DANIEL 7:14 - LEKHARABU INTHENG (BSI)

¹⁴ Ama kha phung leh jât ṭong rakip in anrazenna sik ama kha ratha neina, kajana khana reng ratha kha anpek jo. Ama ratha neina kha ahei tik a ka-om sik, khana arengram ahei tik a bângmak ning.

DANIEL 7:14 ပူးပေါင်းရင်းမြစ်များ

HLAHEI 102:22

Phung leh jât-hei leh rengram he’n inchun heia Rōngpu kha anhong kamuk sik.

HLAHEI 103:19

Rōngpu’n alen in-ongna kha marvâna amatung; heirakip chunga reng kachang.

HLAHEI 145:13

Nareng vairônna kha kumleikōa kae, khana nang ahei tik a reng che kha kae. Rōngpu chu aṭong tepna kha ajuia kae; khan aṭōntlo rakip a maritna’n kasip.

HLAHEI 146:10

Rōngpu kha ahei tik a reng kae. O Zion, na-Pathen khan pha rakip a vai arôn sik kae. Rōngpu kha choi ka-ân ruh!

HLAHEI 45:6

Pathen tapek che rengram kha kumleikōa ka-om ṭhak sik. Nang in namihei chunga ṭong kadik vâng vai narôna kae.

HLAHEI 72:11

Rn rakip ahmai kunga inkun sik hei, jât rakip in ama anrazen sik.

HLAHEI 72:17

Rengpa rahming kha mahngia om hêrmak rasoh; arahming inthang kha kani a-omlai seng om rasoh. Pathen in rengpa vâng apek kapōa vângṭhat apekna sik hei, jât rakip in Pathen hneng inder hei rasoh.

HLAHEI 8:6

Nakutsyem rakip chunga anmani vai namanrôn hei; kutsyem rakip chunga anmani nada hei:

ISAIAH 16:5

Khava sōa David sōnhei kâra inkhat in reng kachang sik, khana ama’n mihei kha taksen ka-om tak a leh lungset vânga vai arôn sik hei. Ama’n akadik kha inrangtak a atlosōt sik khan chu ṭongtan kadik tlosōtna sik a ama’n a-en kaṭha sik.)

ISAIAH 60:12

Tâk-kha nang inzenmak jât-hei khachu Suk manhmang cher sik hei kae.

ISAIAH 9:6

Naidông inkhat a’ntet pek jo me! Sapa inkhat apek jo me! Khana ama kha nivai karôn sik kae. Ama kha, “A’nlaktak Mi inse, “Akahrat Pathen”, “Kumsôt Pa”, “Chamna Rengsapa,” a’nti sik kae.

ISAIAH 9:7

Areng ratha neina kakhang injôn sik; arengrama chamna ka-om ṭhak sik. Ama’n Reng David karōi kahlō inkhat a vai arôn sik, aratha neina kha ṭongdik leh ṭongtak chunga inhnga sik, tuna inphut pha inchai katlunga. Chunghnung Rōngpu’n hiseng hi tlo sik a amandon jo.

DANIEL 2:35

Khava phatak a thir, matlak, sum-êng, dangka khana sanahei kha kakōi heia khōlum pha saphōra akajōngsōt vuibō ka-ang jo heia kae. Khahei kha thli’n asêmsō jo hei, inkhatbek inhmu phâkmak jo hei. Tâk-kha hlung khachu tlângbung inkhat hong kachanga ralei pumpui ahongmakhu jo.

DANIEL 2:37

Reng Kalûr, nang hi reng rakip kâra akalenpen che kae. Marvân Pathen in reng kalenpen inkhat a asyem che khana ratha, tlotorna leh kajana apek che.

DANIEL 2:44

Khava renghei pha shunga marvân Pathen in ahei tik a a’nhmangmak sik rengram inkhat aphunsōt sik. Khavakha tûte’n hlō tor mak hei ning, khava khan rengramhei kha ankhenga asuk manhmang sik hei, khana ahei tik a ka-om ṭhak sik jo.

DANIEL 3:4

rasa inhnaktak inkhat ka-ônga ahri, “Phung leh jât rakip khana ṭong rakip a mihei!

DANIEL 4:3

“Pathen in amalârpek me ṭōn inlak-hei hi heituk a akalenhei mo! Ama tatlosōt ṭōn inlak-hei hi heituk a ratha kaneihei mo! Pathen in ahei tik a reng kae; ama’n pha rakip a vai arôn sik kae.

