DANIEL 9:6 - LEKHARABU INTHENG (BSI)

⁶ Kanrenghei, kanvai karônhei, kanpu sōnhei leh kanjât pumpui hnenga narahminga ṭongkahri nasōk sânkathemhei ṭong rangei mak jo ung.

DANIEL 9:6 ပူးပေါင်းရင်းမြစ်များ

RENGHEI INHNINA 18:12

Samaria katlu jo ajârchu Israel mihe’n an-Pathen Rōngpu ṭongpek juimak hei, tâk-kha anmani leh intepna aleisyem kha anvōkkhōi khana Rōngpu sōkpa Moses hneng aleipek dân rakip kha juimak heia kae. Anmani’n rangei mak hei khana juimak heia kae.

THUHMINGHEI INHNINA 33:10

Rōngpu’n Manasseh leh amipuihei kha gîkna apek he’num, anmani’n rangei hnōm mak hei.

EZRA 9:7

Kanpu kanpa heia inphut tûn katlunga, nami keini kaset hêr jo ung. Kanṭhena jâra kanrenghei, kanthempu hei miram renghei kut a leikatla jo hei, keini anleithasōt ung, anleichom ung, khana rehringa anleisur jo ung. Khana tuna kanka-om kapōa hin inzakna katluk set a kanleichen jo.

NEHEMIAH 9:30

Akum akum a nang in detheitak a anmani nalei gîk hei. Nasânkathemhei khan ṭong anhrina sik a hlimna napek hei, tâk-kha namihei kha ankōr kaset, khava jâra jât-hlop hei kha namantor heia kae.

NEHEMIAH 9:32

“Eh Pathen, kan-Pathen, heituk a akalen che mo! heituk a ṭit aka-om leh ratha kahrat jo che mo! Naṭong sekamna kha taksen theitak a nanit a kae. Assyria reng he’n keini anlei-ôt ung pha inphut tûn katlung um, keini heituk a khōdeng kantathei jo mo! Kanrenghei, kanhlam kakeihei, kanthempu hei leh sânkathemhei, kanpu kanpahei leh kanmipui rakip khōdeng kanthei jo. Keini heituk a khōdeng kantathei jo mo amandonsōt pek roh!

NEHEMIAH 9:34

Kanpu kanpahei, kanrenghei, kanhlam kakeihei leh thempu he’n nadân hngâk mak jo hei. Anmani’n naṭongpek leh nagîkna hei kha rangei mak hei.

JEREMIAH 26:5

kasōk sânkathem kahei tir ṭhak hei ṭonghri chunga nanmalung nantamanhlut a kei hi nantajui nger sik eng kae. Anmani ṭonghri kha juihêr mak hei cheia kae.

JEREMIAH 29:19

Ke’n kasōk sânkathem heia inphut ṭong kapek ṭhak hei kha anjuimak jâra anchunga hivahi akasōk sik kae. Anmani’n rangei hnōm mak heia kae.

JEREMIAH 44:16

“Nang in Rōngpu rahminga namanthei ung hi keini’n rangei hnōm mak ung.

JEREMIAH 7:13

Nangni’n hiva setnahei hi nantlo jo, ke’n ave-avea nanhnenga kahri ravâng nangni’n rangei mak chei. Ke’n kabek chei pha, amasôn mak chei.

JEREMIAH 7:24

Achang ravâng, anmani’n kaṭong rangei mak hei, anmalung um hlutmak a kae. Jui kanek a, anracham setna leh anmalung ṭhatmak khan tlo sik a amanthei hei jôk kha antloa, akaṭhachet sik hei kanek a akasechet kachang heia kae.

DANIEL 9:10

Nang in nasōk sânkathem heia inphut dân dungjuia om ruh nati ung kha, O Rōngpu kan-Pathen naṭong leirangei mak jo ung.

DANIEL 9:9

Keini’n nang kadōia kanleitlo ravâng nang chu maritna leh ngeidamna kapekthei che kae.

MATTHEW 23:37

“Jerusalem, Jerusalem! Pathen in nahnenga ajōngtir sânkathemhei nathat hei, ṭongkarônhei hlung vâng nadeng hlon hei! Ârpui in atehei amathla hnōia aka-unsi kapōa, ke’num vōi heija mo namihei kabân vâng kaka-unsi sik a kaleimadu, tâk nang in amantlo mak che!

ṬŌNTLOHEI 13:27

Ajârchu Jerusalema ka-om mihei leh anhlam kakeihei khan Jesu hi Huk inhringpa kae ti hi leimanhret mak hei, khana serning akaia antateisōt sânkathemhei ṭonghei kha’m manhret mak hei. Kha’num Jesu anlei masetna vâng khan sânkathemhei ṭong leihri hei kha hui anmathlunga kae.