DANIEL 5:4 - LEKHARABU INTHENG (BSI)

⁴ khana sana, dangka, sum-êng, thir, thing khan chu hlung vânga a’nsyem pathenhei kha anleichoi ka-ân heia kae.

DANIEL 5:4 ပူးပေါင်းရင်းမြစ်များ

RENGHEI INKHATNA 1:49

Adonijah hmelâk-hei kha kaṭi jo hei, kangirsōt heia kase jo hei, anhlam et a inṭhen jo hei.

ISAIAH 42:17

Limsyem kataksenhei kha, limhei kha an-pathen tia akabek hei kha, suk manhnem sik hei leh manzak sik hei kae.”

ISAIAH 42:8

“Kei rōk hi Rōngpu nan-Pathen eng kae. Alak pathen in kalûrna hi achenpui theimak ning; kei choi ka-ânna kha limsyemhei chenpui mak ning.

DANIEL 1:8

Daniel chu reng inna ju leh thlai ina beklanga ataksa mannim mak sik a leikangir jo, khava jâra ama’n Ashpenaz hneng inthōpuina aleider,

DANIEL 4:37

“Khana tûnchu, Nebuchadnezzar ke’n marvân Pathen kha choi ka-ânna, kajana khana lûrna kapek jo. Atlo rakip kha akadik leh akaṭha rōk kae, khana inlensaktak a akatlohei kha thōi amathlaktor heia kae.”

DANIEL 5:23

Marvân Rōngpu kadōia ṭōn natloa a-Bek-inna inphut kōkleihei kha nahei choi manhlut heia kae. Nang in nami kalen leh kahrânghei, nanuhmeihei, khana nanuhmei manbohei leh hiva kōkleihei vânga hin ju nan-inna, nang in khava pathen akahmu tor mak, akathei tor mak, khana heite inhret mak sana, dangka, sum-êng, thir, thing leh hlung vânga a’nsyem pathen kha nanmanpâk a kae. Tâk-kha nang natlona rakip ka-ensui, nathina leh nahringna katinta Pathen kha kajamak che.

DANIEL 5:3

Inrangtak a sana kōkleihei kha anheichoi manhlut jo hei, khana anmani ankhenga sana kōklei vâng khan ju anlei in jo

DANIEL 5:5

Manhret phâkloa mihring kut inkhat hong inlâra thaihmei kavârtak a andetna reng inna vai inteina banga khan mazet aphut jo. Khana kut khan amazet lai rengpa khan aleihmu.

AMOS 6:7

Khava jâra hmatak a rehring sura akase sik kha nangni chei kae. Nanrevei sâktlâng kabâng sik jo.

HABAKKUK 2:19

Nangni inhmang jo chei! Nangni’n thinghar inkhat hneng nanhri, “Thōi jo roh!” achangmak leh hlungtlang inkhat hnenga nanhri, “Thōi jo roh!” Kut a limsyem in nangni heimo amanthei tor sik chei? Sana leh dangka vâng ankatōm tlit thei, tâk akahring rathla kha neimak.

ṬŌNTLOHEI 17:29

Eini hi Pathen sa nichang jâra, ama ara-âng hi mihring kutthem leh tlotheina vâng hlung, dangka khana sana vânga insyem lim kha apō sik tia nimandon mak sik kae.