DANIEL 6:26 - LEKHARABU INTHENG (BSI)

²⁶ Karam shunga mi rakip in Daniel Pathen nantaṭit sik khana nantakaja sik kae tia ke’n ṭong kapek chei kae. “Ama kha akahring Pathen kae, khana ama’n aheitik a vai arôn sik. Ama rengram aheitik a inhmang mak ning, khana aratha neina aheitik a bângmak ning.

DANIEL 6:26 ပူးပေါင်းရင်းမြစ်များ

EZRA 1:3

Ama mihei nankhenga Pathen in ompui chei rasoh. Nangni Jerusalema a’nle cheia Jerusalema antakamuk Pathen, Israel Pathen, Rōngpu Bek-inn kha nantasâk manther sik kae.

EZRA 7:21

“Marvân Pathen thempu leh Dân kathem Ezra ngekna rakip kha anpekbâtna sik a tlaitlâk Euphrates ramkeia sêr leh sum katinta rakip hei hneng ke’n ṭong pekna kanei jo hei,

HLAHEI 119:120

Nang jâra kei kaṭi eng; naṭongtan sik jâra ṭitna kasip eng.

HLAHEI 146:10

Rōngpu kha ahei tik a reng kae. O Zion, na-Pathen khan pha rakip a vai arôn sik kae. Rōngpu kha choi ka-ân ruh!

HLAHEI 2:11

Rōngpu kha ṭittak a razen ruh;

HLAHEI 29:10

Rōngpu’n tui inthûk chunga vai arôn; ama’n reng inkhat kapōa are-rea vai arôn.

HLAHEI 42:2

Akahring ṭhak Pathen, karangei ṭhak che; na-ângkunga kamukna sik heitik leh mo akahongtor sik eng?

ISAIAH 66:2

Ke’n vânhnōi ralei pumpui hi kasyem kae! A’nsinsak a malung insir hei khana ani kaṭit leh kaṭong kajuihei chunga kei kamalung katlai.

ISAIAH 9:7

Areng ratha neina kakhang injôn sik; arengrama chamna ka-om ṭhak sik. Ama’n Reng David karōi kahlō inkhat a vai arôn sik, aratha neina kha ṭongdik leh ṭongtak chunga inhnga sik, tuna inphut pha inchai katlunga. Chunghnung Rōngpu’n hiseng hi tlo sik a amandon jo.

JEREMIAH 10:10

Tâk-kha Rōngpu nang chu akadiktak Pathen che kae, akahring Pathen che kae, kumleikōa reng che kae. Nang nahnuk anat pha, raleichung hi innok; jât he’n nahnuknat kha detor mak hei. (

DANIEL 2:44

Khava renghei pha shunga marvân Pathen in ahei tik a a’nhmangmak sik rengram inkhat aphunsōt sik. Khavakha tûte’n hlō tor mak hei ning, khava khan rengramhei kha ankhenga asuk manhmang sik hei, khana ahei tik a ka-om ṭhak sik jo.

DANIEL 3:29

“Khana tûnchu ke’n ṭong pekna kanei kae, tu jât, phung, ṭong achang inum Shadrach, Meshach, Abednego hei Pathen kajaloa ṭongkahri mi kha akut, ake dorthlek sik, khana a-inn suk manhmanga da sik kae. Hiva kapōa akahuksōt tor pathen lak om mak.”

DANIEL 4:3

“Pathen in amalârpek me ṭōn inlak-hei hi heituk a akalenhei mo! Ama tatlosōt ṭōn inlak-hei hi heituk a ratha kaneihei mo! Pathen in ahei tik a reng kae; ama’n pha rakip a vai arôn sik kae.

DANIEL 4:34

Rengpa khan ati, “Kum 7 a’nchaisō leh chungting bōirōk ka-en, khana kamalung hong kavâr jo. Ke’n Chunghnung Pathen kha kachoi ka-ân khana ahei tik a akahring ṭhak ama hneng kajana leh lûrna kapek a kae. “Ama’n aheitik a vai arôn sik, khana arengram phat rakip a ka-om ṭhak sik a kae.

DANIEL 6:20

Ama’n khava hmun atlung pha, malung inrimtak a a-ôn, “Akahring ṭhak Pathen sōk Daniel! Khang hrep a kajatak a narazen na-Pathen in shabakkai heia inphut ahuksōt tornâk che mo?”

