihei, anrenghei leh hlamkakeihei, anthempuhei leh sânkathemhei seng in ṭhatmak antlo jâra khan.

JEREMIAH 33:16

Judah leh Jerusalem hei kha ahuksōt sik hei, inhuk a ka-om sik hei. Khōpui kha, ‘Eini Hukmanhringna Rōngpu,’ inti sik.

JEREMIAH 4:17

Khana hleipuk inkhat mihe’n antakake khum kapōa Jerusalem kha ankakekhum sik, ajârchu ami he’n Rōngpu kadōia re antlo. Rōngpu’n ahrisōt jo kae.

JEREMIAH 7:19

Tâk-kha kei rōk malung natna akachang mo? Changmak, anmani anbinga malung natna leh anbinga inzakna kha anta heichoisōt kae.

EZEKIEL 16:63

Nang in akadik mak natlo rakip karangei mandam sik che, tâk nang chu khahei rakip namandonsōt a inzakrei chea nabei kapha mahlang tor mak tin che.” Chunghnung Rōngpu’n ati jo.

EZEKIEL 36:31

Nangni’n ṭhatmak omchen leh dikmak tlona hei kha nanhong mandonsōt sik, nansetna leh nanṭhena hei jâra nanbinga inter sik chei.

EZEKIEL 5:10

Khava tlona kara khachu, Jerusalema nu leh pa he’n ansahei ansâk sik hei khana ansa he’n nu leh pa ansâk sik hei. Ke’n kakarâk sik chei khana alakahringa aka-om hei kha kachai kathek sik hei.

EZEKIEL 6:12

Hmun kahlatak a aka-om hei kha nat a katlu sik hei khana kathi sik hei; akahnaia aka-om hei kha re tuk a kathi sik hei; alakahringa ka-om hei kha vonṭâma kathi sik hei. Anmani ankhenga kei hnuk natna ratha inhnak kha anhong manhret sik.

DANIEL 9:14

O Rōngpu, nang in keini karâkna sik a intluk che, khana nakarâk ung, ajârchu nang in akadik ahei tik a natloa kae, khana keini’n rangei mak che ung.

DANIEL 9:18

Eh Pathen, kantahri arangei pek roh; keini ajōng enroh, keini inrengna kan-omna leh narahming karôn khōpui inrimna hi jōng enroh. Keini’n akadik kantlo jâra changloa, nang in lungset kathem nachang jâra derna hi kannei che.

DANIEL 9:8

Kanrenghei, kanvai karônhei, kanpu sōn he’n inzak ka-om tak a leikachôn hei, khana Rōngpu nang kadōia setna anleitlo jo.

AMOS 9:9

Sasep shunga sâng kapōa Israelhei kha karachi nengna sik ṭong kapek sik. Akahnem mak hei seng hlonsōtna sik jât-hlop hei kâra kakanok sik hei.

ROMANHEI 6:21

Nangni tuna nanta’n zakpui omchen nanta leitlo hei khana inphut akaṭha heimo nantachen aka-om jo? Khavahei tarôn sōt khachu thina kae.

DÂNRABU INHNINA 32:4

“Rōngpu kha ratha kanei nankahrung kae, Atlona rakip a pui katluk leh akadik kae; Nan-Pathen chu taksenthei leh akadik kae; akadik leh akaṭha kha atlo.

DÂNRABU INHNINA 4:27

Jât-hei kâra Rōngpu’n amanchek chai sik chei, khana khan nangni, ṭhahrep chu kahring sik chei.