DANIEL 7:9 - LEKHARABU INTHENG (BSI)

⁹ Ke’n ka-enlai, reng in-ongna hei ahmun et a anda hei. Khava reng in-ongna inkhat a khan ahei tik a akahring ṭhak inkhat kha in-onga kae. Apōnsihei kavur kapōa kachek hei khana asam in sahme intheng ka-anga kae. Alen in-ongna kha hmei kasûk gâri chunga, hmeimale kapōa kasûk a kae,

DANIEL 7:9 ပူးပေါင်းရင်းမြစ်များ

RENGHEI INKHATNA 22:19

Micaiah’n abân ahri nôk a, “Tûn Rōngpu’n heimo ahri rangei ruh! Ke’n Rōngpu kha angeva rakip ahnenga kangir heia, marvâna alen in-ongna a’n-ong kha kahmu.

THUHMINGHEI INHNINA 18:18

Micaiah khan ahrisa: “Tûnchu Rōngpu’n heimo ahri kha rangei roh! Rōngpu’n marvâna areng in-ongna a’n-ong kha kahmu, angeva rakip he’n asira kangir hei.

HLAHEI 45:8

myrrh leh aloe thai marim katui napōn heia inhnam; saiha vâng ret antasyem reng-innpui shunga hlakasak he’n ratōna annei che.

HLAHEI 90:2

Hmebunghei naleisyem mak hma, vânhnōi ralei aleiom mak hma, nang chu ahei tik a Pathen che kae, khana kumleikōa Pathen kachang ṭhak sik che.

HLAHEI 93:2

A’nphutbia inphut nalen in-ongna kha kahnet a hong ka-om jo, O Rōngpu, nang chu pha ale’nphut mak hma aleika-omsa jo che kae.

ISAIAH 6:1

Rn Uzziah thi kum a, ke’n Rōngpu kha kaleihmu. Areng in-ongna hmun a kalûrtak a choi ka-ânna le’n ong khana azakkō ret ra-âng khan Bek-inn kha aser manvâr pet a kae.

ISAIAH 9:6

Naidông inkhat a’ntet pek jo me! Sapa inkhat apek jo me! Khana ama kha nivai karôn sik kae. Ama kha, “A’nlaktak Mi inse, “Akahrat Pathen”, “Kumsôt Pa”, “Chamna Rengsapa,” a’nti sik kae.

JEREMIAH 49:38

Ke’n anrenghei leh anhlam kakeihei kha kasuk manhmangsō sik hei, khana khava hmun a khan kalen in-ongna kamatung sik kae.

EZEKIEL 1:26

Phuchung kapō chunga khan sapphir hlung vânga a’nsyem reng in-ongna inkhat kapō ka-om, reng in-ongna chunga a’n-ong kha mihring hme apōa kae

DANIEL 7:13

Hiva jân a hmangtalâra hin ke’n mihring kapō inkhat kaleihmu. Ama kha sumtuk in akake khuma kahnenga ajōng hnai eng, khana ama khan ahei tik a akahring ṭhak hneng kasea inpek inhlut a kae.

DANIEL 7:22

Khava pha ahei tik a akahring ṭhak inkhat kha kajōnga Chunghnung Pathen sahei sik a ṭong aleitan. “Pathen sahe’n reng ratha neina anchenna sik pha kha hong katlung jo.

MICAH 5:2

Rōngpu’n ahri, “Bethlehem Ephrathah, nang Judah shunga khōpui akasinpen hei kâra inkhat che kae, tâk nanga inphut Israel sik a, hmalaia inphut innshung hrui kanei, vaikarôn inkhat kahei majōr sik.”

HABAKKUK 1:12

Rōngpu, anphutbia inphut nang chu Pathen che kae. Nang a’ntheng leh kumsôt a ka-Pathen che kae. Rōngpu ka-Pathen kakahrungpa, nang in Babylonhei kha nakadei hei khana keini karâktorna sik a ratha napek hei.

MATTHEW 17:2

Anmani’n khanga anlei enlai Jesu kha ahme hong-inthleng jo: ahmaisō kha kanivâr kapōa hong kavâr, apōnsi kha hongkachek hlak jo.

MATTHEW 28:3

Ahmaisō kha khō inphe ka-ang khana apōnsi kha kavur kapōa kachek.

MARK 9:3

khana apōnsihei kha hongkachek jo, raleichunga tu inkhat tasôp manchektor sik kanek a kachek.

ṬŌNTLOHEI 2:30

Ama kha sânkathem kae, khana Pathen in heiṭong mo atep pek ti kha amanhret: David sōna inphut mi inkhat, David kapōa reng manchang sik a Pathen in ṭong intepna aleinei.

ṬŌNTLOHEI 2:33

Ama hi Apa, Pathen kut changting matungsōt a ka-om jo, aṭong leitepna dungjuia ahnenga inphut Rathla Intheng achen jo. Tûntûna nantahmu leh nantathei rakip hi kanchunga aheibun mathlâk kutchoi kha kae.

PHILIPPIANHEI 3:9

pui katluk a kan-inchun theina sik, heirakip ramhnōk a kalo jo heia kae. Khana Dân juia hnemna, kabinga dikna inkhatbek ke’n neimak jo eng. Tûnchu taksen chunga a’nhnga, Pathena inphut akajōng, Christa taksen jâra a’npek dikna kha ke’n kachen jo.

TIMOTHY INKHATNA 6:16

Ama rōk akathi theimak kha kae. Tûte tahnai manhlut tor makna vâr shunga ka-om. Ama tûte’n lahmu mak hei; tûte’n hmutorhêr mak hei. Kajana leh ahei tik a vairônna kha atâ changṭhak rasoh! Amen.

JOHN INKHATNA 1:5

Tûn keini’n asapa inphut kantathei ṭong khana kanta phôngsōt kha hi kae: Pathen kha vâr kae, khana ama hneng inthim inti hi om hêrmak.

ṬONGPHÔNG 1:14

Asam kha sahme chek kapōa a-emak leh kavur kapōa kachek, khana ahmit kha hmeimale kapōa in-ât a kae;

ṬONGPHÔNG 19:18

Renghei, rehlam kakeihei, remihei, shakorhei leh anchunga kachōnghei, sōk-hei leh masōhei, akasin leh akalen mi rakip taksa ravōi kasâk sik a hong ruh!”

ṬONGPHÔNG 20:4

Khava sōa len in-ongna hei leh achunga a’n-ong hei kha ṭong tanna sik ratha antapek hei kha kahmu. Khan nôk chu Jesu tamalârsōt ṭongdik leh Pathen ṭong jâra antathat hei rathla kha’m kahmua kae. Anmani’n ranhring limsyem kha leikamuk mak hei, khan chu achîkna kha’m anmachea achanga ankut chunga achanga mazet mak hei. Anmani’n kum 1,000 Christa leh reng kapōa vai antarônsap sik a hong kahringsōt hei.

ṬONGPHÔNG 4:2

Inrangtak a Rathla taṭhōi inkhat a kei leika-om jo eng. Marvân chunga len in-ongna inkhat ka-oma len in-ongna chunga khan mi inkhat in-onga kae.