DANIEL 5:2 - LEKHARABU INTHENG (BSI)

² Anmani’n ju an-inlai Belshazzar in apa Nebuchadnezzar in Jerusalem Bek-inna inphut ahei choi sana leh dangka thlenghei kha anhei choisōtna sik ṭong aleipek hei. Rengpa’n ami kalen kahrânghei, anuhmeihei, anuhmei manbohei khan khan vânga ju an-ina sik avakalo sik a mi atir jo hei.

DANIEL 5:2 ပူးပေါင်းရင်းမြစ်များ

SAMUEL INHNINA 9:7

David in amasôn, “Ṭimak roh, napa Jonathan jâra lungset karôn sik che. Napu Saul tanei ram rakip kapek male sik che, khana pha rakip a kei kadokhânga bu nahong sâk sik a rahlâng che kae.”

RENGHEI INHNINA 24:13

khana Bek-inna leh Reng-innpuia ka-om nei leh hao akhenga anrônpet jo. Rōngpu’n hmatak a aleisânsōt kapōa Reng Solomon in Bek-inna hmang sik a aleisyem be leh bûr hei ahar-ahak a avōk khōipet hei.

RENGHEI INHNINA 25:15

Anmani’n sana dangka vânga antasyem neinâk rakip, inṭhōia hmeira-ê choina kōklei tete leh khâng hei anchoipet hei.

THUHMINGHEI INHNINA 11:20

Hnung leh chu ama’n Absolom sanu Maacah a-ompuia sapa 4 annei hei: Abijah, Attai, Ziza leh Shelomith hiseng.

THUHMINGHEI INHNINA 15:16

Reng Asa khan api Maacah kha rengnu anu changna ṭōnhmun a inphut alosōt jo, ajârchu amanu hin vonchoi theina pathennu Asherah mater ka-om limsyem inkhat asyema kae. Asa’n limsyem kha atuktana, atuk rachen a Kidron Phaichama ahar-ahak hei kha hmeia aro hei.

THUHMINGHEI INHNINA 36:10

Zerkhō ahong pha, Reng Nebuchadnezzar khan Jehoiachin kha surmi inkhat a Babylona aṭhōi jo khana Bek-inna karōihei kha achoisōt jo hei. Khava sōa Nebuchadnezzar khan Jehoiachin apakasin Zedekiah kha Judah leh Jerusalema reng aleimanchang jo.

THUHMINGHEI INHNINA 36:18

Babylon reng khan Bek-inn, Bek-inn karōi bukna, rengpa leh aṭōn karônhei karōihei kha aleichom hei, khana Babylona heirakip aleichoisō jo hei.

EZRA 5:14

Jerusalem Bek-inna sana leh dangka, be leh bûr Nebuchadnezzar in alosōt a Babylona bek-innheia aleida hei kha reng Cyrus in ahei pek male hei. Cyrus kha khava be leh bûr hei kha Sheshbazzar intipa, Judah ram a vai karôn sik a akadeipa hneng pek sōtna anei hei.

JEREMIAH 27:7

Jât rakip in ama anrazen sik, ama khet jât-hei nammathlûkna pha kha ahong tlung mak kârseng, anmani’n asahei khana atu hei katlunga anrazen sik hei. Khava sō leh ratha kaneitak jât-hei khana reng kalentak hei kha ama jât he’n anrazen nôk sik hei.

JEREMIAH 50:35

Rōngpu’n ahri, “Babylon sik a thina! Amihei sik a, avaikarônhei sik a, akasing amipuihei sik a thina kae.

JEREMIAH 52:19

Sana leh dangka vânga ansyem neinâk rakip: thlengkam kasinhei, hmei choina khângbe, inthoina thisen madona thlengkamhei, ravut madona behei, thaihmei matungna hei, bero rona thlengkam, ju inthoina sunna sik thlengkamhei seng.

DANIEL 1:2

Rōngpu’n ama kha Reng Jehoiakim amansura Bek-inn shunga karōi ṭhahrep amanchoma kae. Ama’n ahei surmi ṭhahrep Babylona apathenhei bek-inna aheiṭhōi hei, aheichomsōt karōi kha abek-inn karōi bukna ada hei.

DANIEL 5:11

A’ntheng pathenhei rathla ashunga ka-om mi inkhat narengram shunga ka-om. Napa’n reng aleichanglai, hiva mipa hin lungthim ṭhatna, themna khana pathenhei kapōa singna amalâra kae. Khana napa Reng Nebuchadnezzar in ama kha hnungṭong kasânhei, dôi kachoihei, a’nralak katlohei, khana ârsi lekha kathemhei anlu kaching aleimanchanga kae.

DANIEL 5:13

Inrangtak a Daniel kha rengpa hneng anheiṭhōi, rengpa’n ahnenga ahri, “Kapa’n Judah ram a inphut rehringa aheiṭhōi Jehudi mi Daniel inti kha nang che mo?

DANIEL 5:18

“Chunghnung Pathen in napa Nebuchadnezzar kha rengkalen inkhat aleimanchang khana lûrna leh lenna aleipek.

DANIEL 5:23

Marvân Rōngpu kadōia ṭōn natloa a-Bek-inna inphut kōkleihei kha nahei choi manhlut heia kae. Nang in nami kalen leh kahrânghei, nanuhmeihei, khana nanuhmei manbohei leh hiva kōkleihei vânga hin ju nan-inna, nang in khava pathen akahmu tor mak, akathei tor mak, khana heite inhret mak sana, dangka, sum-êng, thir, thing leh hlung vânga a’nsyem pathen kha nanmanpâk a kae. Tâk-kha nang natlona rakip ka-ensui, nathina leh nahringna katinta Pathen kha kajamak che.

DANIEL 5:3

Inrangtak a sana kōkleihei kha anheichoi manhlut jo hei, khana anmani ankhenga sana kōklei vâng khan ju anlei in jo

DANIEL 5:30

Khava jântak a khan Babylon reng, Belshazzar kha antha jo;

DANIEL 5:4

khana sana, dangka, sum-êng, thir, thing khan chu hlung vânga a’nsyem pathenhei kha anleichoi ka-ân heia kae.