DANIEL 3:1 - LEKHARABU INTHENG (BSI)

¹ Rn Nebuchadnezzar in metre 27 inshâng khan chu metre 3 kapō avai, sana limsyem inkhat aleinei, hiva limsyem hi Babylon ramṭhen shunga aka-om Dura inti phaichama aleimatunga kae.

DANIEL 3:1 ပူးပေါင်းရင်းမြစ်များ

RENGHEI INKHATNA 12:28

Khanga amandon joa, ama’n sehrat chere 2 sana vânga asyema amihei hnenga hinga ati, “Nangni Jerusalema kamukna sik pha kasôttak kase jo chei. Israel mipuihei, Egypt a inphut nankaṭhōisōt nan-pathen hei kha hin ka-om jo!”

ESTHER 1:1

Persia reng khōpui Susa a areng in-ongna inphut Reng Xerxes in India ram a inphut Ethiopia ram katlunga aka-om rengram 127 chunga vai aleirôn.

HLAHEI 135:15

Jât-hlop hei pathenhei kha sana leh dangka vâng ansyem hei; mihring kut vânga limhei kha antasyem hei kae.

SŌKSŌT 20:23

Kei tei loa kamuksa sik a dangka a-emak leh sana vânga nanbinga pathen lim syem mak ruh.

SŌKSŌT 32:31

Moses Rōngpu hneng inle nôk a ati, “Hiva mipuihei hin ṭit ka-om tak setna anleitlo jo. Anmani’n sana vâng pathen inkhat anleisyema anleikamuk jo.

ISAIAH 2:20

Khava kani ajongtlung pha, sana leh dangka vânga antasyem limhei kha anhlonsōt sik jo hei, khahei kha matîr leh bâk-hei hnenga hlonsōt pek kachang sik hei.

ISAIAH 30:22

Nangni’n dangka leh sana vânga a’ntōm nanlimhei nanchoi heia akachok pōnse kapōa nanhlonsōt sik a kha, “Kanhmit hmua inphut om mak roh,” nanti sik.

ISAIAH 46:6

Mihe’n ansêrkōk anmahlânga sana anbun mathlâk; anmani’n khartena vâng dangka kha akahrik ante. Anmani’n Sana kakheng mi inkhat pathen kasyem sik annek; khava sōa inkun heia ankamuk jo!

JEREMIAH 10:9

Anlimsyem hei kha Spaina dangka vânga, khana Uphaz a sana vânga, kut kathemhei tasyem rakip hei kha ankatōm hei; anmani kha vapuirei machu pōn leh sendup pōnhei, pōnkhông kathemhei takhông vânga khan anmanret hei.

JEREMIAH 16:20

Mihe’n an-pathen kha anbinga antasyemthei sik mo? Changmak, ansyemthei inchu, khavahei kha pathen kadik changmak hei ning.

DANIEL 2:48

Khana inphut Rengpa’n Daniel kha sehmang-pachong hmun kalentak apek jo, kutchoi kalûr katamtak aleipek, Babylon ramṭhen ka-ensuia ada jo, khana reng innshunga mansena kapeklele hei anlu kachinga ada jo.

DANIEL 2:49

Khana Daniel ngekna dungjuia rengpa’n Shadrach, Mishakh, leh Abednego hei kha Babylon ram ṭōnkarôn sik a akadei jo hei; Daniel chu rengpa innpuia ka-om jo.

DANIEL 3:14

Ama’n anhnenga ahri, “Shadrach, Meshach, khana Abednego nangni’n ka-pathen kamuk sik leh kamatungsōt limsyem hneng inkun sik hnōm mak chei ti hi akadiktak mo?

DANIEL 3:30

Khana rengpa’n Shadrach, Meshach khana Abednego hei kha Babylon ramṭhen shunga ṭōnhmun kalen chet apek jo hei.

DANIEL 5:23

Marvân Rōngpu kadōia ṭōn natloa a-Bek-inna inphut kōkleihei kha nahei choi manhlut heia kae. Nang in nami kalen leh kahrânghei, nanuhmeihei, khana nanuhmei manbohei leh hiva kōkleihei vânga hin ju nan-inna, nang in khava pathen akahmu tor mak, akathei tor mak, khana heite inhret mak sana, dangka, sum-êng, thir, thing leh hlung vânga a’nsyem pathen kha nanmanpâk a kae. Tâk-kha nang natlona rakip ka-ensui, nathina leh nahringna katinta Pathen kha kajamak che.

DANIEL 5:4

khana sana, dangka, sum-êng, thir, thing khan chu hlung vânga a’nsyem pathenhei kha anleichoi ka-ân heia kae.

HOSEA 2:8

Baal kamukna atahmang sâng, vomhrui ju, olive thai, khana sana dangka ahnenga akapek kha kei eng kae tia amanhret phâkmak.

HOSEA 8:4

“Kami he’n renghei ankadei, khavakha anrachama antatlo kae. Anhlam kakei ankadei hei, tâk kei hnōm pekna invei mak. Ansana leh dangka anloa limhei ansyem, anmani insuk inhmangna hrep sik kae.

HABAKKUK 2:19

Nangni inhmang jo chei! Nangni’n thinghar inkhat hneng nanhri, “Thōi jo roh!” achangmak leh hlungtlang inkhat hnenga nanhri, “Thōi jo roh!” Kut a limsyem in nangni heimo amanthei tor sik chei? Sana leh dangka vâng ankatōm tlit thei, tâk akahring rathla kha neimak.

ṬŌNTLOHEI 17:29

Eini hi Pathen sa nichang jâra, ama ara-âng hi mihring kutthem leh tlotheina vâng hlung, dangka khana sana vânga insyem lim kha apō sik tia nimandon mak sik kae.

ṬŌNTLOHEI 19:26

Tûnchu, hiva Paul intipa’n heimo atlo ti hi nantak khet in nanhmua nanthei jo. Mihring kut a a’nsyem pathenhei hi Pathen chang hêrmak atina hi Ephesus rōk changloa Asia ramṭhen pumpui katlungleoa mihring katamtak amanhnōm jo hei.

DÂNRABU INHNINA 7:25

Anlimsyem hei kha ro hei ruh. Anchunga sana dangkahei kha madu mak ruh; nansik a inlomak ruh. Nanlo’nchu, khavakha akaṭhamak tak kachang sik, ajârchu Rōngpu’n limsyem ahōt a kae.

ṬONGPHÔNG 9:20

Khana hiva hrise tathatmak hei seng kha’num, anṭōnse tlona inphut anmalung thleng dekmak hei. Anmani’n rathla ravaihei leh sana vâng, dangka vâng, sum-êng vâng, hlung vâng leh thing vânga limhei, rasa katheitor mak leh hmit kahmu tor mak, lôn um akalôntor mak hei kha, kamukna bângmak hei.