DANIEL 9:5 - LEKHARABU INTHENG (BSI)

⁵ “Keini’n setna kantlo jo, keini ṭhamak jo ung, keini akadik mak kantlo jo. Nang in tlo ruh nati kha tlomak jo ung, khana akadik namanhmu ung kha kandahlon jo.

DANIEL 9:5 ပူးပေါင်းရင်းမြစ်များ

RENGHEI INHNINA 18:12

Samaria katlu jo ajârchu Israel mihe’n an-Pathen Rōngpu ṭongpek juimak hei, tâk-kha anmani leh intepna aleisyem kha anvōkkhōi khana Rōngpu sōkpa Moses hneng aleipek dân rakip kha juimak heia kae. Anmani’n rangei mak hei khana juimak heia kae.

RENGHEI INHNINA 21:15

Kamihei chunga hivahi katlo sik, ajârchu kei dōina setna antlo, khana anpu anpahei phat a Egypt ram a anjōng sōk a inphut hiva pha katlunga kahnuk anmannat ṭhak a kae.”

EZRA 9:6

Ke’n kati, “Eh Pathen, na-âng shunga kalu chung manhnget sik inzak hêr eng. Kansetna hei kha kanlu atlumbit a inbuk jo hei; marvân inshâng kapōa inshâng jo.

HLAHEI 106:6

Kanpu kanpahei taleitlo kapōa keini’n setna kantlo jo; keini akadik mak leh akaṭhamak leikachang jo ung.

HLAHEI 119:102

Namansena hei kha ke’n donmak tlomak ning, ajârchu nangkhet ka-oja che kae.

HLAHEI 119:176

Kemōng inhmang kapōa kalôn-invai jo eng; khava jâra jōng ina nasōk ajōng enroh, ajârchu nadân kha heisak lo tlomak eng.

HLAHEI 18:21

Rōngpu dân kha ke’n kajui jo; ka-Pathen hnenga inphut kahmai mahe mak jo eng.

ISAIAH 53:6

Eini nikhenga kemōng hlam invai kapō kachang jo me, eini nikhenga nibing et hlam a kase jo me. Tâk-kha Rōngpu’n khava karâkna kha ama chunga amathlâk jo, eini nikhenga nichen sik a rahōi kasōk karâkna kha.

ISAIAH 59:13

Keini’n nang kan-inrepui jo che, kahlonsōt jo che, juihnōm mak jo che ung. Milak kansuk manrim heia nanga inphut inhesōt ung. Kanlei mandonna kha kanṭhe jo; kanṭong beisō maleisei kae.

ISAIAH 64:4

Nang chunga inhōrna kanei mihei hnenga khang khava ṭōn katlosōt, nang kapō Pathen chu tûte inkhat in hmuphung mak, thei um lathei phungmak.

JEREMIAH 14:20

Rōngpu, nang kadōia setna kantlo jo, kansetna hei leh kanpu kanpahei setna kha insir jo ung.

JEREMIAH 14:7

Kamihei kahnenga kaṭap hei, ‘Kansetna he’n amanṭhe unga achang inum, naṭong tepna kapōa, a’nthōpui roh. Keini pha katamtak nanga inphut katlânsōt jo ung, nang kadōia setna kanleitlo jo.

JEREMIAH 3:25

Inzaktak a katlu sik unga kha kan-inzakna khan amakhusi jo rasoh. Keini leh kanpu kanpa he’n Rōngpu kan-Pathen kadōia setna kanleitlo ṭhak jo; aṭongpek-hei kha juitet mak jo ung.”

JEREMIAH 30:14

Nan-inlungset he’n anmahngi jo chei, anmani’n adonmak jo hei. Ke’n nangni inrepuihei kapōa kabuhlu chei; nankarâkna kha inhnak ajârchu nansetnahei katam hranghra khana nanṭhat makna kalen hêr.

JEREMIAH 44:3

ajârchu anmi he’n ṭōnse antloa kahnuk anmannat a kae. Anmani’num, nangni’num khana nanpa-nanpu he’num anta leikamuk phungmak pathen ralak-hei hneng inthoina antōk a anrazen jo heia kae.

ṬAJAISUINA 1:18

“Tâk-kha Rōngpu chu akadik kae, ke’n aṭong kajuimak jâra kae. Hmuntina mihei kaṭong hi rangei ruh; kei inreng hi enruh, Kami rether leh nuhngâk-hei rehringa anṭhōi jo hei.

ṬAJAISUINA 1:20

“O, Rōngpu, enroh, kei inrengna hi, kamalung inkōina hi! Kasetna hei jâra kamalung hi kakōi jo. Hlam a mikathat ka-om hei; innshunga kapha thina kha ka-om.

ṬAJAISUINA 3:42

“Keini kaset jo ung khana inphin jo ung, khana O Rōngpu nang in arangei mandam mak che.

EZEKIEL 5:6

Tâk-kha Jerusalem in kei ṭongpek chunga arahe kase khana jât-hlop hei kanek a amanu ṭhatchet mak khana akimvea ka-om ram hlop hei kanek a ṭong juichet mak ti hi amalâr. Jerusalem in kaṭong pek ahlon sōt khana kadân jui sik a hnōm mak.

EZEKIEL 6:9

khana khan anmani rehring sura ka-om sik hei. Khana anmani’n kei anhong mandonsōt sik eng, khana ke’n karâkna leh hmaimôkna kapek hei kha anhong manhret sik, ajârchu anmani taksenna kaneimak malung khan andahlon enga kei kanek a limsyem jôk anmadu chet a kae. Anmani’n ṭhatmak leh insuk innemna ṭōn anleitlo jâra anbinga inter sik hei.

DANIEL 9:11

Israel rakip in nadân anlei sukkhōi jo, khana naṭong hri juihnōm mak jo hei. Nang kadōia kaset jo ung, khana nasōk Moses dânrabu a a’nzet hâksêrna hei kha kanchunga katlung joa kae.

DANIEL 9:15

“O Rōngpu, kan-Pathen naratha neina kha Egypt a inphut namihei naheiṭhōisōtna heia khan namalâr jo, naratha neina kha tûn katlung mandonsōtna laka-oma kae. Keini setna kantlo jo, keini dikmak kantlo jo.

DANIEL 9:9

Keini’n nang kadōia kanleitlo ravâng nang chu maritna leh ngeidamna kapekthei che kae.

HOSEA 1:2

Rōngpu’n Hosea ahmanga Israelhei hneng hmapena ṭong ahrilai khan, ama’n Hosea hneng ahri, “Se ina nuhmei vanei roh; nanuhmei kha hlamrinthei changmak ning, khana asahei kha’m annu anpō sik. Kha leh in-anghrep a, kami he’n kei andahlon jo eng khana hlamrinthei changmak heia kae.”

MALACHI 3:7

Nangni mak hma nanpu-nanpahei kapōa, kei dân a inphut inhesōt jo chei khana nitmak jo chei. Kei hneng hong inhe ruh, khan chu ke’m nanhnenga hong inhe sik eng. Tâk-kha nangni’n nander, ‘Nahnengting hong inhena sik heimo kantatlo sik?’

HEBREWHEI 3:12

Akataksen kasōpuihei, akahring ṭhak Pathena inphut inhesōtna sik khangtuk malung kaṭhamak leh akataksenmak nankâra tûte inkhat a-om makna sik insing thei ruh.