DANIEL 3:28 - LEKHARABU INTHENG (BSI)

²⁸ Rengpa’n ahri, “Shadrach, Meshach, khana Abednego hei Pathen manpâk ruh! Ama’n angeva ajōng tira ama inzen leh akataksen mihei hi ahuksōt hei kae. Anmani’n kaṭong pek juimak hei khana an-Pathen tei loa pathen ralak hneng inkuna kamuk sik kanek a anhringkhō inrimna jôk kha anthōk.

DANIEL 3:28 ပူးပေါင်းရင်းမြစ်များ

A’NPHUTNA 9:26

Shem Pathen Rōngpu manpâk a om rasoh! Canaan kha Shem sōk kachang sik.

THUHMINGHEI INKHATNA 5:20

Pathen hneng taksenna anneia, inthōpuina sik a andera kae, khana Pathen in anderna athei pek heia Hagrihei leh anmani inthōpui hei chunga retorna amannei heia kae.

THUHMINGHEI INHNINA 20:20

Abâna jîngkâr hmatak a mipuihei kha Tekoa hnenga ramhânga kasōk jo hei. Anmani se anphut pha, Jehoshaphat in hiva ṭong vâng hin mansena anei hei: “Judah leh Jerusalem mipuihei! Nan-Pathen Rōngpu hnenga nantaksenna kha da ruh, khan chu nanraleia khan kangirtor sik chei. Ama sânkathemhei mantheina chei kha taksen ruh, khan chu hme nansō sik.”

THUHMINGHEI INHNINA 32:21

Assyriahei remi leh anṭōn karônhei kathat sik a Rōngpu’n ngeva ajōngtir jo hei. Khava jâra rengkalen kha inzaktak a Assyria ting inle jo. Ni khat chu apathen bek-inna aleiomlai asapa he’n chemjâm vânga anleituk that jo.

EZRA 1:3

Ama mihei nankhenga Pathen in ompui chei rasoh. Nangni Jerusalema a’nle cheia Jerusalema antakamuk Pathen, Israel Pathen, Rōngpu Bek-inn kha nantasâk manther sik kae.

EZRA 6:11

Ke’n ṭong kapeksa chei kae khachu tu inkhat in hiva ṭongpek ajuimak inchu a-inna inphut thingtlōn inkhat losōt a ahmor manngeijap a amipa taksa kha sun hlon sik kae. Khana a-inn kha neinâk kabōk hei manbukna manchang sik kae.

HLAHEI 103:20

Akahrat leh ratha kangar marvân ngevahei, aṭongpek kajuihei, aṭong hri katheihei, Rōngpu kha kaja ruh!

HLAHEI 147:11

tâk ama kajana kapek hei chunga, alungset inthlengmak akataksenhei chunga tlaina anei.

HLAHEI 33:18

Rōngpu’n aṭong kajuihei leh inthlengtik kaneimak alungsetna chunga taksenna kaneihei kha a-ensui hei.

HLAHEI 33:21

Eini ama jâra kahōi me; eini’n arahming intheng kha nitaksen.

HLAHEI 34:22

Rōngpu’n amihei kha ahuk sik hei; inhukna kajōnga ahnenga akase rakip ahuk sik hei.

HLAHEI 62:8

Kamihei, pha rakip a Pathen kha taksen ruh! nankhōdeng theina rakip hei kha manthei ruh; ajârchu ama hi ni’n-ungna kha kae.

SŌKSŌT 20:5

Lim inkhatbek hnenga inkun mak ruh, ajârchu kei Rōngpu nan-Pathen eng kha kae, Ke’n akaṭhamak-hei madimtor mak eng. Kei kahōt hei sōn leh pâr chunga khang 3 leh khang 4 katlunga karâkna kapek hei.

ISAIAH 12:2

Pathen kha kakahuk inhring kae; Ke’n ama kataksen sik khana kei ṭimak ning. Rōngpu’n kei ratha leh hratna apek eng; Ama kakahuk inhring kae.

ISAIAH 37:36

Khana marvân ngeva inkhat Assyriahei ṭhumhmuna kasea remi 185,000 athat jo hei. Khang’khan ajing jîng khōvâr pha mihei kha ankhenga kajea kathisō jo hei.

ISAIAH 50:10

Nangni Rōngpu kajana kanei seng, khana asōkpa ṭong kajuihei seng, nanhlam hro kha inthim thei sik, tâk-kha Rōngpu taksen ruh, nan-Pathena in-ngai ruh.

