DANIEL 2:47 - LEKHARABU INTHENG (BSI)

⁴⁷ Rengpa’n ahri, “Nang Pathen kha pathenhei kâra akalenpen kae, renghei kâra Rōngpu kae khana a’n-ip kahrisōt kha kae. Nang in a’n-ip hi nahrisōt tor jâra ke’n kamanhret jo.”

DANIEL 2:47 ပူးပေါင်းရင်းမြစ်များ

A’NPHUTNA 41:39

Rengpa’n Joseph hneng, “Pathen in hihei rakip hi amanhmu jo che, achang jâra nang in mi rakip kanek a singna leh ari manhretna naneidet ti hi inlâr.

RENGHEI INHNINA 5:15

Ama’n amihei seng leh Elisha hneng ansor nôk a anvahri, “Tûnchu Israel Pathen tei loa pathen ralak om mak tia kamanhret jo; achang jâra Oja, kei kutchoi hi arahlâng pek roh.”

JOB LEKHARABU 12:19

ama’n thempuhei leh ratha kaneihei kha amansinsak hei.

HLAHEI 136:2

Pathen rakip chunga akalenpen hnenga manpâk ruh; alungsetna kha kumleikōa kae.

HLAHEI 136:3

Rōngpu rakip chunga akahratpen hneng manpâkna pek ruh; alungsetna kha kumleikōa kae.

HLAHEI 72:11

Rn rakip ahmai kunga inkun sik hei, jât rakip in ama anrazen sik.

HLAHEI 82:1

Pathen in marvân vaikarônhei intûpna hlam asât; Pathenhei inpun khômna khan aṭong mathlâkna kha ahrisōt.

HLAHEI 96:4

Rōngpu chu kalen, inshângpena choi ka-ân sik kae; ama hi Pathen rakip hei nek a kaja sik kae.

EZEKIEL 26:7

Chunghnung Rōngpu’n ahri, “Tyre kabuhlu sik a reng rakip a akalenpen Babylon Reng Nebuchadnezzar kha kaheiṭhōi sik. Ama’n sak tinga inphut remi katamtak leh, shakor leh shakor gâri khana shakor remihei leh kahong sik.

DANIEL 11:36

“Syria rengpa’n alungdo hrep a kachôn sik. Ama’n pathen rakip kanek a, Chunghnung Pathen kanek a’m kalen eng tia inlensak sik. Pathen in akarâkna sik pha ahong mak kârseng ama’n khanga atlo tor sik. Pathen in amantluk kha atlo nger sik kae.

DANIEL 2:19

Khava jân a khan hmangtalâr inkhat a Daniel hneng a’nthup omchen kha inphôngsōt jo, ama’n chung Pathen achoi ka-âna ahri:

DANIEL 2:22

Ama’n ṭong inri leh in-ip aphôngsōt; inthima a’nthup kha amanhret, ama khet kha vâr in akatōmbit a kae.

DANIEL 2:28

Tâk a’n-ip kaphôngsōt tor marvân Pathen inkhat ka-om. Ama’n Reng Kalûr nahnenga hnunga ahong kasōk sik kha ahri pek che kae. Tûn narahmang kha hripek che rong, khava najelaia rahmang kha.

DANIEL 2:29

“Reng Kalûr nang in najelai, hnung omchen chungchânga nahmu kae; Pathen, a’n-ip kaphôngsōt ama’n heimo akasōk sik kha amanhmu che kae.

DANIEL 2:30

Tûnchu, hiva a’n-ip hi kahnenga inlâr jo, kei in mi ralak-hei kanek a kasingdet jâra changmak, tâk narahmang leh namandonna kha Reng Kalûr nang in namanhret theina sik a kae.

DANIEL 2:37

Reng Kalûr, nang hi reng rakip kâra akalenpen che kae. Marvân Pathen in reng kalenpen inkhat a asyem che khana ratha, tlotorna leh kajana apek che.

DANIEL 3:15

Tûnchu, nangni’n pengkun, bunglir, ṭingṭang, sitar, serângdâr khana aralak inhring rasa nanthei pha, inkun inna limsyem hi kamuk ruh. Nankamuk mak inchu, nangni inranga hmeipun shunga hlon mathlak sik chei kae. Nankahuk inhringtor pathen lak ka-om tia nantamandon mo?”

