DANIEL 7:4 - LEKHARABU INTHENG (BSI)

⁴ Ahma inkei kha shabakkai apō, tâk hmurai kapōa mathla le’ndo. Ke’n ka-enlai amathlahei kha intan jo hei. Sha kha keitoua ka-oma anlei manngir. Khava sōa mihring mandonna ahnenga anleipek.

DANIEL 7:4 ပူးပေါင်းရင်းမြစ်များ

SAMUEL INHNINA 1:23

“Saul leh Jonathan hei, inlak-hei, lungset ka-om hei; kahringsōm hei, kathisōm hei; Hmuvânlai kanek a kayâng hei, shabakkai kanek a kahrat hei.

JOB LEKHARABU 25:6

Khan chu mihring, rahlung leh khaiphâr kapō chunga khan heidôm mo kae sik? Pathen hmit ena mihring hringkhō hi heidôm mo kae?

HLAHEI 9:20

O Rōngpu, anmani’n ṭit hei rasoh. Anmani akathithei mihring hrep hei kae ti kha manthei hei roh.

JEREMIAH 25:38

Shabakkai in akhur adahlon kapōa Rōngpu’n amihei adahlon jo hei. Ṭit ka-om re leh Rōngpu hnuknat khan ram kha nêrdiram amanchang jo.

JEREMIAH 4:13

Enruh, sumtuk kapōa inrepuihei kha kajōng hei. Anshakor gârihei kha thlisip ka-ang hei, khana anshakorhei kha marhmu kanek a inrang hei. Eini inhmang jo me! Eini inhmang thâm jo me!

JEREMIAH 4:7

Shabakkai in a’nthupna hmun a inphut ajōng kasōk kapōa jât-hei kasuk inhmang sik kha heikasōk jo. Judah kasukset sik a ama kha kahong. Judah khōpuihei kha suk manhmanga ka-om sik hei, khana khan tûte inkhat om mak hei ning.

JEREMIAH 48:40

Rōngpu’n ṭong atep, ti chu marhmu’n amathla azera ajōng inthla kapōa, Moab chunga jât inkhat jōng kachu sik,

JEREMIAH 49:19

Shabakkai inkhat Jordan panga ratu hmanga inphut a, phidông kekna ahei kasōk kapōa, kei kahong sik eng, khana Edomhei kha anrama inphut sōkphutrōia kamanphut sik hei. Khava pha ke’n hlamkakei inkhat kakadeisōt khan jât-hei chunga vai arôn sik kae. Kei leh tetor sik tu mo aka-om? Tu’n mo kei adōingam sik eng? Vaikarôn tu’n mo kei adōitor sik eng?

ṬAJAISUINA 4:19

Chungvâna marhmu ajōng suk inrang kakhea, anmani’n keini anhnong jo ung. hmebunga anhnong suk ung; manhret manloa nêrdi ramhânga anphak unga kae.

EZEKIEL 17:3

Chunghnung Rōngpu ke’n anhnenga kahri hi manhret hei rasoh: Amasong kaṭhatak amathla kalentak, akazer hmuvânlai inkhat leika-om. Ama’n Lebanon Tlâng heia kajōnga cedar thingpâr inkhat amathlek jo,

EZEKIEL 28:2

Ama’n ati, “Akathithei mihring, Chunghnung Rōngpu ke’n ahnenga kahri hi Tyre vaikarôn hneng hripek roh: inlensakna’n pui katluk che, nang in pathen eng kae nati. Pathen kapōa reng in-ongna in-ong eng khan chu tuipui in akatōm eng nati. Pathen inhlemsak thei che, tâk-kha changmak, nang akathithei mihring hrep che kae, Pathen changmak che.

EZEKIEL 28:9

Nang kathat sik a anhong pha, pathen eng nalatiṭhak sik mo? Nang kathat sik hei kha naratō hei pha, nang akathithei kachang sik jo che, pathen chang hêrmak tin che.

DANIEL 2:38

Ama’n ralei pumpuia aka-om vaikarônna asyem che khana sha leh va rakip chunga vai karôn sik a asyem che. Nang sana lu che kha kae.

DANIEL 4:36

“Ke’n lung vârna kahong nei pha, kei kajana, kei lûrna, khana karengram lûrna kha kahnenga inpek male eng. Kei ṭōnpui karônhei leh kami kahrâng he’n kei anleirahlâng eng, khana kareng ratha neina leh kajana hmalaia kanek a akakhe chet kha inpek jo eng.

DANIEL 7:12

Sha ralak-hei kha anratha neina anlosōt pek jo hei, tâk pha chomkhat akahring sik a anleida hei.

DANIEL 7:5

2na sha kha akahnung tinga akepâra akangir kavom apō. Ahâ vâng sha manâkru 3 asekhang, khana rasa inkhat in ahnenga ahri, “Se ina nator chenna ranhringhei hme vasa roh!”

MATTHEW 24:28

“Kathi kalōng omna hmun a, hmuthonghei intûp sik hei.

DÂNRABU INHNINA 28:49

Ralei bângna inphut aṭong leh ahla nantamanhret mak, jât inkhat nangni kadōi sik a Rōngpu’n aheiṭhōi sik. Anmani kha mârhmu kapōa nanchunga jōng kachu sik hei.

ṬONGPHÔNG 13:2

Khava kahmu ranhring kha rûtnu ka-ang, ake kha kavom kepha ka-ang, khana ahmur shabakkai ka-ang. Ama hnenga khan rihren in aratha neina leh alen in-ongna, khana aṭong neina katamtak apek.