DANIEL 7:14

Ama kha phung leh jât ṭong rakip in anrazenna sik ama kha ratha neina, kajana khana reng ratha kha anpek jo. Ama ratha neina kha ahei tik a ka-om sik, khana arengram ahei tik a bângmak ning.

DANIEL 7:27

Raleichung rengram rakip hei ratha hratna leh lenna rakip Chunghnung Pathen mihei hneng a’npek sik kae. Anmani reng ratha neina kha bângtik neimak ning, khana raleichunga vaikarôn rakip in anrazen heia anṭong anjui sik.”

HOSEA 1:10

Israel mihei kha tui-ôngpui nêrdi kapō hongkachang sik hei, tei torlo leh tetor mak hongkachang sik hei. Tûnhin Pathen in anhnenga, “Nangni kami changmak chei,” ati, tâk-kha anhnenga, “Nangni akahring Pathen sa chei kae,” atina pha kha lakahong sik!

MALACHI 3:6

“Kei Rōngpu eng kae, khana kei inthlengtik neimak eng. Khava jâra nangni Jacob sōn leh pârhei ala’nhmangsō mak chei kae.

MATTHEW 6:13

Mathlemna aṭhōimak roh, tâk-kha Akaṭhamak Inkhat a inphut ahuksōt roh. Ajârchu rengram, rathahrat, khana lûrna ahei tik a nata kae. Amen.’

LUKE 1:33

khana ahei tik a Jacob sōnhei reng akachang sik kae, arengram kha inhmangtik omak ning.”

LUKE 12:5

Tu mo ṭit sik kha manhmu chei rong: taksa athatsōa, rathla kha hmeikhura hlon manhlutna ratha kanei, Pathen kha ṭit ruh. Ataksen ruh, nantaṭit sik kha ama kha kae!

ṬŌNTLOHEI 17:25

Ama sik tlopekna leh pekna ninei sik heite ama’n rangei mak, ajârchu mi rakip sik a hringna leh kaphuk sânna khana heirakip kapek kha ama kae.

ROMANHEI 9:26

‘Nangni kami changmak chei,’ tia ahrina hmuntak a khan, anmani akahring ṭhak Pathen sahei a’nti sik hei kae.”

DÂNRABU INHNINA 5:26

Mihring tu inkhat in hmei kâra inphut akahring Pathen ṭonghri atheisōa kahringa aka-om nâk jo mo?

THESSALONIANHEI INKHATNA 1:9

Hiva mi rakip hei hin heikhonga mo keini nanta rahlâng ung, nanhnenga kanhonglai akadik leh akahring ṭhak Pathen Sapa razenna sik a heikhonga mo limsyemhei nantahong dahlon,

HEBREWHEI 12:29

ajârchu ni-Pathen kha roman hmangna hmei malekhet kha kae.

JAMES 1:17

Kutchoi kaṭha rakip leh kutchoi pui katluk rakip marvâna inphut kae; khavakha marvâna vârhei kasyem, inthlengtik kaneimak khana ahmai amahea inthim insōmak, Pathena inphut kae.

ṬONGPHÔNG 11:15

Khava sōa ngeva 7 tlukna khan apengkun kha atuma, marvân chunga rasa inhnaktak kasōk a ajōng hri, “Vânhnōi raleichunga vairônna ratha kha tûnchu ni-Rōngpu leh ama Messiah ta kachang jo, ama’n are-rea vai arôn sik jo kae!”

ṬONGPHÔNG 4:10

upa 24 hei kha’n, kumleikōa akahring ṭhak, len in-ongna chunga a’n-ongpa hmaikunga inkun heia ankamuk a kae. Len in-ongna hma khan anlen lukhuhei anhlik mathlâk a,

ṬONGPHÔNG 5:14

Ranhring 4 hei kha’n anmasôna, “Amen!” anti. Khana upahei kha inkun heia anleikamuk jo.

SAMUEL INKHATNA 17:26

David in ahnenga ka-om mihei hneng ader hei, “Hiva Philisti kathat leh hiva inzakna inphut Israelhei insōsōt mipa khan heimo achen sik? Hei-hei chang rasoh, akahring Pathen remihei in-erpui khōvel Philisti hi tu mo kae?”

SAMUEL INKHATNA 17:36

Ke’n shabakkai leh kavom kathat hei, khava kapōa hiva akahring Pathen remihei in-erpui Philisti hnenga hin katlo sik.