DANIEL 9:12 - LEKHARABU INTHENG (BSI)

¹² Nang in kanhnenga leh kanvai karônhei hnenga tlo sik a nahri kha natloa kae. Nang in raleichunga aka-om khōpuihei kanek a Jerusalem kha kakhôk chet a nakarâk a kae.

DANIEL 9:12 ပူးပေါင်းရင်းမြစ်များ

RENGHEI INKHATNA 3:9

Hiva jâra namihei chunga kadiktak a vairôntorna sik a khana akaṭha leh akaṭhamak manhretṭhen theina sik a singna kha apek roh. Kha achangmak inchu, nami hingtuk hrep a akatam hei chunga heikhong mo vai karôn tor sik?”

RENGHEI INHNINA 22:16

Rōngpu a inphut hiva ṭongthei hi anvahrina sik amanthei hei: “Rengpa’n ateisōt lekha shunga a’nzet kapōa ke’n Jerusalem leh amihei seng karâkna kapek sik hei.

JOB LEKHARABU 12:17

Ama’n vaikarônhei singna alosōt, khana hlamkakeihei kha mikamo kapōa ṭōn amantlo hei.

HLAHEI 148:11

Renghei leh mi rakip in, rengsahei leh alak vaikarôn rakip in ama kha choi ka-ân ruh;

HLAHEI 2:10

Renghei hiva karakôkna chei hi tûn rangei ruh; nangni raleichung vaikarôn chei in hiva para hi inchu ruh:

ṬONGCHÎK-HEI 8:16

Raleichunga vaikarôn rakip in kei inthōpuina jâra vai anrôntor. Ṭōnpui karôn leh mi kalûrhei kha’m khanga rōk hei kae.

ISAIAH 43:28

Khana navai karôn he’n kei hmun intheng anmanchok a kae. Khava jâra Israel chunga suk manhmangna kha kahei rôn kae; kami khet hei inzakna kha kamasō kae.”

ISAIAH 44:26

Tâk-kha kasōk in hnungṭong asânsōt pha, kaṭōn mantlukna akaphôngsōt sik ngeva katirhei pha, Khava ṭōnhei kha ke’n kamantluk hei khana hnungṭong sânsōt hei kha kadiktak a kasōk heia kae. Ke’n Jerusalem hnenga mipuihei ashunga hong ka-om nôk sik hei, khana Judah khōpui kha athera anta hongsak sik hei kae tia kahri pek. Khava khōpuihei kha ansukset sōa inphut hongkathōi nôk sik hei.

JEREMIAH 30:7

Ṭit ka-om tak kani kha kahong jo; kani ralak leh tekâkthei changmak kamihei sik a inrengna pha kha kae, tâk-kha anmani kahring sik hei.”

JEREMIAH 32:23

Achang ravâng anmani hiva ram a anhei tlunga khana anhlō jo pha hin, anmani’n naṭongpek juimak hei, naman theina dungjuia om mak hei; antatlo sik a ṭong napek hei kha anmani’n heite tlomak jo hei. Khava jâra anchunga hiva ṭōnse seng hi namasō pek jo hei.

JEREMIAH 39:16

Ethiopia mi Ebedmelech hneng hri sik amanthei eng khachu Chunghnung Rōngpu Israel Pathen in ati, “Ke’n kahri kapōa khan ke’n katlo sik, ke’n hiva khōpui hi kasukset sik khana khangtouna heirôn mak ning. Khana hiva omchen hi asōk pha, akahmu theia nang khana khan leika-om sik che.

JEREMIAH 44:23

“Nangni’n pathen ralak hnenga inthoina nantōk a aṭongpek rakip kha nanjuimak jâra, Rōngpu dōina setna nantlo jâra hiva thi inramna hi nanchunga ajōng katlung kae.”

ṬAJAISUINA 1:12

Ahnenga akase rakip hei hneng kaṭap a ati, “Kei ajōng enroh.” Kei tade kapōa tûte’num natna hi demak hei, Rōngpu’n ahnuknat pha kachunga hiva natna apek eng hi.

ṬAJAISUINA 2:13

O Jerusalem, lungset Jerusalem, ke’n heimo kahritor aka-om? Heikhonga mo lungmōng kathlâktor sik che? Hiva kapōa tûte inkhat khōdengthei lade mak Nang châmna hichu tui-ôngpui kapō abângna kase kae; hinahin inhōrna thei om mak jo.

