DANIEL 8:13 - LEKHARABU INTHENG (BSI)

¹³ Khava sōa ngeva inkhat in inkhat hneng ṭong ader kha kalei thei, “Hmangtalâra a’nhmu omchenhei hi pha khongja katlung alaka-om sik hei mo? Pha khongja katlung mo ṭit ka-om tak setna hin ani tina inthoina kahlang kha alathleng sik? Pha khongja katlung mo marvân remi leh Bek-inn kha chōnpha anlaka-om sik hei?”

DANIEL 8:13 ပူးပေါင်းရင်းမြစ်များ

HLAHEI 74:10

Eh Pathen, kan-inrepui he’n heichen mo sem antalamanlo sik che? Narahming kha ahei tik chen a antahnōise ṭhak sik jo mo?

HLAHEI 74:9

A’ntheng mêrchîkna kanneinâk rakip um om mak jo; sânkathem inkhatbek um indahlon mak jo, khana hivahi heituk kasôt sik mo tûte’num manhret mak hei.

HLAHEI 79:5

Rōngpu, ahei tik a kanchunga nahnuk namannat sik jo mo? Nahnuk natna hi hmei kapōa akakâng ṭhak sik mo?

ISAIAH 28:18

Thina leh inhnōmna nantasyem kha la’nhmang sik, khana thina vânhnōi leh inhnōmtōna kha senathei mak jo ning. Suk manrimna ajōng pha nangni akatōm sō sik jo chei.

ISAIAH 6:11

Ke’n kader, “Hivahi heituk mo alakasôt sik, Rōngpu?” Ama’n amasôn eng, “Khōpuihei a’nhmangsō leh akarōk a a-om mak hma seng, innhei kha mi inkhatbek an-om mak kârseng, ram hi’m hleichi kachâr achangmak kârseng sik kae.

ISAIAH 63:18

Keini, nami intheng ung hi, kan-inrepui he’n pha bongkhat sik a anhnongsōt jo ung: nahmun intheng kha antam rachi jo.

ISAIAH 9:6

Naidông inkhat a’ntet pek jo me! Sapa inkhat apek jo me! Khana ama kha nivai karôn sik kae. Ama kha, “A’nlaktak Mi inse, “Akahrat Pathen”, “Kumsôt Pa”, “Chamna Rengsapa,” a’nti sik kae.

JEREMIAH 12:10

Ram hlop a vaikarôn katamtak he’n kavomhrui rahōn ansuksetsō jo; anmani’n kahlei kha anchōn rachi jo; kamaner ram kha nêrdiram anmanchang jo.

DANIEL 11:31

Aremi ṭhahrep in Bek-inn ansukset sik. Anmani’n ani tina inthoinahei anmanbâng sik, khana ṭit ka-om tak omchen anmasō sik.

DANIEL 12:11

“Ani tina inthoina manbâng ninga inphut, Ṭit ka-om tak Inrimna pha khana inphut kani 1,290 kathleng sik.

DANIEL 12:8

Aṭong hri khachu kathei, tâk-kha heitina mo manhret mak eng. Khava jâra kader, “Tâk-kha Oja, heikhonga mo khahei rakip kha a’nchai sik?”

DANIEL 4:10

“Ke’n kajelai, karahmanga raleichung ṭimtak a thingkung kalentak inkhat kaleihmu.

DANIEL 4:13

“Ke’n rahmang kha kamandona ka-omlai, marvâna inphut ngeva inkhat insing theitak a ajōng ṭum kha kahmu.

DANIEL 4:23

Reng Kalûr nang in khanga na-enlai marvâna ngeva inkhat kajōnga ahri, ‘Thingkung hi phûr ina suk manhmang ruh, tâk akungmui chu ralei shunga dahlon ruh. Hiva kimvea thir leh sum-êng hrui vâng khit ruh, hleipuk a phihei leh da hei ruh. Hiva mipa chunga radaitui tla rasoh, khana ramshahei leh kum 7 omsōm hei rasoh.’

DANIEL 7:16

Ke’n khava hmun a akangir hei kâra inkhat hneng kase enga hiva rakip hi ahri manchênna sik kavader. Khava jâra hivahi heitina mo ti kha ahri pek eng.

DANIEL 7:23

Kahnenga hri manchênna Pathen in amanthei eng kha hi kae: “4na sha kha raleichunga ahong ka-om sik 4 tlukna rengram kae, khavakha alak rengramhei leh in-ang mak ning. Ama hin ralei pumpui asuk manhmang sik khana achōn rachi sik kae.

DANIEL 9:27

Khava vaikarôn khan mi katamtak hei leh kum 7 inhnōmna kahnettak annei sik, khana hiva pha hi aṭimkhat a’nchai pha, ama’n inthoina leh tōkna man om mak jo ning. Ṭitpui inkhat Bek-inn inshângpen chunga anda sik khana khava kada mi kha Pathen in ama sik a amantluk pek achaina pha kha aratō mak kârseng khanga ka-om sik.”

