DANIEL 4:34 - LEKHARABU INTHENG (BSI)

³⁴ Rengpa khan ati, “Kum 7 a’nchaisō leh chungting bōirōk ka-en, khana kamalung hong kavâr jo. Ke’n Chunghnung Pathen kha kachoi ka-ân khana ahei tik a akahring ṭhak ama hneng kajana leh lûrna kapek a kae. “Ama’n aheitik a vai arôn sik, khana arengram phat rakip a ka-om ṭhak sik a kae.

DANIEL 4:34 ပူးပေါင်းရင်းမြစ်များ

SAMUEL INHNINA 22:31

Hiva Pathen hi, heituk a aṭōn tlohei pui akatluk jo mo, aṭonghei heituk a nganse thei akachang jo mo! Inhrungna kajōng hei sik a, ama kha pho kapō kae.

THUHMINGHEI INKHATNA 29:10

Hiva mipuihei intûpna hin reng David in Rōngpu kha amanpâk a kae. Ama’n ahria “Kanpu Jacob, Rōngpu Pathen aheitik chenna manpâk a omṭhak roh!

THUHMINGHEI INKHATNA 29:13

Tûnhin kan-Pathen, nang kanmanpâk che, khana narahming kalûr kanchoi ka-ân che.

JOB LEKHARABU 1:21

Ama’n ahri, “Kei karōksaia hong inte eng, karōksaia kathi sik eng. Rōngpu’n apek eng, khana tûn alosōt jo. Ama rahming kha manpâk a om rasoh!”

HLAHEI 10:16

Rōngpu chu are-rea reng kae; pathen ralak inmuk hei chu aram a inphut inhmang sik hei.

HLAHEI 102:24

Eh! Pathen, kater mak hma tûnhin alosōt mak hi roh. O Rōngpu, nang chu ahei tik a kahring ṭhak che;

HLAHEI 107:15

Alungset inthlengmak leh ṭōn-inlak aleitlo pek hei jâra, Rōngpu kha antamanpâk nger sik kae.

HLAHEI 107:22

Neitōk pum a antamanpâk nger sik kae, aṭōn leitlo rakip kha inpâkna hla sakpuma antahrisōt nger sik kae.

HLAHEI 107:31

Alungset inthlengmak leh ansik a ṭōn-inlak aleitlo jâra anmani’n Rōngpu kha antamanpâk nger sik kae.

HLAHEI 107:8

Alungset inthlengmak leh ṭōn-inlak aleitlo pek hei jâra anmani’n Rōngpu kha antamanpâk nger sik kae.

HLAHEI 111:7

Atlona rakip heia khan taksenthei leh akadik kachang; aṭongpek rakip kha inhngatna thei kae.

HLAHEI 121:1

Ke’n tlâng ting khō kathlir; kei inthōpui kha khona inphut mo akajōng sik?

HLAHEI 123:1

Rōngpu, navairônna marvân chungting khan kahong en che.

HLAHEI 145:13

Nareng vairônna kha kumleikōa kae, khana nang ahei tik a reng che kha kae. Rōngpu chu aṭong tepna kha ajuia kae; khan aṭōntlo rakip a maritna’n kasip.

HLAHEI 146:10

Rōngpu kha ahei tik a reng kae. O Zion, na-Pathen khan pha rakip a vai arôn sik kae. Rōngpu kha choi ka-ân ruh!

HLAHEI 50:14

Manpâkna nantanei kha Pathen hneng nan-inthoina chang rasoh, khana nan-intepna rakip Chunghnung hneng pekna nei ruh.

HLAHEI 66:7

Aratha neina vâng khan ahei tik chen a vai arôn khana jât-hei chunga a-en mathlip hei. Ama kadōia re katuk ngir sōt mak hei rasoh.

HLAHEI 7:17

Rōngpu kha aṭongtan dik jâra kamanpâk; A’nshângpen Rōngpu manpâkna hla ke’n kasak.

HLAHEI 9:2

Nang jâra ke’n inpâktak a hla kasak sik, Chunghnung Pathen, nang manpâkna hla kasak sik!

