DANIEL 4:7 - LEKHARABU INTHENG (BSI)

⁷ Khan chu hnungṭong kasânhei, dôi kachoihei, a’nralak katlohei, ârsi lekha kathemhei kha anheiṭhōi hei, khana ke’n karahmang kha kahri pek hei, tâk-kha anmani’n rahmang kha hrimanchên tor mak hei.

DANIEL 4:7 ပူးပေါင်းရင်းမြစ်များ

A’NPHUTNA 41:24

khana sabor arasihei khan sabor pui katluk hei kha anmade pet jo hei. Rahmang hi ke’n hmitphedôi kathemhei hneng kahri pek jo hei; tâk anmani tûte’num ahri manchên pek tor mak hei,” ati.

A’NPHUTNA 41:8

Jîngkâra chu amalung le’nrim jo, khava jâra Egypt a ka-om hmitphedôi kathemhei leh akathem akasinghei abek jo hei. Anhnenga arahmang ahri pek hei tâk tûte inkhat in arahmang kha malesōt pek tor mak hei.

HLAHEI 37:35

Ke’n phâkhat a mikaṭhamak, êngkase inkhat kalei manhret; ama Lebanon ram a cedar thingkung kapōa mi rakip aleimakhu hei.

ISAIAH 44:25

Ke’n tla kasânhei kaman mo hei, khana ârsi lekha kathemhei ṭongsânsōt hei kha kamanhmak hei. Mikasinghei ṭonghri kha ke’n kamakhe, khana ansingna hei kha akamo kamanchang pek hei.

EZEKIEL 31:3

Nang chu Lebanona cedar kapō che kae. Abâk kaṭha leh abō inbur, Khang hrep a a’nshâng sumtuk-hei kaphâk tor thing kha.

DANIEL 1:4

Anmani kha anhme akaṭha sik, akasing sik hei, kaṭhadek a inchuna kanei, inranga inhret tor, khana taksa nōrna kase, hei kha reng innshunga razenna annei torna sik a kadei sik hei kae.

DANIEL 2:10

Mansena kanei lele hei khan anmasôn, “Reng Kalûr in namanhret hnōm kha ani intheitor sik raleichunga hin tûte inkhat om mak. Reng kalenpen leh ratha kaneipen inkhatbek in aṭong kasânhei, dôi kathemhei, leh inralak katlohei hneng hinghiva hi ngek phungmak hei.

DANIEL 2:27

Daniel in amasôn, “Reng Kalûr, khava intheitor ṭōn inralak katlohei, dôi kathemhei, tla kasânhei, a-emak leh ârsi lekha kathemhei om mak hei.

DANIEL 2:7

Anmani’n rengpa hneng anmasôn nôk, “Reng Kalûr nang in rahmang kha nahri pek ung inchu, keini’n heitina mo ti khachu kanhri pek sik che.”

DANIEL 3:8

Khava sōa chu Babylon mi ṭhahrep in Jehudihei masetna sik pha kha anlo jo.

DANIEL 4:18

“Karahmang kha hi kae,” tia Reng Nebuchadnezzar in aleihri. “Tûnchu, Belteshazzar, hivahi heitina mo ahri pek jo roh. Kareng inna heikhat ani kahri pek lele he’n ahri pek tor mak hei, tâk-kha nang inchu nator, ajârchu a’ntheng pathenhei rathla khan nashunga ka-oma kae.”

DANIEL 5:7

Hmitphedôi kachoi, inralak katlo, ârsi lekha kathemhei vaṭhōina sik a ka-ônga mi abek jo hei. Anmani anhong pha, rengpa’n anhnenga ati, “Hiva kutsun hi akateisōt tor khana heitina mo akahrisōt tor mi kha ahrak a sana maṭhi man-or sik khana rengram shunga ratha kanei 3 tlukna kachang sik.”

DANIEL 5:8

Rengpa mansena kaneihei kha ahnengting kava hei, tâk tûte inkhat in lekha inzet kha teisōt tor mak hei khana reng hneng hiva tina kae tia hripek tor mak hei.