ṬAJAISUINA 2:17

Rōngpu’n atlo sik a maṭhitna aleinei kha achaina chu atlosōt jo: Ama’n pha kasôttak gîkna aleipek ung kapōa, lungset inveiloa asuk manhmang jo ung. Ama’n kan-inrepuihei kha torna kha apek jo hei, keini thlûkna khan anmani inpâkna apek jo hei.

ṬAJAISUINA 4:6

Pathen kut in sōkphutrōia amanthlûk jo hei Sodom hei kanek a kami he’n inhnakchet a karâkna anhmu jo.

EZEKIEL 13:6

Anmani hmangtalâr kha dikmak, khana hnungṭong antahri kha maleisei kae. Anmani’n kei ṭong antahri kae anti, tâk ke’nchu tir mak hei eng. Kha achang inum anṭong kha akadik sik a inhōr hei!

EZEKIEL 5:9

Nang in kahōt rakip natlo jâra, ke’n Jerusalem kha hmalaia kaleitlo mak khana hnunga katlo nôk mak sik karâkna kha kapek sik.

DANIEL 12:1

Pōn innem kasi ngeva khan ahri, “Khava pha nami kahngâk ngeva kalen Michael, he’nlâr sik. Khava sōa jât he’n anhei ombia inphut akaṭhamak tak omchen, inrengna pha kha kahong sik. Khavakha ahong pha, Pathen lekha shunga a’nzet najât mi rakip huk sik hei kae.

JOEL 2:2

Khavakha khōdeng theina leh inrengna kani, inthim leh sumphai jingna kani kachang sik. Khaikhu remi katamtak kahong heia inthim kapōa tlâng anmakhusi hei. Khava kapō kha leisōk phung hêrmak, khana sōk nôk hêrmak ning.

AMOS 3:2

“Raleichunga phung rakip kâra kamanhret leh ka-ensui jât kha nangni rōk chei kae. Khava khan nangni setnahei kha ṭit ka-om tak amanchang, khava jâra karâkna kapek sik chei kae.”

ZECHARIAH 1:6

Kasōk sânkathem heia inphut, nanpu sōnhei hneng ṭongpek leh gîkna kapek jo hei, tâk heitea lomak hei khava kara inrengna kha anthōk joa kae. Khava sōa anmalung anthlenga Chunghnung Rōngpu kei in anmani chenhlam kasōk karâkna kapek hei kae khana tlo sik a ka’ntlukna kha katlo kae ti hi anhong manhret jo.’”

ZECHARIAH 1:8

Mi inkhat in shakor kasen inkhat aheichōng. Ama kha phaichama reikung hei kâra kangir jo, khana akahnunga shakor ahlek ka-om hei, khahei kha akasen, akabang, khana mêrchîkna akaṭe kabek hei kha kae.

ZECHARIAH 7:12

khana anmalung kha hlung kapōa anmansak a kae. Tenlaia sânkathemhei hneng ke’n kalei tir jo mantheina kha anrangei mak jâra kei anmani chunga kahnuk kana hêr.

MATTHEW 24:21

Ajârchu khava pha inrimna kha ralei insyembia inphut tuning katlunga aleikasōk rakip akakhe chet inrimna kachang sik. Khana khava kapō kha inkhatbek avea sōk mak ning.

MATTHEW 5:18

Mandon sōt ruh marvân leh ralei a-omlai seng, Dân rahme khana ajâr kasinpen inkhatbek inhmang mak ning, heirakip a’nchai mak hma seng.

MARK 13:19

Ajârchu khava kani heia inrimna hei kha, Pathen in vânhnōi asyem manphut bia inphut tûn katlunga mihringhei tamanhret inrimna hei seng kanek a akakhôk chet sik kae.

LUKE 21:22

Ajârchu khava kani kha ṭong inthenga ale’nzet inhlut rakip hui atlungna sik ‘Karâk Ning’ kani akachang sik kae.

ROMANHEI 15:8

Ajârchu, ke’n kamanthei chei hi kae, anpu sōnhei hnenga Pathen ṭongtep hei kha hui ajōng tlungna sik, Pathen hi taksenthei kachang ti malârtheina sik, Christa hringkhō ṭōntlo kha Jehudihei kahlanga kae,