DANIEL 7:24 - LEKHARABU INTHENG (BSI)

²⁴ Khana raki 10 kha rengram vai ahong karôn sik reng 10 hei kae. Khava sōa reng alak inkhat hong kasōk sik; ama kha hma-inkeihei kanek a inlak sik, khana reng 3 hei kha ator sik hei.

DANIEL 7:24 ပူးပေါင်းရင်းမြစ်များ

DANIEL 11:36

“Syria rengpa’n alungdo hrep a kachôn sik. Ama’n pathen rakip kanek a, Chunghnung Pathen kanek a’m kalen eng tia inlensak sik. Pathen in akarâkna sik pha ahong mak kârseng ama’n khanga atlo tor sik. Pathen in amantluk kha atlo nger sik kae.

DANIEL 2:41

Ake leh akemasek hei kha thir leh matlak vânga ansyem kha nang in nahmu. Khava tina khachu rengram kha inkhōiṭhen sik. Thir kapōa ratha anei sik, ajârchu thir leh matlak a’nheia a’nsyem kae.

DANIEL 7:20

Ke’n alua indo raki 10 khana hnunga ahei kasōk raki inkhat, khava khan raki hei kâra 3 asuk mathlek chungchânga kamanhret hnōm. Hivahin ahmit indo hei khana inlensaktak a ṭonghrina abei inkhat indo. Ama kha alak-hei kanek a ṭit ka-om hêra kae.

DANIEL 7:23

Kahnenga hri manchênna Pathen in amanthei eng kha hi kae: “4na sha kha raleichunga ahong ka-om sik 4 tlukna rengram kae, khavakha alak rengramhei leh in-ang mak ning. Ama hin ralei pumpui asuk manhmang sik khana achōn rachi sik kae.

ṬONGPHÔNG 12:3

Marvân chunga a’n-ip neinâk ahlop inkhat inlâr. Akalentak Rihren kasen alu 7 araki 10 kanei khana aluhei chunga lukhu kanei inkhat leika-om.

ṬONGPHÔNG 13:1

Khava sōa tuipuia inphut ranhring inkhat ahei kasōk ke’n kahmu. Ama’n alu 7, araki 10 anei; aluhei chunga khan Pathen teitômna rahming inzet et, araki chunga lenlukhu ka-om et a kae.

ṬONGPHÔNG 17:3

Khana Rathla khan kei akhimna thōia ada jo eng, ngeva khan nêrdiram chârna aṭhōi jo eng. Khava hmun a khan nupui inkhat ranhring kasen chunga kachōng, ranhring taksa pumpuia Pathen hnōisena rahming a’nzet hei ke’n kahmu; ranhring kha alu 7 leh raki 10 anei.