DANIEL 7:11 - LEKHARABU INTHENG (BSI)

¹¹ Ke’n ka-enlai, raki kasin khan in-ortak a ṭong ahri kha katheia kae. Khanga ka-ena, sha manlina kha anthat jo, khana ataksa kha hmeishunga anhlon manhlut a amanhmang jo.

DANIEL 7:11 ပူးပေါင်းရင်းမြစ်များ

DANIEL 11:45

Ama’n tuipui leh Bek-inn omna tlâng ankâra reng pōn-inn kalen tatak heia’m amatung sik hei. Tâk-kha ama kabôm sik tûte omloa ama kathi sik jo.”

DANIEL 7:12

Sha ralak-hei kha anratha neina anlosōt pek jo hei, tâk pha chomkhat akahring sik a anleida hei.

DANIEL 7:8

Ke’n araki kha kakhulip a ka-en pha, raki hei kâra khan raki kasin inkhat hong kasōk a kae. Hivahin hma inkeia aleika-om raki 3 amathlek jo hei. Hiva raki hin mihring hmit anei khana in-ortak a ṭongkahri bei inkhat anei.

DANIEL 8:25

Ajârchu ama kha amalung ṭhamak, ama mihōnna hlam a khan hmesōna anei sik. Ama abinga inlensak sik khana gîkna pek loa mi katamtak amanhmang sik hei. Ama’n reng kalenpen katlunga a-inrepui sik, tâk mihring ratha neina hmang loa ama kha suk manhmang kachang sik a kae.

THESSALONIANHEI INHNINA 2:8

Khava sō leh Akaṭhamak Inkhat kha jōng inlâr sik, tâk Rōngpu Jesu ajōng pha leh abeia akahu vâng athat sik khana a-omna vâr kadi rik-rak vâng asuk manhmang sik jo.

PETER INHNINA 2:18

Anmani’n inlensaktak a invet ṭong anhri, hringkhō kadikmak a ka-om mihei kâra inphut ahei kasōklim hei kha anchânga man-ôkna sik taksa hur leh êmna anhmanga kae.

JUDE 1:16

Anmani aheitik a tlaithei loa kaṭong chōr-chōr heia mi anmaset; anbinga ṭhatmak maduna anjui; anbinga inlensak hei; inhri inṭha heia anhnemna sik a chu anbeisō anmanhōia kae.

ṬONGPHÔNG 18:8

Hiva jâra natse, malung inrim, khana ṭâm katla hin, ni khat rōk shunga amanu chunga akatlungpet sik kae. Amanu hmeia anrokhum sik jo, ajârchu amanu chunga ṭongkatan, Rōngpu Pathen kha, akahrat kae.”

ṬONGPHÔNG 19:20

Khava ranhring kha ahmai kunga ṭōntlo inlak katlo sânkathem inhlempa kha leh inṭhōia ansur heia kura ankhum jo hei. (Khava aṭōntlo inlak tlona vâng khan ama’n ranhring limsyem chîknabi kaneihei leh ranhring inmuk hei kha amathlem mathlâk heia kae.) Hmei kângna dîr shunga ranhring leh sânkathem inhlempa kha anhring pum a anhlon manhlut jo hei.

ṬONGPHÔNG 20:10

Khava pha mikahōn inthlapa, Diabol kha kât kakâng hmei dîr shunga anhlon manhlut jo, khava hmun a khan ranhring leh sânkathem inhlem hei khachu aleika-omsa jo hei kae; khana khan asûn-ajâna khōdengthei are-rea mande sik jo kae.

ṬONGPHÔNG 20:12

Khana akasin leh akalen in-ang et a akathihei kha len in-ongna hma akangir hei kahmu. Lekharabu hei anphon, khan chu hringna lekharabu ahlop inkhat um anphon. Lekharabu shunga ale’nzet kapōa, an-omchen leitlo dungjuia, akathihei kha ṭong anleitan.

ṬONGPHÔNG 20:4

Khava sōa len in-ongna hei leh achunga a’n-ong hei kha ṭong tanna sik ratha antapek hei kha kahmu. Khan nôk chu Jesu tamalârsōt ṭongdik leh Pathen ṭong jâra antathat hei rathla kha’m kahmua kae. Anmani’n ranhring limsyem kha leikamuk mak hei, khan chu achîkna kha’m anmachea achanga ankut chunga achanga mazet mak hei. Anmani’n kum 1,000 Christa leh reng kapōa vai antarônsap sik a hong kahringsōt hei.