Ezra’n Bek-inn hma a inkuna akamuk pha, setna rakip hei hi aphônga aṭaplai Israel rup katamtak–nuhmei, pase, khana naipanghei ahnenga hong intûp heia inhnaktak a hong kaṭap hei.
Rōngpu ahei-en roh, nasōk Israelhei sik a sûn leh jân kaderna hi athei pek roh. Israel mipui keini hi kaset jo ung tia kahrisōt kae. Kapu kapahei leh kei kaset jo ung.
Khava sōa kasetna hei nahnenga kahrisōt hei; kaṭhena hei thup mak eng. Nahnenga kasetna hei hrisōt sik intluk eng, khana kaṭhena hei seng narangei mandam ri eng.
“Ke’n nangni katlâng intheng Ziona kaṭhōi sik chei, kei derna innshunga inpâkna kapek sik chei, khana kamaichâm chunga nan-inthoina tōknahei kha karahlâng sik jo. Kabek-inn hi vânhnōi jât rakip sik a derna inn a’nti sik kae.”
Khava sōa ama’n ati, “Daniel, ṭitmak roh. Manhret theina naneina sik a, insinsak a omna sik a, namandon ninga inphut Pathen in naderna kha athei pek jo che. Naderna insôn sik a akahong eng kae.