DANIEL 6:10 - LEKHARABU INTHENG (BSI)

¹⁰ Daniel in ṭongpek kha rengpa’n sôi atlo jo ti athei pha, ama a-inna kase jo. A-inn chungden a Jerusalem kahnget a thlikot ka-om hei. Khana khan, aleitlo phung kapōa, thlikot-hei inhlangna ting khan inkuna Pathen hneng ni khat a vōi 3 sasâm aleider.

DANIEL 6:10 ပူးပေါင်းရင်းမြစ်များ

RENGHEI INKHATNA 8:30

Kei derna leh namipui he’n hiva hmun langting anhnget a ander pha athei pek roh. Marvâna na-inna inphut athei pek ina arangei mandam roh.

RENGHEI INKHATNA 8:38

anderna che kha rangei pek hei roh. Israel mipuihei kâra tu mo inkhat in, malung kachâmtak a ankut anzera hiva Bek-innting derna annei inchu,

RENGHEI INKHATNA 8:44

“Anmani inrepuihei kadōia re katuk sik a nang in namihei ṭong napek hei pha, anmani omna hmun a khan ander chea, hiva nakadeisōt khōpuiting leh nang sik a kasaksōt Bek-inn hi anhei hnget pha,

RENGHEI INKHATNA 8:54

Solomon in Rōngpu hnenga aderna achaisōa, amarkhup athlep a akut akalângna maichâm hma khan kangirsōt jo.

THUHMINGHEI INHNINA 6:13

Solomon in sum-êng vânga hmun inshâng inkhat aleisyem khavakha tetlâng laia amatung. Khavakha adung avai in-angtling metre 2.2 et kae, khana metre 1.3 inshâng. Hiva hmun inshânga hin amatunga, mi rakip hmit hmun a amarkhup athlep a, marvânting akut akalânga kae.)

THUHMINGHEI INHNINA 6:38

Khava ram a khan kadiktak leh malung inthengtak a anmalung anthleng inchu, khana hiva kanpu sōnhei hneng naleipek ram hi, nang in nakadeisōt khōpui hi, khana ke’n kasak pek che Bek-inn hi anhei hnget a anheider che’nchu,

EZRA 9:5

Khōhleia inthoi-insân pha ahong tlung pha, kachâmtak a kalei omna inphut heikathōi eng, a’nhler pōn leh der kalasi ṭhak a, kamarkhup kathlep a, Rōngpu ka-Pathen hneng kakut kakalânga kaleidera kae.

NEHEMIAH 6:11

Ke’n kalei masôn, “Kei chu akatlân leh a’nthup sik mi kha changmak eng. Kahringkhō hukna sik a Bek-inna a’nthup sik a namandon eng mo? Tlomak ning.”

HLAHEI 34:1

Rōngpu kha ahei tik a kamanpâk ṭhak sik; ama choi ka-ânna bâng hêrmak ning.

HLAHEI 5:7

Tâk-kha nalungsetna eng alen jâra na-inn shunga hongkahlut tor eng; nabek-inn intheng shunga kakamuk thei che; khana kajatak a nahnenga inkun enga kakamuk thei che.

HLAHEI 55:17

Jîngkâr, sûnṭim, khana jân a ka’nphinna leh ka’nkōina kha ahnenga katlung, khana karasa athei pek sik eng.

HLAHEI 86:3

Nang ka-Pathen che kae, khava jâra alungset roh; nahnenga sûn nilun kader che.

HLAHEI 95:6

Hong ruh, eini inkun me sona kamuk rih; ani kasyem, Rōngpu hmaikunga nimarkhup thlep rih.

DANIEL 6:13

Khava sōa anmani’n rengpa hneng anhri, “Judah a inphut rehring sur hei kâra Daniel in Reng Kalûr nang kajana aneimak khana nang ṭong masō kha juimak. Ama’n ni khat a vōi 3 sasâm derna aneia kae.”

DANIEL 9:4

Ke’n ka-Rōngpu Pathen hnenga kader khana kamihei setna kalei hrisōt a kae. Ke’n kati, “Rōngpu Pathen, nang kalen che khana keini’n kankaja che. Nang naṭongtep chunga taksenthei kachang che, khana nang inlungset mihei chunga bângtik neilo lungsetna namalâr khana naṭongpek kha natlosōt a kae.

JONAH 2:4

Nahmai kunga inphut nahnong sōt jo eng khana nakamukna Bek-inn kha hmu nôk mak jo ning tia kaleimandon.

MARK 3:3

Jesu’n mipa hneng khan, “Hiva hmatinga hin heihong roh,” ati.

LUKE 14:26

“Tu enum kahnenga hongrong kati mi khan, anu-apa, anuhmei asa, a-u anai khana abinga ahringkhō hnung kasung achangmak inchu kasonle chang tor mak ning.

