DANIEL 9:16 - LEKHARABU INTHENG (BSI)

¹⁶ Nang in keini hmalai khan naleihrung jo ung, khava jâra Jerusalem chunga nahnuk mannat mak jo roh. Hivahi nakhōpui, a’ntheng nahmebung kae. Keini setna leh kanpu sōnhei ṭhatmak jâra sir leh panga ram he’n Jerusalem leh namihei chunga anhmu masi heia kae.

DANIEL 9:16 ပူးပေါင်းရင်းမြစ်များ

NEHEMIAH 9:8

Ama kha ṭong kajui inkhat achang kha nahmu sōt, khana ama leh ṭong intepna inkhat naleinei. Canaanhei ram, Hit leh Amorhei ram Periz hei, Jebush-hei khana Girgash hei ram kha ama sōn leh pârhei omna ram akachang sik a, ahnenga pek sik a le’ntep che. Nang in naṭongtep kha najui, ajârchu nang chu taksenthei che kae.

HLAHEI 143:1

Rōngpu, kaderna athei pek roh! Nadik jâra kangekna che arangei pek roh; taksenthei nachang jâra amasôn roh!

HLAHEI 31:1

Rōngpu, nahrung sik enga nahneng kahei jōn che; mi amantor hêrmak hei roh. Nang chu Pathen kadik che kae; ahuk roh, kader che!

HLAHEI 41:13

Israelhei Pathen, Rōngpu kha, manpâk ruh! Tûnum ahei tik a’m ama manpâk ruh! Amen! Amen!

HLAHEI 71:2

Ajârchu nang chu akadik che kae, a’nthōpui roh eihuk roh, kangekna arangei pek roh khana eihuk roh!

HLAHEI 79:4

Kansir kanpanga ka-om jât he’n inzak anpek ung; anmanuisō ung, sem anmanlo ung.

HLAHEI 85:4

Eh Pathen, kankahukpa, nahnenga aṭhōi male roh, kanchunga namalung tlai makna kha bâng jo roh!

HLAHEI 89:51

O Rōngpu, na’nrepuihei khan nareng kadeipa kha inzak anpek! Asena hmun rakip a anmanzak jo.

SŌKSŌT 20:5

Lim inkhatbek hnenga inkun mak ruh, ajârchu kei Rōngpu nan-Pathen eng kha kae, Ke’n akaṭhamak-hei madimtor mak eng. Kei kahōt hei sōn leh pâr chunga khang 3 leh khang 4 katlunga karâkna kapek hei.

ISAIAH 5:25

Rōngpu kha amihei chunga ahnuk kana, khana karâkna sik a abân arazit a kae. Tlângbung innok sik hei, khana akathi kalōnghei kha hlampuia inchap dâk a indahlon sik hei. Kha achang inum Rōngpu hnuknat kha labâng mak ning, karâkna pekna sik a abân alakalek hi sik a kae.

JEREMIAH 24:9

Anchunga inhmangna kamasō sik, khavakha raleichunga jât rakip he’n anṭit a inpir sik hei. Mihe’n sem tlona anhmang heia manuina annei sik hei, anmanuisō sik hei, anmani kaman chek-chaina hei hmun rakip a anrahming kha inhâksêrna inkhat a anhmang sik hei.

JEREMIAH 29:18

Anmani kha re, vonṭâm, leh hrise vânga kamanloi sik hei, vânhnōia akahmu jât rakip in ṭit-inpir sik hei. Hmuntina kakathek chai sik hei, anhnenga akasōk omchen kha mihei malung tônna leh inpirna annei sik. Mihe’n anmanuisō sik hei, khana anrahming kha inhâksêrna annei sik.

JEREMIAH 32:31

Hiva khōpuia mihei hin, ansak bia inphut kahnuk anmannat a anmanthak enga kae. Suk manhmang sik a intluk jo eng

JEREMIAH 32:32

Judah leh Jerusalema ka-om mihei, anrenghei leh hlamkakeihei, anthempuhei leh sânkathemhei seng in ṭhatmak antlo jâra khan.

EZEKIEL 22:4

Khava mithat natlo jâra naṭhe jo khana lim nasyem jâra kabōk jo che, khava jâra napha kha kajōng jo, napha kha inchai jo! Khava jâra jât-hei manuisōna kamannei hei che khana ram rakip in hnōisea kamantlo hei che.

EZEKIEL 5:14

Nakimvea jât-hei inphut nahneng vena akalôn rakip he’n anmanuisō chea nahnenga heihnai mak hei ning.

DANIEL 11:45

Ama’n tuipui leh Bek-inn omna tlâng ankâra reng pōn-inn kalen tatak heia’m amatung sik hei. Tâk-kha ama kabôm sik tûte omloa ama kathi sik jo.”

DANIEL 9:20

Ke’n kasetna hei leh kami Israelhei setna kaphôngsōt a derna kaneiṭhak, khana ama Bek-inn intheng kha asyemtherna sik Rōngpu hneng kabêr ṭhak a ka-om eng.

JOEL 3:17

“Khana, Israel, nang in kei hi Rōngpu na-Pathen eng kae tia namanhret sik eng. Jerusalem hi khōpui intheng kachang sik; miram he’n ahei tik a’m hlō tor nôk mak hei ning.

ZECHARIAH 8:3

Kakhōpui intheng, Jerusalema kei inle sik eng, khana khan ka-om sik eng. Hivahi taksenthei khōpui, Akahratpen Rōngpu hmebung, khana hmebung intheng tia inhret sik.

THESSALONIANHEI INHNINA 1:6

Pathen in akadik kha atlosōt sik: ti chu nankhōdeng inthei hei kha ama’n khōdeng amanthei sik hei,

JOHN INKHATNA 1:9

Tâk-kha eini’n nisetnahei Pathen hneng nihrisōt inchu, aṭong tepna kha ajui sik khana akadik kha atlo sik: nisetnahei kha arangei mandam sik me khana dikmak nilei tlona rakip a inphut amantheng sik me.

SAMUEL INKHATNA 2:7

Mi ṭhahrep sara amanchang hei; khana alak amanhao hei, ṭhahrep amansinsak hei, alak in amanlen hei.