HLAHEI 92:1

Rōngpu, nahnenga inpâkna pek hi nang kajana hla sak hi heituk a akaṭha jo mo, Eh A’nshângpen Pathen,

ISAIAH 13:11

Rōngpu’n ahri, “Raleichunga inrengna kamathlung sik khana mikaṭhamak-hei ansetna jâra ankhenga karâkna kapek sik hei. Mi inlensak rakip kasuk manhnem sik hei, khana êngkase leh mikaṭhamak-hei kha karâkna kapek sik hei.

ISAIAH 2:11

Mihring inlensakna manbângna leh racham kase manhmangna sik a kani inkhat kahong sik. Khava pha Rōngpu rōk kha choi manshâng sik kae.

ISAIAH 24:15

nisōtinga ka-om hei khan ama anchoi ka-ân sik. Tui-ôngpui panga ka-om he’n Rōngpu, Israel Pathen kha anchoi ka-ân sik.

JEREMIAH 10:10

Tâk-kha Rōngpu nang chu akadiktak Pathen che kae, akahring Pathen che kae, kumleikōa reng che kae. Nang nahnuk anat pha, raleichung hi innok; jât he’n nahnuknat kha detor mak hei. (

ṬAJAISUINA 3:38

Ama ṭongpek rōk a akaṭha leh akase hei hi akasōk kae.

DANIEL 12:7

Ngeva khan akut 2 marvânting akalânga, Kumleikō Pathen rahminga intepna anei jo. Ama’n hinga ahri kha ke’n kathei, “Hivahi kum 3 leh thla 6 sik kae. Pathen mihei suk manrimna kha a’nchai leh, hihei rakip hi ahei kasōk sik kae.”

DANIEL 2:44

Khava renghei pha shunga marvân Pathen in ahei tik a a’nhmangmak sik rengram inkhat aphunsōt sik. Khavakha tûte’n hlō tor mak hei ning, khava khan rengramhei kha ankhenga asuk manhmang sik hei, khana ahei tik a ka-om ṭhak sik jo.

DANIEL 4:2

Chunghnung Pathen in kahnenga amalâr a’nlak leh det-hlana ṭong hi rangei ruh.

DANIEL 4:26

Ngeva khan thingkungmui kha raleia dahlon sik a ṭong aleipek. Hiva tina chu Pathen in ralei pumpui chunga vai arôn ti hi nahnōm pha nang avea reng hongkachang nôk sik che.

DANIEL 4:3

“Pathen in amalârpek me ṭōn inlak-hei hi heituk a akalenhei mo! Ama tatlosōt ṭōn inlak-hei hi heituk a ratha kaneihei mo! Pathen in ahei tik a reng kae; ama’n pha rakip a vai arôn sik kae.

DANIEL 4:32

Nang mihringhei kâra inphut hnongsōt sik che kae. Ramshahei kâra aka-om sik che kae, kum 7 sehratche kapōa phi nasâk sik kae. Khava pha Chunghnung Pathen in rengram rakip chunga vai arôn khana khavakha ama’n amadu mihei hneng apektor ti hi nang in nahong manhret sik.”

DANIEL 4:36

“Ke’n lung vârna kahong nei pha, kei kajana, kei lûrna, khana karengram lûrna kha kahnenga inpek male eng. Kei ṭōnpui karônhei leh kami kahrâng he’n kei anleirahlâng eng, khana kareng ratha neina leh kajana hmalaia kanek a akakhe chet kha inpek jo eng.

DANIEL 5:18

“Chunghnung Pathen in napa Nebuchadnezzar kha rengkalen inkhat aleimanchang khana lûrna leh lenna aleipek.

DANIEL 5:21

Ama kha mihei kâra inphut hnongsōt a ka-om, khana amalung kha shahei malung hong ka-ang jo. Ama ram a shakōrtung hei leh ka-omsap hei, sehratche kapōa phi asâk jo khana achunga radaitui kakhâr sik a heite omlo ramhânga kaje jo. Achaina pena chu Chunghnung Pathen in mihring rengram rakip akhim, vai arôn khana ama’n akadeisōt hei hneng apektor ti hi ama’n aheihnōm jo.

