DANIEL 9:24 - LEKHARABU INTHENG (BSI)

²⁴ “Namihei leh nakhōpui intheng kha setna leh akaṭhamak inphut masōsōtna sik Pathen in kum 70 et kha vōi 7 kasôt aṭhensōt a ada jo. Ṭongsân leh hmangtalâr kha hui atlungna sik, khana a’ntheng Bek-inn avea manther sōtna sik a, setna rangei mandam sik khana kumleikōa dikna kha matungsōt sik kae.

DANIEL 9:24 ပူးပေါင်းရင်းမြစ်များ

THUHMINGHEI INHNINA 29:24

Khava sōa thempu he’n kehei kha anthat sik hei khana anthisen kha maichâm chunga mipui rakip hei setna losōtna sik a inthoina thisen kha ansun mathlâk sik, ajârchu rengpa khan Israel pumpui sik a ro-inthoina leh set-inthoina neina sik a ṭong pekna aleinei heia kae.

HLAHEI 2:6

Ama’n ahri, “Katlâng intheng Zion chunga, kareng kha kaman ong jo,” ati.

HLAHEI 45:7

Nang in akadik kha namadu, akaṭhamak kha namater a kae. Khava jâra Pathen, na-Pathen in nang kha akadei che khana reng ralak-hei kanek a nachunga hōina ajōng bun mathlâk pek chea kae.

ISAIAH 42:4

Ama inhōrna leh inngamna inhmang mak ning; ama’n raleichunga akadik kha aphunsōt sik. Ram kahla he’n ama mantheina kha rangei hnōmtak a anhngâk a kae.”

ISAIAH 51:6

Enroh, chunga marvânhei so, enroh raleichung um! Marvân kha hmeikhu kapōa inhmu mak jo ning; raleichung hi pōn marō kapōa kaṭetdâk sik jo, amihei seng kha mathōi kapōa kathisō sik jo hei. Tâk-kha kajōng rôn hukmanhringna khachu ahei tik a ka-om ṭhak sik; karetorna kha achaina kachang sik.

ISAIAH 51:8

anmani kha ra-nge’n asâk pōn kapōa inhmang sik jo hei! Tâk-kha kajōng rôn hukmanhringna khachu ahei tik a ka-om ṭhak sik; karetorna kha pha rakip a ka-om ṭhak sik jo.”

ISAIAH 56:1

Rōngpu’n amihei hneng ahri, “Akadik leh akaṭha kha tlo ruh, ajârchu inranga kahuksōt sik jo chei.

ISAIAH 61:1

Chunghnung Rōngpu’n arathla intheng amansip eng. Ama’n kei akadei enga atir eng, Sarahei hneng ṭong kaṭha karôn sik, Malung kakōi hei indam sik, Rehringa khum hei masōsōtna kaphông sik, Khana kurkhum a ka-om hei ning leh hnōma masōna sik.

ṬAJAISUINA 4:22

Zion in asetna man kha apek jo; Rōngpu’n rehringa miram a atir mak jo ning; Tâk Edom, Rōngpu’n nang akarâk sik che; nang in ṭhena ṭōn naleitlo kha amalâr sik jo.

EZEKIEL 28:12

Ama’n ati, “Akathithei mihring, Tyre rengpa chunga vângsetna akatlung sik jâra malung inrenga om roh. Chunghnung Rōngpu ke’n kahri hi ahnenga manthei roh: Pha khat a nang hi pui katluk tekhing inkhat leikachang che. Heituk a akasing leh hme kaṭha aleikachang che mo!

EZEKIEL 4:6

Nang in khavakha natlosō leh, nachang intongting inhe ina je nôk roh, Judah hei ṭhena jâra ni 40 inrengna nathōk sik kae, anmani karâkna kum khat sik a ni khat sâm kae.

LEVI-DÂN 25:8

Kum 7 kha ve 7 tei ruh, kum 49 kae.

LEVI-DÂN 8:15

Moses’n athat a, athisen ṭhahrep aloa maichâm suk manthengna sik thisen kha akutpâr vâng aloa maichâm rakir kasonghei kha akano hei. Khana a’nhlei thisen kha amatungna kunga asunthlōn. Hing’hin asuk manthenga atōksōt.

ZECHARIAH 4:14

Khava sōa ama’n ati, “Ralei pumpui Rōngpu, ama inzen sik a thai kanosa kadeisōt mi 2 hei kha hihei hi kae.”

MIJAHEI 14:34

Nanram vathlirna ni 40 kha ni khat leh kum khat mantōk a kum 40 hi nansetna tloman a a’nreng sik chei kae. Nankadōia kaka-om hi heimo kachang ti hi nanmanhret sik jo!

MATTHEW 1:21

Amanu’n sapa inkhat anei sik, arahming Jesu napho sik kae, ajârchu amihei ansetna inphut ama’n ahuksōt sik hei,” ati.

MATTHEW 11:13

John pha katlunga sânkathem leh Moses Dân khan Rengram chungchânga ṭong kha antahri kae;

MATTHEW 4:5

Khava sōa Diabol khan Jesu kha Khōpui Intheng Jerusalema khan aṭhōia, Bek-inn chung inshânga aman ngira,

MARK 1:24

“Nazareth Jesu, keini heimo namanlo hnōm ung? Kankasuk inhmang sik a hin akahong che mo? Nang tu nachang kamanhret che, nang Pathena inphut a’ntheng ṭongkarôn inkhat che kae!” aleiti.