DANIEL 3:28

Rengpa’n ahri, “Shadrach, Meshach, khana Abednego hei Pathen manpâk ruh! Ama’n angeva ajōng tira ama inzen leh akataksen mihei hi ahuksōt hei kae. Anmani’n kaṭong pek juimak hei khana an-Pathen tei loa pathen ralak hneng inkuna kamuk sik kanek a anhringkhō inrimna jôk kha anthōk.

DANIEL 3:29

“Khana tûnchu ke’n ṭong pekna kanei kae, tu jât, phung, ṭong achang inum Shadrach, Meshach, Abednego hei Pathen kajaloa ṭongkahri mi kha akut, ake dorthlek sik, khana a-inn suk manhmanga da sik kae. Hiva kapōa akahuksōt tor pathen lak om mak.”

DANIEL 4:17

Hivahi insing theitak a akajōng ngeva ṭong mathlâk kae. Khava jâra Chunghnung Pathen in mihringhei rengram chunga ratha anei khana ama’n akadei, mi katlasamtak hnenga achang inum apektor ti hi mi rakip in manhret hei rasoh.’

DANIEL 4:25

Nang hi mihringhei kâra inphut hnongsōt sik che kae khan ramshahei leh kalengsap sik chei. Kum 7 sehratche inkhat kapōa phi nasâk sik, ramhânga karek sik che, khana nachunga radaitui katla sik. Chunghnung Pathen in mihring rengram rakip chunga vai arôn, khavakha ama’n akadeisōt mi inkhat hneng apektor ti kha kahnōm sik jo che.

DANIEL 4:32

Nang mihringhei kâra inphut hnongsōt sik che kae. Ramshahei kâra aka-om sik che kae, kum 7 sehratche kapōa phi nasâk sik kae. Khava pha Chunghnung Pathen in rengram rakip chunga vai arôn khana khavakha ama’n amadu mihei hneng apektor ti hi nang in nahong manhret sik.”

DANIEL 5:11

A’ntheng pathenhei rathla ashunga ka-om mi inkhat narengram shunga ka-om. Napa’n reng aleichanglai, hiva mipa hin lungthim ṭhatna, themna khana pathenhei kapōa singna amalâra kae. Khana napa Reng Nebuchadnezzar in ama kha hnungṭong kasânhei, dôi kachoihei, a’nralak katlohei, khana ârsi lekha kathemhei anlu kaching aleimanchanga kae.

AMOS 3:7

Chunghnung Rōngpu’n asōk sânkathemhei hneng malârna neilo heite inkhat tlohêr mak a kae.

CORINTHIANHEI INKHATNA 14:25

ale’nthup mandonna rakip aphôngsōt pek sik jo hei, khana anmani inkun heia Pathen ankamuk sik jo, “Kadiktak a nankâra hin Pathen ka-om,” tia anbeia anphông sik jo.

DÂNRABU INHNINA 10:17

Rōngpu nan-Pathen hi ratha neina rakip leh pathen rakip chunga akahratpen kae. Ama akalen leh ratha kanei kae, ama chu ṭit sik kha kae. Ama’n ôtum neimak khana ama’n sêrmarûk sâk mak.

TIMOTHY INKHATNA 6:15

Rōngpuhei Rōngpu, Renghei Reng, mahâm kaṭha leh vaikarôn inkhat rōk, ama jōng inlâr sik kha Pathen in aphahrep a ajōng tlosōt sik a kae.

JOSHUA 22:22

“Akahratpen Inkhat kha Pathen kae! Ama kha Rōngpu kae! Akahratpen Inkhat kha Pathen kae! Ama kha Rōngpu kae! Hivahi heisa mo kantatlo ama’n amanhret, nangni’m nantamanhret sik a kanmadu! Rōngpu dekna kantloa, taksena kha kannit mak inchu, keini kahringa adamak ruh!

ṬONGPHÔNG 1:5

khana taksen ka-om sâkhi kapek akathia inphut ahma inkeipena keimathōi sik khana ralei renghei vaikarôn Jesu Christa a inphut maritna leh lung mōngna nanta chang rasoh. Ama’n alungset me, khana ama a’ntōksōt a athia khan eini nisetna heia inphut ning leh hnōma amasō jo me,

ṬONGPHÔNG 17:14

Anmani’n Kemōngte kadōia re antlo sik; tâk Kemōngte leh abeksōt hei, akadei hei leh akataksena akajui he’n antor sik hei, ajârchu ama hi renghei Reng leh rōngpuhei Rōngpu kha kae.”

ṬONGPHÔNG 19:16

Apōn chunga leh arakō chunga: “renghei Reng leh rōngpuhei Rōngpu,” inti rahming inzet a kae.