DANIEL 4:31 - LEKHARABU INTHENG (BSI)

³¹ Hiva ṭong hi abeia ahrisō mak lai, marvâna inphut rasa inkhat in ajōng hri, “Reng Nebuchadnezzar, kaṭong hri rangei roh! Nareng ratha neina tûnchu nanga inphut inlosōt jo.

DANIEL 4:31 ပူးပေါင်းရင်းမြစ်များ

A’NPHUTNA 14:18

Khana Salem reng Melchizedek, Chunghnung Pathen thempu khan buhlom leh ju achoia Abram ava-ratō.

JOB LEKHARABU 20:23

Antamadu chenna sâk hei rasoh! Pathen in hnuknat leh hnuk hrâng pum a akarâk sik jo hei.

HLAHEI 145:13

Nareng vairônna kha kumleikōa kae, khana nang ahei tik a reng che kha kae. Rōngpu chu aṭong tepna kha ajuia kae; khan aṭōntlo rakip a maritna’n kasip.

ṬONGCHÎK-HEI 29:23

Racham kase hin thōi tlâkna amannei sik che, tâk na’nsinsak inchu, mi’n ankaja sik che.

ISAIAH 14:27

Akahrat Rōngpu’n hivahi tlo sik a amandon jo; ama’n karâkna pekna sik a abân arazit jo, tûte’n tingtor mak ning.

DANIEL 12:7

Ngeva khan akut 2 marvânting akalânga, Kumleikō Pathen rahminga intepna anei jo. Ama’n hinga ahri kha ke’n kathei, “Hivahi kum 3 leh thla 6 sik kae. Pathen mihei suk manrimna kha a’nchai leh, hihei rakip hi ahei kasōk sik kae.”

DANIEL 4:24

“Reng Kalûr, narahmang tina khachu hi kae, khana hivahi A’nshângpen Pathen in nachunga ahong kasōk sik kha amalâr kae.

DANIEL 4:26

Ngeva khan thingkungmui kha raleia dahlon sik a ṭong aleipek. Hiva tina chu Pathen in ralei pumpui chunga vai arôn ti hi nahnōm pha nang avea reng hongkachang nôk sik che.

DANIEL 4:30

Ama’n ati, “Enruh Babylon hi heituk a akalen jo mo! Karatha neina, katorna khana kalûrna leh kaja ka-omna kha malârna sik a kasyemsōt kae.”

DANIEL 4:32

Nang mihringhei kâra inphut hnongsōt sik che kae. Ramshahei kâra aka-om sik che kae, kum 7 sehratche kapōa phi nasâk sik kae. Khava pha Chunghnung Pathen in rengram rakip chunga vai arôn khana khavakha ama’n amadu mihei hneng apektor ti hi nang in nahong manhret sik.”

DANIEL 4:34

Rengpa khan ati, “Kum 7 a’nchaisō leh chungting bōirōk ka-en, khana kamalung hong kavâr jo. Ke’n Chunghnung Pathen kha kachoi ka-ân khana ahei tik a akahring ṭhak ama hneng kajana leh lûrna kapek a kae. “Ama’n aheitik a vai arôn sik, khana arengram phat rakip a ka-om ṭhak sik a kae.

DANIEL 5:20

Achang ravâng ama kha hong inlensak a, ṭong rangei mak a, arahe hong kasea kae, ama kha areng in-ongna inphut inlosōt a kajana aleichen kha inhmang jo.

DANIEL 5:28

ṭhen roh, tina hi narengram hi her hnia inṭhen sik khana Mede leh Persiahei hneng aṭim aṭima inpek sik jo.”

DANIEL 6:27

Ama’n ahuksōt khana asansōt; Ama’n marvân leh raleichunga ṭōn inralak leh det-hla ka-om atlo. Ama’n shabakkai he’n antatha sik Daniel kha ahuksōt.”

MATTHEW 3:17

Khana marvâna inphut rasâ inkhat in, “Ama hi kasapa marittak kae, achunga kamalung katlai,” ajōng ti.

LUKE 12:20

Tâk-kha Pathen in ahnenga, ‘Eh mikamo! Tûnjân tak nahringkhō a’nchai sik jo kae, nabinga sik naleimanbuk neinâk seng hi hnunga tuta sik jo mo?’ ati.”

JOHN 12:28

Apa, narahming jōng manlûr roh!” Khava pha marvâna inphut rasa inkhat in, “Ke’n kamanlûr jo, khana ke’n khang’khan kamanlûr nôk sik,” ajōng tia kae.

THESSALONIANHEI INKHATNA 5:3

Mihe’n, “Tûnchu kadai jo, ṭit sik om mak jo,” anti laitak khan manhret manloa inhmangna khan anchunga ajōng suk manhmang sik hei kae! Hivahi nupui nai kanei sik naiha kaphu a’nphut kapōa ajōng katlung sik kae, khana mihei kha tlânsōt tor mak hei ning.

ṬONGPHÔNG 16:7

Khava sōa maichâma inphut rasa inkhat katheia hinga ahri, “Rōngpu Pathen Akahratpen! Naṭongtan hei kadik khana intlun heia kae!”

SAMUEL INKHATNA 13:14

Tâk nang vairôn hi injônmak jo ning. Ajârchu nang in ama juimak jo che, Rōngpu’n ami madu ajong sik jo khana amihei vaikarôn asyem sik jo.”

SAMUEL INKHATNA 15:23

Ama inrepui hi, dôi kachoihei kapōa ṭhamak, khana êngset hi syemlim kamukna kapōa setna kae. Rōngpu ṭongpek nahlon sōt jâra, ama’n nareng changna alosōt pek jo che.”