DANIEL 7:20 - LEKHARABU INTHENG (BSI)

²⁰ Ke’n alua indo raki 10 khana hnunga ahei kasōk raki inkhat, khava khan raki hei kâra 3 asuk mathlek chungchânga kamanhret hnōm. Hivahin ahmit indo hei khana inlensaktak a ṭonghrina abei inkhat indo. Ama kha alak-hei kanek a ṭit ka-om hêra kae.

DANIEL 7:20 ပူးပေါင်းရင်းမြစ်များ

DANIEL 7:11

Ke’n ka-enlai, raki kasin khan in-ortak a ṭong ahri kha katheia kae. Khanga ka-ena, sha manlina kha anthat jo, khana ataksa kha hmeishunga anhlon manhlut a amanhmang jo.

DANIEL 7:19

Khava pha sha alak 3 hei leh a’n-ang mak 4na sha, ashathat sik hei kha asum-êng ke matin leh athir ha vânga asekhōi hei khana anchunga achōn rachi hei, khava ṭit ka-om tak sha chungchânga kamanhretdet hnōma kae.

DANIEL 7:21

Ke’n ka-enlai, khava raki khan Pathen sahei chunga re atloa ator jo hei.

DANIEL 7:23

Kahnenga hri manchênna Pathen in amanthei eng kha hi kae: “4na sha kha raleichunga ahong ka-om sik 4 tlukna rengram kae, khavakha alak rengramhei leh in-ang mak ning. Ama hin ralei pumpui asuk manhmang sik khana achōn rachi sik kae.

DANIEL 7:7

Ke’n khanga ka-enlai, 4na sha hong kasōk a kae. Ama kha ratha kaneitak, ṭitna leh inpirna ka-om tak kae. Ama’n thirha kalentak vâng ashathat hei kha asekhōi hei khana achōn rachi hei. Sha ralak leh in-ang loa, araki 10 indo.

DANIEL 7:8

Ke’n araki kha kakhulip a ka-en pha, raki hei kâra khan raki kasin inkhat hong kasōk a kae. Hivahin hma inkeia aleika-om raki 3 amathlek jo hei. Hiva raki hin mihring hmit anei khana in-ortak a ṭongkahri bei inkhat anei.

ṬONGPHÔNG 12:3

Marvân chunga a’n-ip neinâk ahlop inkhat inlâr. Akalentak Rihren kasen alu 7 araki 10 kanei khana aluhei chunga lukhu kanei inkhat leika-om.