ZECHARIAH 1:19

Kei hneng ṭong aleikahri ngeva hneng ke’n kader, “Hiva serakihei hi heitina mo?” Ama’n amasôn eng, “Anmani hi Judah, Israel leh Jerusalem mihei chai kathekna katlo vânhnōi ratha kaneihei kha kae.”

ZECHARIAH 14:5

Hiva tlânga her hnia akaṭhensōt phaicham shunga hin nangni akatlânsōt sik chei kae. Judah Reng Uzziah phalaia lingnu innoklai nanpu sōnhei leitlânsōt kapōa nangni akatlânsōt sik chei kae. Rōngpu ka-Pathen kha, ngeva rakip aheiṭhōi heia kajōng sik.

MATTHEW 11:27

“Heirakip Kapa’n kei apek jo eng. Pa teilo tûte’n Sapa kha manhret mak, khana Sapa tei loa tûte’n Pa kha manhret mak, khana Sapa khan malârpek sik a akadei hei tei loa tûte’n Pa kha manhret mak.

MATTHEW 24:15

“Sânkathem Daniel taleihri, ‘Ṭit ka-om tak Inrengna’ kha nanheihmu sik. Khava khan hmun inthenga hongkangir sik.” (Akatei hnenga ṭongmanthei: hiva tina hi manhret nger roh!)

MARK 13:14

“‘Ṭit-inpir ka-om tak’ kha, a-om makna sik hmun a ahong ngir sōt kha nanhmu sik.” (Akatei hnenga ṭongmanthei: hiva tina hi manhret nger roh!). Khava pha Judea ram a ka-om hei kha tlâng ting akatlânsōt nger sik hei kae.

LUKE 10:22

“Ka-Pa’n heirakip apek jo eng: Pa teilo tûte’n Sapa kha manhret mak, khana Sapa leh Sapa’n ama inlârsōt sik a akadeisōt jo mihei tei loa tûte’n Pa kha manhret mak hei.”

LUKE 21:20

“Remi he’n Jerusalem antakake khum nangni’n nanhmu pha a’nhmangna sik pha kahnai jo ti manhret ruh.

LUKE 21:24

Ṭhahrep chemjâm vâng anthat sik hei, khana ram rakip a sōk a ankei sik hei; anpha atluk mak kârseng Jât-hlop he’n Jerusalem kha antachōn rachi sik kae.

JOHN 1:18

Tûte’n Pathen lahmu phung hêrmak. Pathen leh thakhat akae, khana Pa ângshunga aka-om, Sapa inkhat rōk khan Pathen manhretna amannei me.

DÂNRABU INHNINA 33:2

Sinai Tlânga inphut Rōngpu kha kajōng; Edom chunga kani kapōa heikasōk khana Paran Tlânga inphut amihei chunga jōng kavâr. Ngeva 10,000 hei leh jōng inṭhōi hei, achangting hmeihrui amatu.

THESSALONIANHEI INKHATNA 3:13

Hing’hin nangni ratha amanngarpek sik chei, khana ni-Rōngpu Jesu kha amihei seng leh inṭhōia ajōng pha, ni-Pa Pathen hmaikunga nangni a’ntheng leh pui katluk kachang sik jo chei.

HEBREWHEI 10:29

Kha achang inchu, Pathen Sapa kahnōise hei sik hei mo kachang sik? Khava anset manthengna kapek Pathen intepna thisen kha mankabeitek a akalo hei sik? maritna Rathla manzakna kapek hei sik? Khahei kha heituk-hrep akakhe karâkna mo anrahōi akachang sik mandon ruh!

PETER INKHATNA 1:12

Khava sânkathemhei ṭōntlo kha anbing hnemna sik changmak, tâk nangnihei hnemna sik a kae tia Pathen in anhnenga aleiphông pek hei. Khahei chungchânga anmani’n anta leihri kha tûn nangni’n marvâna inphut ajō’ntir Rathla Intheng ratha hratna vâng, Ṭong kaṭha kaphông tlângva heia inphut nanthei jo. Hiva ṭong hi ngevahei kapha’num antamanhret hnōm kae.

JUDE 1:14

Adam a inphut khang 7 tlukna Enoch in hmalaia inphut hing’hin aleihri: “Rōngpu kha angeva intheng lishing katamtak leh inṭhōia akajōng sik kae

ṬONGPHÔNG 11:2

Tâk-kha bek-inn sumpuk vâng intong khachu dahlon roh, ajârchu khavahei kha Jât-hlop hei a’npek sōt jo kae, anmani’n khōpui intheng kha thla 42 antachōnpha sik kae.

ṬONGPHÔNG 6:10

Anmani’n rasa inhnaktak a an-ôna, “Akahratpen Rōngpu, a’ntheng leh akadik! Keini anthat ung jâra ralei mihei chunga ṭong natan sik leh nakarâk sik hei kha heituk mo alakasôt sik?” anti.

ṬONGKATANHEI 13:18

Ngeva khan ader, “Hei sik a mo karahming namanhret hnōm? Hivahi rahming inlak kae.”