LUKE 1:35

Ngeva khan amasôn, “Rathla Intheng nachunga kajōng sik khana Pathen ratha hratna nachunga jōng inhnga sik a kae.

LUKE 21:22

Ajârchu khava kani kha ṭong inthenga ale’nzet inhlut rakip hui atlungna sik ‘Karâk Ning’ kani akachang sik kae.

JOHN 1:41

Inrangtak a, a-upa Simon ahmua ahri pek “Messiah kha kanhmu jo.” (Messiah ti hi Christa tina kae.)

JOHN 3:34

Pathen tahei tir mi khan Pathen ṭong kha ahri; ajârchu Pathen in ama chunga arathla kha pui katluk a apek.

ṬŌNTLOHEI 3:14

Ama chu a’ntheng leh akaṭha inkhat kae. Tâk-kha nangni’n ama nanhōt a ama kahlânga, mikathat inkhat jôk amasōna sik a Pilate hneng nanlei der.

ṬŌNTLOHEI 3:22

Ajârchu Moses’n: ‘Rōngpu nan-Pathen khan kei ajōngtir eng kapōa, nanhnenga sânkathem inkhat nanmi kalan ajōngtir sik kae. Ama’n nangni amanthei chei rakip kha nanta rangei sik kae.

ṬŌNTLOHEI 4:26

Rōngpu leh ama Messiah kadōia, raleichung renghei anbinga intluk hei, khana vaikarônhei le’nhmutō hei.’

ROMANHEI 5:10

Eini hi Pathen kadōi leikachang me; tâk asapa thi jâra khan ama’n aṭhōn amanchang jo me. Tûnchu eini Pathen ṭhōn kha kachang jo me, khan chu Christa hringkhō khan heituk ahukchet sik jo me mo!

CORINTHIANHEI INKHATNA 1:30

Tâk-kha nangni chu Pathen in Christa Jesua inchunna shunga aṭhōi manhlut jo chei, khana Pathen in Christa kha eini singna amanchang joa kae. Ama jâra Pathen leh kadik a adasap jo me, eini Pathen mi intheng kachang jo me, khana eini ning leh hnōma amasō jo me kae.

PHILIPPIANHEI 3:9

pui katluk a kan-inchun theina sik, heirakip ramhnōk a kalo jo heia kae. Khana Dân juia hnemna, kabinga dikna inkhatbek ke’n neimak jo eng. Tûnchu taksen chunga a’nhnga, Pathena inphut akajōng, Christa taksen jâra a’npek dikna kha ke’n kachen jo.

COLOSSIANHEI 1:20

Khana Sapa jâra vânhnōi ralei pumpui ahnenga aṭhōi male nôk sik hi Pathen manṭhatna kae. Thingrake chunga Asapa thisen vâng khan Pathen in malung daina asyema khana marvân chunga leh raleichunga heirakip ahnenga aṭhōi male nôk heia kae.

COLOSSIANHEI 2:14

ama’n nibatna madu ka-om mak tintana rabu leh a’nkhit dânhei kha alosōt pek jo me, khana khavahei kha pui katluk a thingrake chunga thirkir vâng akir mankop sō jo kae.

HEBREWHEI 10:14

Khang’khan, vōi khat inthoina vâng ansetna manthengpek hei kha ahei tik a pui katluk a asyem jo hei.

HEBREWHEI 2:17

Hiva tina chu mihei setna kha rangei mandamna sik, apathen ṭōn tlona chunga khan anmani sik taksenthei leh maritna kasip Thempu Kalen achang theina sik, ahlam rakip a asōpuihei kapōa ama’m akachang sik leikasōk jo.

HEBREWHEI 7:26

Khava jâra nirangei anikapek inthluktor Thempu Kalen kha Jesu hi kae. Ama a’ntheng kae. Ama’n setna leh sukṭhena heite neimak; ama mikase heia inphut ahlop a dasōt a ka-om khana marvânhei chunga keitou kachang jo.

HEBREWHEI 9:26

khanga achang inchu, vânhnōi ralei insyembia inphut ave-avea inrimna aleide jo akachang sik kae. Kha changloa, tûnchu pha rakip a’nchai sik ting, ama intōksōtna hin setna rakip a’nthengna sik ahei tik a sik a vōi khat rōk ava’nlâr kae.

PETER INHNINA 1:1

Jesu Christa sonle leh sōk inkhat kachang, Simon Peter in– Ni-Pathen leh Huk inhringpa Jesu Christa dikna vâng keini kapōa mankatam taksenna inkhat apek jo hei hneng kaheimazet kae.

JOHN INKHATNA 3:8

Tu achang inum setna katlo injônṭhak mi kha Diabol ta kae, ajârchu Diabol khan a’nphutbia inphut setna aleitloa kae. Diabol ṭōntlohei kha akasuk inhmang sik a Pathen Sapa kha ajōng inlâr kae.

ṬONGPHÔNG 14:6

Khava sōa ngeva hlop inkhat bōirōk inshânga ajōng kha ke’n kahmu, ama khan kumsôt hringna ṭong raleichung mihring jât rakip, phung rakip leh ṭong rakip hneng ahrilea kae.

ṬONGPHÔNG 3:7

“Philadelphia bekrup ngeva hneng hi mazet roh: “Hivahi a’ntheng leh akadik inkhat a inphut ṭong kae. David shokir kachoi, amahlâng kha tûte’n khâr theimak, akhâr kha tûte’n mahlâng theimak.