DANIEL 6:26

Karam shunga mi rakip in Daniel Pathen nantaṭit sik khana nantakaja sik kae tia ke’n ṭong kapek chei kae. “Ama kha akahring Pathen kae, khana ama’n aheitik a vai arôn sik. Ama rengram aheitik a inhmang mak ning, khana aratha neina aheitik a bângmak ning.

DANIEL 7:18

Khana Chunghnung Pathen sahe’n reng ratha neina kha anchen sik khana ahei tik a anta kachang sik.”

DANIEL 7:27

Raleichung rengram rakip hei ratha hratna leh lenna rakip Chunghnung Pathen mihei hneng a’npek sik kae. Anmani reng ratha neina kha bângtik neimak ning, khana raleichunga vaikarôn rakip in anrazen heia anṭong anjui sik.”

OBADIAH 1:21

Jerusalema re kahrâng he’n Edom anbuhlu sik khana anchunga vai arôn sik. Khana Rōngpu khet in Reng kachang sik.”

MICAH 4:7

Anmani anke katlek a ram kahlatak a ka-om jo hei, tâk dahlona ka-om hei kha leh hringkhōther manphutna kanei sik, khana anmani jât kalentak hongkachang sik hei. Zion Tlâng chunga ke’n anmani khava pha khana inphut ahei tik a sik vai karôn sik.”

MATTHEW 11:27

“Heirakip Kapa’n kei apek jo eng. Pa teilo tûte’n Sapa kha manhret mak, khana Sapa tei loa tûte’n Pa kha manhret mak, khana Sapa khan malârpek sik a akadei hei tei loa tûte’n Pa kha manhret mak.

MATTHEW 28:18

Jesu anhnenga kahonga ahri, “Marvân chung leh raleichunga ratha neina rakip anipek jo.

LUKE 1:33

khana ahei tik a Jacob sōnhei reng akachang sik kae, arengram kha inhmangtik omak ning.”

LUKE 10:22

“Ka-Pa’n heirakip apek jo eng: Pa teilo tûte’n Sapa kha manhret mak, khana Sapa leh Sapa’n ama inlârsōt sik a akadeisōt jo mihei tei loa tûte’n Pa kha manhret mak hei.”

JOHN 12:34

Mipui he’n anmasôn, “Nidân inchu Messiah kha ahei tik a akahring sik a ahri pek me. Kha achang inchu heikhong mo Mihring Sapa kha makheihlona aka-om nger sik kae nati tor? Khava mihring Sapa kha tu mo?”

JOHN 3:35

Pa khan asapa kha alungset, khana aratha neina thōia heirakip apek jo.

HEBREWHEI 12:28

Khava jâra eini’n a’nhling tor mak rengram kha nichen jo jâra inpâk rih. Pathen kha eini’n ṭittak leh kajatak a amalung nimantlaina sik kamuk me sona manpâk rih;

PETER INKHATNA 3:22

Ama marvâna kakea, Pathen changting ka-oma, ngeva rakip leh marvâna vaikarôn rakip khana ratha kanei seng chunga vai arôn jo.

ṬONGPHÔNG 1:6

khana a-Pathen leh a-Pa inzen sik a rengram thempuhei amanchang jo me. Jesu Christa kha are-rea ratha kahrat leh akalûr changṭhak rasoh! Amen.

ṬONGPHÔNG 11:15

Khava sōa ngeva 7 tlukna khan apengkun kha atuma, marvân chunga rasa inhnaktak kasōk a ajōng hri, “Vânhnōi raleichunga vairônna ratha kha tûnchu ni-Rōngpu leh ama Messiah ta kachang jo, ama’n are-rea vai arôn sik jo kae!”

ṬONGPHÔNG 17:14

Anmani’n Kemōngte kadōia re antlo sik; tâk Kemōngte leh abeksōt hei, akadei hei leh akataksena akajui he’n antor sik hei, ajârchu ama hi renghei Reng leh rōngpuhei Rōngpu kha kae.”

ṬONGPHÔNG 3:21

Torna kanei mi kha, tûn ke’n torna kaneia kapa len in-ongna hnenga ka’n-ong jo kapōa, ke’n kalen in-ongna hnenga a’n-ongna sik kapek sik.