DANIEL 4:2 - LEKHARABU INTHENG (BSI)

² Chunghnung Pathen in kahnenga amalâr a’nlak leh det-hlana ṭong hi rangei ruh.

DANIEL 4:2 ပူးပေါင်းရင်းမြစ်များ

JOB LEKHARABU 7:14

Tâk-kha nang in, karahmang heia ṭitna napek eng; hmangtalâr leh rahmang setna nahei tir hei

HLAHEI 51:14

Kahringkhō hi aṭhen pek roh, Eh Pathen, khana ahuk roh; Ke’n nadikna kha inpâktak a kaphôngsōt sik.

HLAHEI 65:9

Nang in khō najōng mansûra, ralei hi kaṭha na-ensuina kha namalâr; ralei hi namanhao khana athai namansip. Kava dunghei tui namansip hei; khana raleia hmuchi namankek hei. Natlodân kha hi kae:

HLAHEI 66:16

Pathen kajana kaneihei seng, hong ruh, hong rangei ruh. khana ama’n kei sik heimo atlo kha kamanthei sik chei.

HLAHEI 71:18

Tûnchu kater jo eng, kalua sam kabang jo, adahlon mak roh, Eh Pathen! Akahong sik khang rakip a naratha neina leh nahratna kaphông lai seng a-ompui roh.

DANIEL 2:1

Nebuchadnezzar in reng achang-na kum 2 tlukna khan, rahmang inkhat aleinei. Hivahin amanrim hêra ama leije tor mak,

DANIEL 3:26

Khava jâra Nebuchadnezzar in hmeipun omna kot a kasea abek a, “Sadrakh! Meshach! Abednego! Chunghnung Pathen sōk-hei! Heisōk ruh!” Inrangtak a heikasōk heia kae.

DANIEL 4:17

Hivahi insing theitak a akajōng ngeva ṭong mathlâk kae. Khava jâra Chunghnung Pathen in mihringhei rengram chunga ratha anei khana ama’n akadei, mi katlasamtak hnenga achang inum apektor ti hi mi rakip in manhret hei rasoh.’

DANIEL 4:24

“Reng Kalûr, narahmang tina khachu hi kae, khana hivahi A’nshângpen Pathen in nachunga ahong kasōk sik kha amalâr kae.

DANIEL 4:25

Nang hi mihringhei kâra inphut hnongsōt sik che kae khan ramshahei leh kalengsap sik chei. Kum 7 sehratche inkhat kapōa phi nasâk sik, ramhânga karek sik che, khana nachunga radaitui katla sik. Chunghnung Pathen in mihring rengram rakip chunga vai arôn, khavakha ama’n akadeisōt mi inkhat hneng apektor ti kha kahnōm sik jo che.

DANIEL 4:34

Rengpa khan ati, “Kum 7 a’nchaisō leh chungting bōirōk ka-en, khana kamalung hong kavâr jo. Ke’n Chunghnung Pathen kha kachoi ka-ân khana ahei tik a akahring ṭhak ama hneng kajana leh lûrna kapek a kae. “Ama’n aheitik a vai arôn sik, khana arengram phat rakip a ka-om ṭhak sik a kae.

DANIEL 5:18

“Chunghnung Pathen in napa Nebuchadnezzar kha rengkalen inkhat aleimanchang khana lûrna leh lenna aleipek.

DANIEL 6:27

Ama’n ahuksōt khana asansōt; Ama’n marvân leh raleichunga ṭōn inralak leh det-hla ka-om atlo. Ama’n shabakkai he’n antatha sik Daniel kha ahuksōt.”

DANIEL 7:25

Ama’n Chunghnung Pathen kadōia ṭong ahri sik khana Pathen mihei asuk manrim sik hei. Ama’n anmani beklang dân leh rehōihei thlengna sik atlo sik. Khana Pathen mihei kha kum 3 leh thla 6 aratha neina thōia ada sik hei.

JOHN 4:48

Jesu’n ama hneng, “Ṭōn kalen leh ṭōn inlak-hei nanhmu mak inchu, ahei tik a tûte’n taksen mak tinnei,” ati.

JOSHUA 7:19

Joshua’n ahnenga ati, “Kasapa, Israel Pathen, Rōngpu hmaikunga inthenga hrisōt roh, khana naṭhena kha phôngsōt roh. Heimo natlo amanthei roh. Kahnenga thup mak roh.”