DANIEL 6:20 - LEKHARABU INTHENG (BSI)

²⁰ Ama’n khava hmun atlung pha, malung inrimtak a a-ôn, “Akahring ṭhak Pathen sōk Daniel! Khang hrep a kajatak a narazen na-Pathen in shabakkai heia inphut ahuksōt tornâk che mo?”

DANIEL 6:20 ပူးပေါင်းရင်းမြစ်များ

A’NPHUTNA 18:14

Rōngpu sik a a’ntak heimo aka-om? Ke’n kahri kapōa khan tuna inphut thla 9 tlukna kei hong inle sik eng khana Sarah’n sapase inkhat amatet sik kae,” ati.

THUHMINGHEI INKHATNA 16:11

Inthōpuina sik a Rōngpu hneng se ruh, khana injônjet a ama kamuk ruh.

HLAHEI 119:112

Kathimak lai seng navairônna hei kha jui sik a intluk jo eng.

HLAHEI 146:2

Kahring lai seng ama kha kachoi ka-ân sik; kahring shunga ka-Pathen hla kha kasak sik.

HLAHEI 73:23

Achang ravâng nahnenga kahnaia ka-om ṭhak eng. Khana nakut vâng namatu ṭhak eng.

JEREMIAH 32:17

“Chunghnung, Rōngpu, naratha neina leh nahratna vâng ralei leh marvân nasyem hei; nang sik a heite a’ntak om mak.

DANIEL 3:15

Tûnchu, nangni’n pengkun, bunglir, ṭingṭang, sitar, serângdâr khana aralak inhring rasa nanthei pha, inkun inna limsyem hi kamuk ruh. Nankamuk mak inchu, nangni inranga hmeipun shunga hlon mathlak sik chei kae. Nankahuk inhringtor pathen lak ka-om tia nantamandon mo?”

DANIEL 3:17

Kantarajen Pathen in keini hmeipun a inphut khana naratha neina inphut anihuk tor ung inchu, ama’n ajōng tlo sik.

DANIEL 6:16

Khava jâra rengpa’n Daniel surna sik a ṭong amasōa shabakkai kasip rōng shunga anhlon manhlut jo. Ama’n Daniel hneng ati, “Nang in kajatak a narazen Pathen in huksōt che rasoh.”

DANIEL 6:19

Jîngkâr hmatak a rengpa kathōia, khurting inranga leikase.

DANIEL 6:26

Karam shunga mi rakip in Daniel Pathen nantaṭit sik khana nantakaja sik kae tia ke’n ṭong kapek chei kae. “Ama kha akahring Pathen kae, khana ama’n aheitik a vai arôn sik. Ama rengram aheitik a inhmang mak ning, khana aratha neina aheitik a bângmak ning.

DANIEL 6:27

Ama’n ahuksōt khana asansōt; Ama’n marvân leh raleichunga ṭōn inralak leh det-hla ka-om atlo. Ama’n shabakkai he’n antatha sik Daniel kha ahuksōt.”

HOSEA 12:6

Khava jâra tûnchu, Jacob sōn leh pârhei, nan-Pathen kha taksen ruh, ahnenga hong inle ruh. Ama jui ruh, kadik a om ruh, nan-Pathen ṭōn tlo sik kha dehrattak a hngâk ruh.

MIJAHEI 11:23

Rōngpu’n amasôn, “Karatha neina hi, abângna aka-om mo? Ke’n heimo kaleihri kha asōk leh asōk mak nahmu bei sik jo.”

LUKE 1:37

Ajârchu Pathen tatlohla heite om mak.”

LUKE 18:1

Khava sōa anmani’n malung tlâklo hêra ahei tik a anderna sik Jesu’n hiva ṭong tekâk hi amanthei heia kae.

ṬŌNTLOHEI 6:4

Khang’khan keini’nchu derna leh Pathen ṭong phôngsōtna pui katluktak a kanphât hei hi pek sōt jo rung,” anleiti.

ROMANHEI 2:7

Mi ṭhahrep in ṭōn kaṭha antlo manjōm ṭhak a, lûrna, kajana khana thitik kaneimak hringkhō kha anjong; anmani hneng Pathen in kumsôt hringna apek sik hei.

CORINTHIANHEI INHNINA 1:10

Khang khava ṭit ka-om tak thina inphut aleihuk ung, khan chu alahuk nôk sik ung tia achunga inhōrna kannei.

COLOSSIANHEI 4:2

Derna pōn thō ruh, Pathen manpâk una nander pha leh insing thei ruh.

TIMOTHY INHNINA 1:12

khava sik jâra ke’n khōdeng kathei kae. Tâk-kha tûn katlung kei inngamna kanei, ajârchu ke’n kataksen ama kha kamanhret, khana ama’n kei amannganna eng Kani kha ajōng tlung mak kârseng ama’n kei ahuk tor eng ti hi kamanhret manchên.

HEBREWHEI 7:25

Khana ama’n tûnum ahei tik a’m ama inphut Pathen hneng akahong hei sik a hukmanhringna atlo tor, ajârchu anmani sik Pathen hneng akader sik a ahei tik a kahring ṭhak a kae.

JAMES 1:25

Tâk-kha mihring ning leh hnōma a’nsō puikatluk dân chunga malung akahlut ṭhak hei, môk a anrangei leh antamahngi bât changlo, tâk ṭōn vâng akatlosōt hei kha, anṭōn tlona chunga Pathen in vângṭhat apek sik hei.

JUDE 1:24

Nangni nan-inpai inthlûk makna akatlo tor leh ṭhena neimakna leh alûrna ângshunga inpâkna anikapek tor,