DANIEL 5:7 - LEKHARABU INTHENG (BSI)

⁷ Hmitphedôi kachoi, inralak katlo, ârsi lekha kathemhei vaṭhōina sik a ka-ônga mi abek jo hei. Anmani anhong pha, rengpa’n anhnenga ati, “Hiva kutsun hi akateisōt tor khana heitina mo akahrisōt tor mi kha ahrak a sana maṭhi man-or sik khana rengram shunga ratha kanei 3 tlukna kachang sik.”

DANIEL 5:7 ပူးပေါင်းရင်းမြစ်များ

A’NPHUTNA 41:8

Jîngkâra chu amalung le’nrim jo, khava jâra Egypt a ka-om hmitphedôi kathemhei leh akathem akasinghei abek jo hei. Anhnenga arahmang ahri pek hei tâk tûte inkhat in arahmang kha malesōt pek tor mak hei.

ESTHER 3:1

Pha bongkhat kahnunga Reng Xerxes in arahming Haman inti pase inkhat vaikarôn akalenpen ṭōnhmun a amanke jo; Haman kha Agag sōn leh pâr khana Hammedatha sapa kae.

SŌKSŌT 7:11

Khava pha rengpa’n ami kasinghei leh hmitphedôi kathemhei kha abek heia andôi vâng in-anghrep a anleitlosōt jo.

ṬONGCHÎK-HEI 1:9

Lukôm kaṭha na’nkôm leh maṭhi na’n-or pha nahme akaṭhadet kapōa, anmani mantheina hei che khan na-omchen anmanṭhatdet pek sik che.

HLAHEI HLA 1:10

Nakabeng heia nasam kakai kha kaṭha hêr khana nahrak a rangkachek maṭhi hrui kapōa jōng inkhei.

ISAIAH 47:13

Nang in mansena nahmu inum ratha neimak che. Na-ârsi lekha kathemhei hong hei sona ahuk hei rasoh, khava ârsi lekha katei hei khan, marvânhei aṭhen aṭhen a kasemṭhen hei khan, nahnenga heimo ahong kasōk sik tia thla kataia nang hneng ṭong thangkakōi hei kha.

JEREMIAH 50:35

Rōngpu’n ahri, “Babylon sik a thina! Amihei sik a, avaikarônhei sik a, akasing amipuihei sik a thina kae.

EZEKIEL 16:11

Natak chunga sana kamannei che, nakut a zakser leh har, nahrak a maṭhi,

DANIEL 1:20

Rengpa’n ṭong ader rakip, a-emak leh ṭong kakhôk aheikeisō rakip, ama rengram pumpuia ṭong kasânhei leh dôi leh ai kathemhei kanek a hiva mi 4 hei hin aṭhen sôm kakhea anmanhret det a kae.

DANIEL 1:4

Anmani kha anhme akaṭha sik, akasing sik hei, kaṭhadek a inchuna kanei, inranga inhret tor, khana taksa nōrna kase, hei kha reng innshunga razenna annei torna sik a kadei sik hei kae.

DANIEL 2:2

khava jâra ama’n rahmang kha akahri inchên sik a kutje ka-en hei, dôi kathemhei, inralak katlohei kha aleibek hei. Anmani anhong leh rengpa hmaikunga anngir pha,

DANIEL 2:27

Daniel in amasôn, “Reng Kalûr, khava intheitor ṭōn inralak katlohei, dôi kathemhei, tla kasânhei, a-emak leh ârsi lekha kathemhei om mak hei.

DANIEL 2:48

Khana inphut Rengpa’n Daniel kha sehmang-pachong hmun kalentak apek jo, kutchoi kalûr katamtak aleipek, Babylon ramṭhen ka-ensuia ada jo, khana reng innshunga mansena kapeklele hei anlu kachinga ada jo.

DANIEL 2:6

Tâk-kha rahmang kha nanhritora nanmaletor pek eng inchu, kutchoi leh kajana kalentak kapek sik chei. Khava jâra, rahmang kha heimo khana heitina mo ahri pek ruh.”

DANIEL 4:14

Ama’n rasa inhnaktak a ahri, “Thingkung kha phûr ruh, abâk-hei kha tuktan ruh; abōhei kha vōkmaṭhi hei ruh khana akara kha vor kathek hei ruh. Athōia aka-om shahei kha hnongsōt hei ruh khana abâk a vahei kha hnongsōt hei ruh.

DANIEL 5:11

A’ntheng pathenhei rathla ashunga ka-om mi inkhat narengram shunga ka-om. Napa’n reng aleichanglai, hiva mipa hin lungthim ṭhatna, themna khana pathenhei kapōa singna amalâra kae. Khana napa Reng Nebuchadnezzar in ama kha hnungṭong kasânhei, dôi kachoihei, a’nralak katlohei, khana ârsi lekha kathemhei anlu kaching aleimanchanga kae.

DANIEL 5:15

Hiva a’nzet hi akatei sik leh heimo atina ani inlesōtpek sik a mi inse hei leh dôi kachoihei kha anheiṭhōi hei, tâk anmani’n hivahi heitina mo hmusōt tor mak hei.

DANIEL 5:16

Tûn nang in a’nthup kha heitina mo nahmu sōt tor khana a’n-ip kha nahri manchên tor ti hi kathei jo. Nang in hiva kutsun hi nateitora atina kha nahri pek eng inchu, rengpōn mansi sik che, nahrak a sana maṭhi man-or sik che, khana rengram shunga 3 tlukna ratha kanei akachang sik che kae.”

DANIEL 5:29

Inrangtak a Belshazzar in Daniel kha rengpōn kasen mansina sik leh ahrak a sana maṭhi man-orna sik a asōk-hei hneng ṭong apek jo hei. Khana ama’n Daniel kha rengram shunga 3 tlukna ratha kanei amanchang jo.

MIJAHEI 22:17

Hlōman katamtak kapek sik che khana nati rakip katlo pek sik che. Lungsettak a hong ina hiva mihei hi kei sik a vahâksêr hei roh.”

MIJAHEI 22:7

Khava jâra Moab leh Midian hlamkakei he’n hâksêrna man pek sik kha anchoia Balaam hneng kase heia Balak ṭong manrôn kha anhri pek jo.

MIJAHEI 24:11

Tûnchu innting inle jo roh! Hlōman pek sik chea le’ntep eng, tâk hlōman nahmu sik kha Rōngpu’n hnōm mak jo.”

SAMUEL INKHATNA 17:25

Anmani khat leh khat inbek heia, “Ama so enruh! Ama chōina me so rangei ruh! Ama kathat hnenga Reng Saul in inpâkman kalentak apek sik a intep jo; khana rengpa’n ahnenga asanu a-ompui sik a apeksa sik khana apahei innshung in ramsêrṭhei antapek sik rangei mak jo,” anti.