LUKE 22:41

Khava pha anmania inphut hlung indeng phâknahrep a ama kasea amarkhup athlep a ader jo.

ṬŌNTLOHEI 10:9

Ajîng kania khanga anselai Joppa lang anhnai jo, sûnṭim radona Peter kha derna kanei sik a innphu chunga leikake.

ṬŌNTLOHEI 2:15

Tûn hi jîngkâr pungkō hrep lakae; nangni tamandon kapōa, hiva mihei hi ju inrui changmak hei.

ṬŌNTLOHEI 20:24

Tâk-kha ke’nchu kahringkhō hi kei sik a chu heite kahnemmak inkhat a kamandon jo; kahlam hro hi pui mathluk sik khana Pathen maritna chunga ṭong kaṭha phôngsōtna sik Rōngpu Jesu tapek eng ṭōn hi chaihlon sik rōk hi kamadu jo.

ṬŌNTLOHEI 20:36

Paul in ahrisō pha, anmarkhup anthlep a derna anleinei jo.

ṬŌNTLOHEI 21:5

Tâk-kha anmani leh kanphât hmang a’nchai jo pha kandahlon heia kanhma kansong jo. Annuhmei ansahei leh ankhenga khōpuia inphut tui-ôngpui pang katlung anijui unga khava hmun a khan kanmarkhup kanthlep a derna kannei.

ṬŌNTLOHEI 3:1

Ni khat derna pha chohnung pung 3 a, Peter leh John Bek-inna leikase hei.

ṬŌNTLOHEI 4:29

Tûnhin Rōngpu, keini anmaṭhitna ung hi amanhret pek roh, khana nasōk keini’n naṭong hi kangamtak a kanhri torna sik ahnōm pek roh.

ṬŌNTLOHEI 5:20

“Nangni se una Bek-inna vangir ruh, khana hringkhōther chungchânga mipuihei vahri pek hei ruh.”

ṬŌNTLOHEI 5:29

“Mihring ṭong changloa Pathen ṭong jôk kantajui nger sik kasōk” tia Peter leh sonlelak he’n anmasôn hei.

ṬŌNTLOHEI 7:60

Amarkhup athlep a rasa inhnaktak a ka-ônga, “O Rōngpu! hiva setna hi anchunga mathlung pek mak hei roh!” atia leikathi jo.

ṬŌNTLOHEI 9:40

Peter in innden shunga inphut ankhenga aleitirsōt hei, khana amarkhup athlep a derna aleinei; khava sōa akalōng langting khan inheia, “Tabitha, thōi roh!” ati. Ahmit ahei mahlânga, Peter kha ahmu pha, hong in-ong jo.

EPHESIANHEI 3:14

Khava jâra ke’n Pa ângshunga kamarkhup kathlep a a’nkun eng kae,

PHILIPPIANHEI 1:14

Kei kurkhum a ka-om hin sōpui akatam lang Pathena inngam chetna amannei heia ṭitna neiloa pha rakip a ṭong hrilena anneia kae.

PHILIPPIANHEI 1:20

Kathi’num kahring inum, kahringkhōa inphut hin Christa kha kajana achang theina sik kalungria kamadu leh ka’nhōrna kha hi kae, khachu, kaṭōntlo hi kabânsam mak sik, pha rakip a, tûnlaitak hin, inngamna kasip phet kanei sik hi kamadua kae.

PHILIPPIANHEI 4:6

Heite inkhat chunga malung inrimna neimak ruh, tâk nanderna rakip a manpâkna malung leh inṭhōia nanta madu rangei kha derṭhak ruh.

COLOSSIANHEI 3:17

Heirakip nanta hri leh nantatlo kha, ama inphut Pa Pathen kha manpâkna, Rōngpu Jesu rahminga nantatlo sik kae.

HEBREWHEI 13:15

Khava jâra eini’n Jesua ni’nthoina kapōa, nibei vânga ama hi Rōngpu kae tia phôngsōtna, achoi ka-ânna kha Pathen hneng tōkthak rih.

HEBREWHEI 4:16

Khava jâra malung ngamna nei rih khana maritna omna Pathen len in-ongna ting jōn rih. Khava hmun a khan ani’nthōpui sik maritna leh lum lona nirangei phatak leh nihmu sik jo.

ṬONGPHÔNG 2:10

Khōdeng nathei sik kha heite ṭitmak roh. Rangei roh! Seitan in nang enmansinna sik nankâra mi ṭhahrep hlungkura akhum sik chei, ni 10 katlunga nanmalung inrim sik. Thina katlunga taksenthei chang roh, ke’n hringna kha torna inpâkmana kapek sik che.

ṬONGPHÔNG 2:13

Na-omna hmun kha Seitan len in-ongna hmun achang kha ke’n kamanhret. Taksen ka-om tak kasâkhi kachang Antipas kha, anleithat katlunga nataksenna eng nang in masō mak chea kei sik a akadik kachang che.