DANIEL 5:20 - LEKHARABU INTHENG (BSI)

²⁰ Achang ravâng ama kha hong inlensak a, ṭong rangei mak a, arahe hong kasea kae, ama kha areng in-ongna inphut inlosōt a kajana aleichen kha inhmang jo.

DANIEL 5:20 ပူးပေါင်းရင်းမြစ်များ

RENGHEI INHNINA 17:14

Tâk-kha anmani’n aṭong juidek mak hei, anmani Rōngpu an-Pathen akataksenmak, anpu anpahei kapōa anracham kase.

THUHMINGHEI INHNINA 32:25

Tâk-kha Rōngpu’n ama sik a aleitlo pek chunga manpâkna neiloa Hezekiah kha inlensaktak a leika-om, khava sik a Judah leh Jerusalem chu inrengna anleichena kae.

THUHMINGHEI INHNINA 36:13

Zedekiah khan Reng Nebuchadnezzar chunga adōi jâra ama’n Zedekiah kha rumhrat tak a ṭongpek ajuina sik a Pathen rahminga inhâksêrna amanneia kae. Ama khan Rōngpu Israel Pathen hneng ahong inhe sik leh malung athleng sik kha rahe kasetak a leihnōm mak.

SŌKSŌT 18:11

Rōngpu hi pathen rakip nek a kalen chet ti hi tûnchu ke’n kamanhret jo, ajârchu Israelhei hi Egypt mipui he’n hnōisetak a antlo hei pha hiva ṭōn hi ama’n aleitlo pek hei kae.”

SŌKSŌT 9:17

Tûn katlunga hinum heite donlo chea kamipuihei mansesōt sik lahnōm mak che.

SŌKSŌT 9:7

Rengpa khan hei omchen mo akasōk tia ader heia Israelhei ran chu inkhatbek thi pek mak hei tia anhri pek. Tâk-kha amalung ngar jâra mipuihei kha mansesōt mak heia kae.

ṬONGCHÎK-HEI 16:18

Inlensak in insuksetna amansōk, khana êngkase hin thōi tlâkna kachang.

ṬONGCHÎK-HEI 16:5

Rōngpu’n êngkase rakip amater hei; khana anmani kha karâkna antahmu sik a inphut sânsōt mak hei ning.

ISAIAH 47:1

Rōngpu’n ahri, “Babylon, nalen in-ongna inphut jōng ṭum roh, raleia vaiphin kâra in-ong roh. Nang pha khat a nuhngâk intheng inkhat kapōa, mi’n re antator mak khōpui che kae, tâk-kha nang akadông neng leh a’nnêm neng kha changsôt mak jo che! Tûnchu nang sōk kachang jo che!

JEREMIAH 13:18

Rōngpu’n kahnenga ahri, “Rengpa leh anu kha anlen in-ongna inphut anjōng ṭumna sik a manthei hei roh, ajârchu anlukhu ret kaṭhahei kha anlu chunga inphut jōngkatla jo hei.

JEREMIAH 19:15

Chunghnung Rōngpu, Israel Pathen in ahri kha kamanthei jo hei, “Ke’n hiva khōpui leh ahneng vena khō kalenhei chunga karâkna pek sik heia kalei ti rakip kha katlosōt sik, ajârchu anmani anracham kase, khana kaṭong rangei mak heia kae.”

JEREMIAH 48:18

Dibona ka-om nangni, nanlûrna hmun a inphut jōng ṭum ruh, vaiphin chunga in-ong ruh; Moab kasuset kha hin ka-om arekur kha insetsōa adahlon jo.

EZEKIEL 30:6

Rōngpu’n ahri, “Sak tinga Migdol a inphut thlâng tinga Aswan katlunga ka-om Egypt kahrunghei kha re shunga kathisō sik hei. Egypt remi a’nlensak hei kha suk manhmang sik hei kae. Chunghnung Rōngpu ke’n kahri jo.

EZEKIEL 31:10

“Tûnchu, khava sumtuk-hei katlunga akahmông jo thingkung chunga heimo akasōk sik kha Chunghnung Rōngpu ke’n kamanthei sik chei. Ama kha a’nshâng chen a inlensak a kae;

DANIEL 11:36

“Syria rengpa’n alungdo hrep a kachôn sik. Ama’n pathen rakip kanek a, Chunghnung Pathen kanek a’m kalen eng tia inlensak sik. Pathen in akarâkna sik pha ahong mak kârseng ama’n khanga atlo tor sik. Pathen in amantluk kha atlo nger sik kae.

DANIEL 4:26

Ngeva khan thingkungmui kha raleia dahlon sik a ṭong aleipek. Hiva tina chu Pathen in ralei pumpui chunga vai arôn ti hi nahnōm pha nang avea reng hongkachang nôk sik che.

DANIEL 4:28

Hiva rakip hi Reng Nebuchadnezzar chunga kasōk jo.

DANIEL 4:37

“Khana tûnchu, Nebuchadnezzar ke’n marvân Pathen kha choi ka-ânna, kajana khana lûrna kapek jo. Atlo rakip kha akadik leh akaṭha rōk kae, khana inlensaktak a akatlohei kha thōi amathlaktor heia kae.”

DANIEL 8:8

Keche kha hong inlensak chet-chet jo, tâk ama’n ratha katluk a ahongnei pha, araki katlek jo. Khava kahlanga inchêntak a manhret theibât raki 4 in ramkei ahlop et anhnget a hong kasōk hei.

LUKE 18:14

Jesu’n ati, “Ke’n kahri pek chei kae, Pharisee changloa, ramsêr kaṭheipa kha a-inna a’nle pha Pathen hneng dikna achen jôk a kae. Ajârchu, binga a’nchoi inshâng rakip kha insu-inhnem sik, tâk binga a’nsinsak rakip kha choi manshâng sik kae.”

HEBREWHEI 3:13

Khava kanek a, nankâra tûte inkhat setna’n ahōn mathlâk makna sik leh amalung asak makna sik, ṭong inthenga “Tuning” inti kha eini chunga manngan achanglai seng nangni khat leh khat ani tina a’nthō nger sik chei kae.

SAMUEL INKHATNA 6:6

Egypt rengpa leh Egypt mipuihei kapōa heisa mo nanracham akase sik? Israelhei kha Egypt anmandahlon mak kârseng Pathen in amanmo hei kha mahngi mak ruh.