DANIEL 6:16 - LEKHARABU INTHENG (BSI)

¹⁶ Khava jâra rengpa’n Daniel surna sik a ṭong amasōa shabakkai kasip rōng shunga anhlon manhlut jo. Ama’n Daniel hneng ati, “Nang in kajatak a narazen Pathen in huksōt che rasoh.”

DANIEL 6:16 ပူးပေါင်းရင်းမြစ်များ

SAMUEL INHNINA 3:39

Pathen takadeisōt reng kachangjen ravâng, tuning chu kamalung katlasam hêr jo eng. Hiva Zeruiah sapahei hi, kei hnenga chu innâk-inse induhêr hei kae. Rōngpu’n hiva ṭhena kaneihei hi anrahōi kasōk hrep a karâk hei rasoh!”

JOB LEKHARABU 5:19

Apha-pha a inhmangna inphut ahuk sik che;

ṬONGCHÎK-HEI 29:25

Mihe’n nang chunga heimo antamandon tia ensui ṭhak sik hi insuk-inpaina kae, tâk Rōngpu nataksen inchu, inhuk sik che.

ISAIAH 41:10

Nangni ṭimak ruh – ke’n ka-ompui chei! Kei nan-Pathen eng kae — heite inkhatbek in maṭhitmak chei rasoh! Ke’n ka’nṭangpui sik chei khana kamanhrat sik chei; Ke’n kahrung sik chei khana kahuk sik chei.

ISAIAH 43:2

Nang in tui inthûk napetan pha, ke’n ka-ompui sik che; nang inrimna khan tor mak tin. Nang in hmeishunga narakan pha, akâng mak tin; akahong sik enmansinna inhnak-hei khan manset tor mak tin.

JEREMIAH 26:14

Kei sik a chu, nanratha neina shunga ka-om eng! Nangni’n kadik, kaṭha tia nantamandon kha heitlo ruh.

JEREMIAH 38:5

Reng Zedekiah’n amasôn hei, “kaṭha hêr jo, khan chu, nangni’n ama heimo nantamanlo hnōm, manlo ruh, ke’n kha’m theimak chei ning.”

JEREMIAH 38:6

Khava jâra anmani’n anṭhōi enga rengsapa Malchiah tuikhur inkhat, reng-innpui sumpuk a aka-oma khan hrui vâng anmakhei mathlâk jo eng. Khana khan tui om mak, tâk bōnthlōk rōk kae, ashunga khan kahlut jo eng.

JEREMIAH 39:17

Tâk-kha nang chu, Rōngpu ke’n kahrung sik che khana nang in naṭit mihei hnenga pek sōt mak che ning.

DANIEL 3:15

Tûnchu, nangni’n pengkun, bunglir, ṭingṭang, sitar, serângdâr khana aralak inhring rasa nanthei pha, inkun inna limsyem hi kamuk ruh. Nankamuk mak inchu, nangni inranga hmeipun shunga hlon mathlak sik chei kae. Nankahuk inhringtor pathen lak ka-om tia nantamandon mo?”

DANIEL 3:17

Kantarajen Pathen in keini hmeipun a inphut khana naratha neina inphut anihuk tor ung inchu, ama’n ajōng tlo sik.

DANIEL 3:28

Rengpa’n ahri, “Shadrach, Meshach, khana Abednego hei Pathen manpâk ruh! Ama’n angeva ajōng tira ama inzen leh akataksen mihei hi ahuksōt hei kae. Anmani’n kaṭong pek juimak hei khana an-Pathen tei loa pathen ralak hneng inkuna kamuk sik kanek a anhringkhō inrimna jôk kha anthōk.

DANIEL 6:20

Ama’n khava hmun atlung pha, malung inrimtak a a-ôn, “Akahring ṭhak Pathen sōk Daniel! Khang hrep a kajatak a narazen na-Pathen in shabakkai heia inphut ahuksōt tornâk che mo?”

DANIEL 6:7

Naram shung aka-en lele keini kankhenga–mi ka-ensui, vaikarôn, vaikarôn ṭhōidet hei, khana alak ṭōnkarôn rakip in rengpa nang in ṭongpek inkhat namasō sik a inhnōmtō ung. Kani 30 shunga Reng Kalûr nang tei loa tûte inkhat in pathen leh mihring inkhat hnenga derna neithei mak ning tia ṭong inkhat masō roh. Tu inkhat in hiva ṭong kajuimak mi kha shabakkai kasip rōng shunga hlon manhlut sik kae.

ṬŌNTLOHEI 24:27

Kum 2 athlengsō pha Felix kha Porcius Festus in ram vaikarôn inkhat a ajōng thleng jo. Felix khan Jehudihei malung tlaina ajong jâra Paul kha kurkhum shunga akhuma aleidahlon joa kae.

ṬŌNTLOHEI 25:11

Ke’n dân kha kasuk khōia, khana thina karâkna kachen sik rahōi heimo khat tloṭhena kanei jo achang inchu, inphesōtna sik dermak eng. Tâk-kha kachunga maherna antapek hei hi ṭongtak achangmak inchu ankut chunga tûte’n apek sōt tor mak ning. Ke’n Rengkalen Caesar hneng thangkōina kanei jo.”

ṬŌNTLOHEI 25:9

Tâk-kha Festus khan Jehudihei malung tlaina sik ajong jâra Paul hneng ader, “Jerusalema sea sova hmun a kei ângkunga hiva maherna hei che hi ṭong tan sik akahnōm che mo?”

ROMANHEI 13:3

Ajârchu vaikarônhei kha, ṭōn kaṭha katlohei taṭit sik changmak, tâk ṭōnse katlohei taṭit sik hei kae. Ratha kanei mi kha ṭitmak sik namadu mo? Ṭōn kaṭha kha tlo roh, khan chu ama’n amanpâk sik che,

CORINTHIANHEI INHNINA 1:10

Khang khava ṭit ka-om tak thina inphut aleihuk ung, khan chu alahuk nôk sik ung tia achunga inhōrna kannei.