DANIEL 6:26

Karam shunga mi rakip in Daniel Pathen nantaṭit sik khana nantakaja sik kae tia ke’n ṭong kapek chei kae. “Ama kha akahring Pathen kae, khana ama’n aheitik a vai arôn sik. Ama rengram aheitik a inhmang mak ning, khana aratha neina aheitik a bângmak ning.

DANIEL 7:14

Ama kha phung leh jât ṭong rakip in anrazenna sik ama kha ratha neina, kajana khana reng ratha kha anpek jo. Ama ratha neina kha ahei tik a ka-om sik, khana arengram ahei tik a bângmak ning.

DANIEL 7:27

Raleichung rengram rakip hei ratha hratna leh lenna rakip Chunghnung Pathen mihei hneng a’npek sik kae. Anmani reng ratha neina kha bângtik neimak ning, khana raleichunga vaikarôn rakip in anrazen heia anṭong anjui sik.”

DANIEL 9:14

O Rōngpu, nang in keini karâkna sik a intluk che, khana nakarâk ung, ajârchu nang in akadik ahei tik a natloa kae, khana keini’n rangei mak che ung.

JONAH 1:14

Khava jâra Rōngpu hneng an-ôna, “O Rōngpu, kander che, hiva mipa hringkhō lona sik natlona shunga keini chunga thina karâkna apek mak roh! O Rōngpu, hiva katlo hi nang che kae.”

MICAH 4:7

Anmani anke katlek a ram kahlatak a ka-om jo hei, tâk dahlona ka-om hei kha leh hringkhōther manphutna kanei sik, khana anmani jât kalentak hongkachang sik hei. Zion Tlâng chunga ke’n anmani khava pha khana inphut ahei tik a sik vai karôn sik.”

LUKE 1:33

khana ahei tik a Jacob sōnhei reng akachang sik kae, arengram kha inhmangtik omak ning.”

LUKE 18:13

“Tâk-kha ramsêr kaṭheipa kha kahlajap a kangira marvânting kapha’m ahmai mahe tor loa, a-ôp akabena, ‘Pathen, kei mikaset eng kae, aheilungset roh!’ ati.

JOHN 5:26

Pa khan abinga hringna kung akachang kapōa asapa kha’m hringna kung achangna sik ama’n asyem jo.

DÂNRABU INHNINA 32:4

“Rōngpu kha ratha kanei nankahrung kae, Atlona rakip a pui katluk leh akadik kae; Nan-Pathen chu taksenthei leh akadik kae; akadik leh akaṭha kha atlo.

TIMOTHY INKHATNA 1:17

Kumsôt Rengpa, inhmangtik kaneimak leh hmit a hmutheilo, Pathen inkhat rōk, hnenga are-rea lûrna leh kajana chenṭhak rasoh! Amen.

TIMOTHY INKHATNA 6:16

Ama rōk akathi theimak kha kae. Tûte tahnai manhlut tor makna vâr shunga ka-om. Ama tûte’n lahmu mak hei; tûte’n hmutorhêr mak hei. Kajana leh ahei tik a vairônna kha atâ changṭhak rasoh! Amen.

ṬONGPHÔNG 10:6

marvân leh ralei khan chu tuipui ashunga ka-om rakip kasyem, are-rea akahring ṭhak Pathen rahminga inhâksêra, ngeva khan ati, “Sôtmak jo ning!

ṬONGPHÔNG 11:15

Khava sōa ngeva 7 tlukna khan apengkun kha atuma, marvân chunga rasa inhnaktak kasōk a ajōng hri, “Vânhnōi raleichunga vairônna ratha kha tûnchu ni-Rōngpu leh ama Messiah ta kachang jo, ama’n are-rea vai arôn sik jo kae!”

ṬONGPHÔNG 4:10

upa 24 hei kha’n, kumleikōa akahring ṭhak, len in-ongna chunga a’n-ongpa hmaikunga inkun heia ankamuk a kae. Len in-ongna hma khan anlen lukhuhei anhlik mathlâk a,

ṬONGPHÔNG 4:9

Ranhring 4 hei kha’n kumleikōa akahring ṭhak len in-ongna chunga a’n-ongpa hneng choi ka-ânna, kajana, manpâkna hla ansak a kae. Khanga ansak pha,