DANIEL 4:32 - LEKHARABU INTHENG (BSI)

³² Nang mihringhei kâra inphut hnongsōt sik che kae. Ramshahei kâra aka-om sik che kae, kum 7 sehratche kapōa phi nasâk sik kae. Khava pha Chunghnung Pathen in rengram rakip chunga vai arôn khana khavakha ama’n amadu mihei hneng apektor ti hi nang in nahong manhret sik.”

DANIEL 4:32 ပူးပေါင်းရင်းမြစ်များ

THUHMINGHEI INHNINA 33:13

Pathen in Manasseh derna kha ahnōm pek jo khana amasôn joa Jerusalema amansea vai amanrôn nôk a kae. Hiva hina inphut Manasseh khan Rōngpu kha Pathen kae tia ahnōm jo.

JOB LEKHARABU 42:2

Rōngpu nang ratha kaneipen che kae, namadu rakip natlo tor ti hi kamanhret.

JOB LEKHARABU 9:12

Ama’n amadu kha alo, tûte’n khâmtor mak, “Heimo natlo?” tia tûte’n der ngammak.

HLAHEI 115:3

Kan-Pathen marvâna ka-om; ama’n amadu seng kha atlo.

HLAHEI 135:6

Marvân leh raleichunga, tui-ôngpui hei leh thōi inthûkna heia, amaduchen kha atlo kae.

SŌKSŌT 8:10

Rengpa’n amasôn, “Jîng kania aderpek roh.” Moses’n ati, “Nangekna eng dungjuia katlo sik, khava pha Rōngpu kan-Pathen tei loa Pathen alak tûte om mak ti kha nang in namanhret sik jo.

SŌKSŌT 9:14

Tûna chunga karâkna hi naṭōn karônhei leh, namipuihei chung rōk a changmak ning, raleichung pumpuia kei kapō inkhatbek om mak ti namanhret theina sik a nang um kakarâksa sik che kae.

SŌKSŌT 9:29

Moses’n ahnenga, “Ke’n khōpuia inphut kasesōt lim leh kakut kakalânga Rōngpu hneng kader sik. Ralei hi Rōngpu ta kae ti namanhret theina sik a khō inri kabâng sik, khana kahre kha’m tla nôk mak jo ning.

ISAIAH 37:20

Tûn Rōngpu kan-Pathen, Assyrianheia inphut ahuksōt roh, raleichunga jât rakip he’n nang rōk Pathen nachang kha anmanhret sik jo.”

ISAIAH 40:15

Rōngpu sik a chu jât-hei hi heite emak hei, tui rahme khat khemak hei; akahlatak a tuikekhum ramhei kha pidi kapōa vaiphinhei kae.

ISAIAH 40:17

Ama hnenga jât rakip hei hi heite emak hei.

ISAIAH 45:3

A’nthim hmun, thuphmun heia karōi buk-hei kha nang kapek sik che; khava pha nang in kei Rōngpu eng kae, khana Israelhei Pathen khan nang narahminga abek che kae tia nahong manhret sik.

JEREMIAH 27:5

“Karatha inhnak leh kahratna vânga khan ke’n vânhnōi ralei, mihring, khana raleichunga aka-om ranhring rakip kasyema kae; khana ke’n kakadei mihei hneng khavahei kha kapek hei.

DANIEL 2:21

Ama’n phat leh khōsûr khōsat ṭong anei tor; renghei um asyem hei khana syem nôk mak hei; sing leh themna kapek hi ama kae.

DANIEL 4:31

Hiva ṭong hi abeia ahrisō mak lai, marvâna inphut rasa inkhat in ajōng hri, “Reng Nebuchadnezzar, kaṭong hri rangei roh! Nareng ratha neina tûnchu nanga inphut inlosōt jo.

DANIEL 5:21

Ama kha mihei kâra inphut hnongsōt a ka-om, khana amalung kha shahei malung hong ka-ang jo. Ama ram a shakōrtung hei leh ka-omsap hei, sehratche kapōa phi asâk jo khana achunga radaitui kakhâr sik a heite omlo ramhânga kaje jo. Achaina pena chu Chunghnung Pathen in mihring rengram rakip akhim, vai arôn khana ama’n akadeisōt hei hneng apektor ti hi ama’n aheihnōm jo.

JOSHUA 4:24

Hiva jâra hin raleichunga aka-om mi rakip in Rōngpu ratha hi heituk akalen mo anmanhret sik jo, khana nangni’n Rōngpu nan-Pathen kha ahei tik a nankaja sik joa kae.”