DANIEL 5:21 - LEKHARABU INTHENG (BSI)

²¹ Ama kha mihei kâra inphut hnongsōt a ka-om, khana amalung kha shahei malung hong ka-ang jo. Ama ram a shakōrtung hei leh ka-omsap hei, sehratche kapōa phi asâk jo khana achunga radaitui kakhâr sik a heite omlo ramhânga kaje jo. Achaina pena chu Chunghnung Pathen in mihring rengram rakip akhim, vai arôn khana ama’n akadeisōt hei hneng apektor ti hi ama’n aheihnōm jo.

DANIEL 5:21 ပူးပေါင်းရင်းမြစ်များ

JOB LEKHARABU 39:5

Tu’n mo shakōrtung hei kha ning leh hnōm apek hei? Tu’n mo amasō heia amanlôn lele hei?

EZEKIEL 17:24

Ram shunga thingkung kahmông rakip in kei Rōngpu eng kae tia anhong manhret sik. Ke’n thingkung inshâng hei kaphûr mathlûk hei khana thingkung kasintek kha kaman khang. Thingbō in-êm hei seng kamanvōi hei khana thing kachâr kha abō kaman-êm. Rōngpu ke’n kahrisōt jo. Tlo sik a kati kha katlosōt sik kae.”

DANIEL 4:14

Ama’n rasa inhnaktak a ahri, “Thingkung kha phûr ruh, abâk-hei kha tuktan ruh; abōhei kha vōkmaṭhi hei ruh khana akara kha vor kathek hei ruh. Athōia aka-om shahei kha hnongsōt hei ruh khana abâk a vahei kha hnongsōt hei ruh.

DANIEL 4:17

Hivahi insing theitak a akajōng ngeva ṭong mathlâk kae. Khava jâra Chunghnung Pathen in mihringhei rengram chunga ratha anei khana ama’n akadei, mi katlasamtak hnenga achang inum apektor ti hi mi rakip in manhret hei rasoh.’

DANIEL 4:22

“Reng Kalûr, a’nshâng leh akangar thingkung kha nang che kae. Nang kha inshângrei chea bōirōk nasunbit, khana nang ratha neina kha raleichung pumpuia katlung sō.

DANIEL 4:25

Nang hi mihringhei kâra inphut hnongsōt sik che kae khan ramshahei leh kalengsap sik chei. Kum 7 sehratche inkhat kapōa phi nasâk sik, ramhânga karek sik che, khana nachunga radaitui katla sik. Chunghnung Pathen in mihring rengram rakip chunga vai arôn, khavakha ama’n akadeisōt mi inkhat hneng apektor ti kha kahnōm sik jo che.

DANIEL 4:26

Ngeva khan thingkungmui kha raleia dahlon sik a ṭong aleipek. Hiva tina chu Pathen in ralei pumpui chunga vai arôn ti hi nahnōm pha nang avea reng hongkachang nôk sik che.

DANIEL 4:34

Rengpa khan ati, “Kum 7 a’nchaisō leh chungting bōirōk ka-en, khana kamalung hong kavâr jo. Ke’n Chunghnung Pathen kha kachoi ka-ân khana ahei tik a akahring ṭhak ama hneng kajana leh lûrna kapek a kae. “Ama’n aheitik a vai arôn sik, khana arengram phat rakip a ka-om ṭhak sik a kae.

DANIEL 4:35

Ama’n ralei mihei heite kaemak kapōa a-en hei; marvâna ngevahei leh raleia mihringhei ama ratha neina thōia ka-om hei. Tûte inkhat in ama lungtup chunga inrepui tor mak hei. a-emak leh ama ṭōntlo chunga ṭongder nei tor mak hei.

DANIEL 4:37

“Khana tûnchu, Nebuchadnezzar ke’n marvân Pathen kha choi ka-ânna, kajana khana lûrna kapek jo. Atlo rakip kha akadik leh akaṭha rōk kae, khana inlensaktak a akatlohei kha thōi amathlaktor heia kae.”

DANIEL 5:18

“Chunghnung Pathen in napa Nebuchadnezzar kha rengkalen inkhat aleimanchang khana lûrna leh lenna aleipek.