DANIEL 2:47

Rengpa’n ahri, “Nang Pathen kha pathenhei kâra akalenpen kae, renghei kâra Rōngpu kae khana a’n-ip kahrisōt kha kae. Nang in a’n-ip hi nahrisōt tor jâra ke’n kamanhret jo.”

DANIEL 3:25

Ama’n ader hei, “Khan chu heisa mo mi 4 hmeipun shunga akase lele kahmu hei? Anmani inkhit mak hei, antak intônna heite inhmu mak, khana manlinapa son ngeva apōa kae.”

DANIEL 4:34

Rengpa khan ati, “Kum 7 a’nchaisō leh chungting bōirōk ka-en, khana kamalung hong kavâr jo. Ke’n Chunghnung Pathen kha kachoi ka-ân khana ahei tik a akahring ṭhak ama hneng kajana leh lûrna kapek a kae. “Ama’n aheitik a vai arôn sik, khana arengram phat rakip a ka-om ṭhak sik a kae.

DANIEL 6:16

Khava jâra rengpa’n Daniel surna sik a ṭong amasōa shabakkai kasip rōng shunga anhlon manhlut jo. Ama’n Daniel hneng ati, “Nang in kajatak a narazen Pathen in huksōt che rasoh.”

DANIEL 6:26

Karam shunga mi rakip in Daniel Pathen nantaṭit sik khana nantakaja sik kae tia ke’n ṭong kapek chei kae. “Ama kha akahring Pathen kae, khana ama’n aheitik a vai arôn sik. Ama rengram aheitik a inhmang mak ning, khana aratha neina aheitik a bângmak ning.

MATTHEW 4:10

Khava sōa Jesu’n amasôn, “Seitan, Sesōt roh! Ṭong intheng in hinga ati, ‘Nang in Rōngpu na-Pathen rōk kha nakamuk a narazen sik kae!’”

ṬŌNTLOHEI 4:19

Tâk-kha Peter leh John in anmasôn hei, “Nangni ṭong kantajui sik a-emak leh Pathen ṭong kantajui sik khahei kâra khō jôk mo Pathen hmit-hmua akadik nanbinga ṭong intan ruh.

ṬŌNTLOHEI 5:19

Tâk-kha khava jânbât a khan Rōngpu ngeva’n kur kekot kha amahlânga, sonlehei kha amasō heia, hing’hin aleihri pek hei.

ROMANHEI 12:1

Khava jâra kasōpuihei, Pathen maritna me alen jâra ke’n nanhnenga hivahi kangek chei kae. Pathen malung tlaina leh aṭōn tlona khan inthenga inpek sōtna sik, nangni Pathen hneng hringpuma intōksōt ruh. Hivahi nantatōk sik kamukna kadiktak kha kae.

CORINTHIANHEI INKHATNA 13:3

Ke’n kanei rakip kapek sōt a khana kataksa hi ro mankhutna sik kapha katōksōt tor inum, ke’n lungsetna kaneimak inchu kaṭhatna heite om mak.

PHILIPPIANHEI 1:20

Kathi’num kahring inum, kahringkhōa inphut hin Christa kha kajana achang theina sik kalungria kamadu leh ka’nhōrna kha hi kae, khachu, kaṭōntlo hi kabânsam mak sik, pha rakip a, tûnlaitak hin, inngamna kasip phet kanei sik hi kamadua kae.

HEBREWHEI 1:14

Khan chu marvân ngevahei kha heijo heihmen? Anmani ankhenga Pathen inzen rathlahei kha kae, khana hukmanhringna kachen sik senghei inthōpui sik a ajōngtir hei kae.

HEBREWHEI 11:37

Anmani hlung vâng andenghlon hei, thing-âtna vâng bong hni anmasōk hei, khana chemjâm vâng antuk hlon heia kae. Anmani kemōng vun a-emak leh ke vun an-insia kalônle hei, sara changna, suk manrimna khana ênga tlona hei anleide.

PETER INKHATNA 1:21

Akathia inphut akei mathōia lûrna apek ama inphut nangni’n Pathen kha nantaksen; khava jâra nangni taksenna leh nan-inhōrna kha Pathen chunga a’nphun inhnet kae.

ṬONGPHÔNG 12:11

Nisōpuihei talei phôngsōt kemōngte thisen leh dikna khan ama kha aleitor jo; khana anmani anhringkhō phesōtna leh thina sik katlunga le’ntluk hei.