DANIEL 9:11 - LEKHARABU INTHENG (BSI)

¹¹ Israel rakip in nadân anlei sukkhōi jo, khana naṭong hri juihnōm mak jo hei. Nang kadōia kaset jo ung, khana nasōk Moses dânrabu a a’nzet hâksêrna hei kha kanchunga katlung joa kae.

DANIEL 9:11 ပူးပေါင်းရင်းမြစ်များ

RENGHEI INHNINA 18:12

Samaria katlu jo ajârchu Israel mihe’n an-Pathen Rōngpu ṭongpek juimak hei, tâk-kha anmani leh intepna aleisyem kha anvōkkhōi khana Rōngpu sōkpa Moses hneng aleipek dân rakip kha juimak heia kae. Anmani’n rangei mak hei khana juimak heia kae.

RENGHEI INHNINA 22:16

Rōngpu a inphut hiva ṭongthei hi anvahrina sik amanthei hei: “Rengpa’n ateisōt lekha shunga a’nzet kapōa ke’n Jerusalem leh amihei seng karâkna kapek sik hei.

ISAIAH 1:3

Se he’n ankapu anmanhret, shakōrtung he’n akapu’n phi apekna hmun amanhret. Kami Israel tamanhret kanek a antamanhret jo kae. Kamihei chu manhret ṭhak mak hei.

ISAIAH 43:28

Khana navai karôn he’n kei hmun intheng anmanchok a kae. Khava jâra Israel chunga suk manhmangna kha kahei rôn kae; kami khet hei inzakna kha kamasō kae.”

JEREMIAH 16:11

Khava pha Rōngpu’n hinga ahri tia manthei hei roh, ‘Nanpa-nanpu he’n kei andahlon enga, pathen ralak-hei ankamuk a anrazen hei. Kei andahlon enga, kamansena hei juimak hei.

JEREMIAH 2:29

Nang inphinna kha heimo kae? Heisa mo kei nadōi eng?

JEREMIAH 30:14

Nan-inlungset he’n anmahngi jo chei, anmani’n adonmak jo hei. Ke’n nangni inrepuihei kapōa kabuhlu chei; nankarâkna kha inhnak ajârchu nansetnahei katam hranghra khana nanṭhat makna kalen hêr.

JEREMIAH 32:23

Achang ravâng anmani hiva ram a anhei tlunga khana anhlō jo pha hin, anmani’n naṭongpek juimak hei, naman theina dungjuia om mak hei; antatlo sik a ṭong napek hei kha anmani’n heite tlomak jo hei. Khava jâra anchunga hiva ṭōnse seng hi namasō pek jo hei.

JEREMIAH 40:3

khana tûn ama’n atlo sik a ahri kha atlosōt joa kae. Nanmipui he’n Rōngpu dōina setna antlo jâra hiva rakip hi akasōk jo kae.

JEREMIAH 44:22

Tûnlaitak hin nanram kha inhmanga ka-oma tûte om mak jo hei. Akaṭhamak omchen nantatlo kha Rōngpu’n a-en hnâm tor mak jo jâra, ram kha hmit-enna enngam timak jo khana mihe’n arahming kha inhâksêrna inkhat a anhmang joa kae.

JEREMIAH 44:23

“Nangni’n pathen ralak hnenga inthoina nantōk a aṭongpek rakip kha nanjuimak jâra, Rōngpu dōina setna nantlo jâra hiva thi inramna hi nanchunga ajōng katlung kae.”

JEREMIAH 6:19

Raleichung, rangei roh! Anṭōn mantlukna rakip sik a karâkna inkhat a, hiva mihei chunga inhmangna hi kapek hei kae, ajârchu kaṭong juimak hei khana kaman theina lomak heia kae.

DANIEL 9:13

Moses Dân a ale’nzet karâkna rakip hei kha napek jo ung. Tâk tûn katlunga’m O Rōngpu kan-Pathen, kansetna heia inphut inhesōtna a-emak leh nadikna juia namalung mantlaina sik latlomak ung.

DANIEL 9:5

“Keini’n setna kantlo jo, keini ṭhamak jo ung, keini akadik mak kantlo jo. Nang in tlo ruh nati kha tlomak jo ung, khana akadik namanhmu ung kha kandahlon jo.

ZECHARIAH 1:6

Kasōk sânkathem heia inphut, nanpu sōnhei hneng ṭongpek leh gîkna kapek jo hei, tâk heitea lomak hei khava kara inrengna kha anthōk joa kae. Khava sōa anmalung anthlenga Chunghnung Rōngpu kei in anmani chenhlam kasōk karâkna kapek hei kae khana tlo sik a ka’ntlukna kha katlo kae ti hi anhong manhret jo.’”

ZECHARIAH 7:12

khana anmalung kha hlung kapōa anmansak a kae. Tenlaia sânkathemhei hneng ke’n kalei tir jo mantheina kha anrangei mak jâra kei anmani chunga kahnuk kana hêr.

ZECHARIAH 8:13

Eh Judah leh Israel mihei! Akathlengsa pha khan ramlak mihe’n inkhat leh inkhat khōmâk insântō heia, ‘Judah leh Israelhei chunga inhmangna akatla kapōa nangni chunga tlung rasoh!’ inti hei. Tâk-kha ke’n kahuk sik jo chei, khana jât-hlop hei khan khat leh khat, ‘Judah leh Israel he’n mahâmṭhat antachen kapōa nantachen chang rasoh!’ inti sik jo hei. Khava jâra inngamna nei ruh khana ṭitna neimak ruh.”

DÂNRABU INHNINA 8:20

Rōngpu kha aṭong nanjuimak inchu, nantajōn sik ram a jât-hei asuk manhmang sik hei kapōa, nangni asuk manhmang sik cheia kae.