DANIEL 2:44 - LEKHARABU INTHENG (BSI)

⁴⁴ Khava renghei pha shunga marvân Pathen in ahei tik a a’nhmangmak sik rengram inkhat aphunsōt sik. Khavakha tûte’n hlō tor mak hei ning, khava khan rengramhei kha ankhenga asuk manhmang sik hei, khana ahei tik a ka-om ṭhak sik jo.

DANIEL 2:44 ပူးပေါင်းရင်းမြစ်များ

A’NPHUTNA 49:10

Judah’n reng tîngpum amatu sik, Khana asōn apâr he’n ahei tik a vai anrôn sik. Jât-hlop he’n kajana anhongpek sik Khana aṭong juina a-âng kunga inkun sik hei.

SAMUEL INHNINA 7:13

Ama kha kei sik a Bek-inn inkhat ahong kasak kachang sik khana areng phung hrui kha ahei tik a kamanjōm pek sik.

SAMUEL INHNINA 7:16

Pha rakip a sōn naneiṭhak sik a kha, narengram ahei tik a kamatung ṭhak sik. Nareng phung hrui inchaitik neimak ning.’”

HLAHEI 145:13

Nareng vairônna kha kumleikōa kae, khana nang ahei tik a reng che kha kae. Rōngpu chu aṭong tepna kha ajuia kae; khan aṭōntlo rakip a maritna’n kasip.

ISAIAH 60:12

Tâk-kha nang inzenmak jât-hei khachu Suk manhmang cher sik hei kae.

EZEKIEL 37:25

Kasōkpa Jacob hnenga kapeksa, anpu anpahei leiomna ram a ka-om sik hei. Ahei tik a khan ka-om sik hei, khana khan ansōn anpârhei ka-om sik hei. Kasōk David kapō inkhat in ahei tik a vai arôn sik hei.

DANIEL 2:28

Tâk a’n-ip kaphôngsōt tor marvân Pathen inkhat ka-om. Ama’n Reng Kalûr nahnenga hnunga ahong kasōk sik kha ahri pek che kae. Tûn narahmang kha hripek che rong, khava najelaia rahmang kha.

DANIEL 2:34

Nang in khava lim kha na-enlai, hlung kalen inkhat tûte’n sit loa, tlâng karea inphut jōng inlirsōt a kae, khava hlung khan thir leh matlak vânga insyem lim kepha chunga jōngkatla, ankepha kha ahar-ahak a kakōi jo.

DANIEL 2:35

Khava phatak a thir, matlak, sum-êng, dangka khana sanahei kha kakōi heia khōlum pha saphōra akajōngsōt vuibō ka-ang jo heia kae. Khahei kha thli’n asêmsō jo hei, inkhatbek inhmu phâkmak jo hei. Tâk-kha hlung khachu tlângbung inkhat hong kachanga ralei pumpui ahongmakhu jo.

DANIEL 2:37

Reng Kalûr, nang hi reng rakip kâra akalenpen che kae. Marvân Pathen in reng kalenpen inkhat a asyem che khana ratha, tlotorna leh kajana apek che.

DANIEL 2:43

Nang in thir leh matlak a’nchun kha’m nahmua kae. Hiva manhretna khachu rengram vaikarônhei kha jōr inlo sik heia kha an-innshung pumkhat changna sik antlo sik, tâk-kha thir leh matlak a’nchun theimak kapōa khavakha tlotor mak hei ning.

DANIEL 4:3

“Pathen in amalârpek me ṭōn inlak-hei hi heituk a akalenhei mo! Ama tatlosōt ṭōn inlak-hei hi heituk a ratha kaneihei mo! Pathen in ahei tik a reng kae; ama’n pha rakip a vai arôn sik kae.

DANIEL 4:34

Rengpa khan ati, “Kum 7 a’nchaisō leh chungting bōirōk ka-en, khana kamalung hong kavâr jo. Ke’n Chunghnung Pathen kha kachoi ka-ân khana ahei tik a akahring ṭhak ama hneng kajana leh lûrna kapek a kae. “Ama’n aheitik a vai arôn sik, khana arengram phat rakip a ka-om ṭhak sik a kae.

DANIEL 6:26

Karam shunga mi rakip in Daniel Pathen nantaṭit sik khana nantakaja sik kae tia ke’n ṭong kapek chei kae. “Ama kha akahring Pathen kae, khana ama’n aheitik a vai arôn sik. Ama rengram aheitik a inhmang mak ning, khana aratha neina aheitik a bângmak ning.

DANIEL 6:27

Ama’n ahuksōt khana asansōt; Ama’n marvân leh raleichunga ṭōn inralak leh det-hla ka-om atlo. Ama’n shabakkai he’n antatha sik Daniel kha ahuksōt.”

DANIEL 7:27

Raleichung rengram rakip hei ratha hratna leh lenna rakip Chunghnung Pathen mihei hneng a’npek sik kae. Anmani reng ratha neina kha bângtik neimak ning, khana raleichunga vaikarôn rakip in anrazen heia anṭong anjui sik.”

DANIEL 8:25

Ajârchu ama kha amalung ṭhamak, ama mihōnna hlam a khan hmesōna anei sik. Ama abinga inlensak sik khana gîkna pek loa mi katamtak amanhmang sik hei. Ama’n reng kalenpen katlunga a-inrepui sik, tâk mihring ratha neina hmang loa ama kha suk manhmang kachang sik a kae.

MICAH 4:7

Anmani anke katlek a ram kahlatak a ka-om jo hei, tâk dahlona ka-om hei kha leh hringkhōther manphutna kanei sik, khana anmani jât kalentak hongkachang sik hei. Zion Tlâng chunga ke’n anmani khava pha khana inphut ahei tik a sik vai karôn sik.”

HAGGAI 2:22

rengramhei kasuk mathlak sik hei khana anratha neina kamanbâng sik hei. Shakor gârihei khana akatôrhei kamalet sik hei; shakorhei kathi sik hei, khana achunga akachōng hei kha khat leh khat inthat sik jo hei.

HAGGAI 2:7

Jât rakip kahlon mathla sik hei, ankarōi seng hivahin heichoi sik kae, khana Bek-inn kha karōi in kasip sik jo.

MATTHEW 28:18

Jesu anhnenga kahonga ahri, “Marvân chung leh raleichunga ratha neina rakip anipek jo.

JOHN 12:34

Mipui he’n anmasôn, “Nidân inchu Messiah kha ahei tik a akahring sik a ahri pek me. Kha achang inchu heikhong mo Mihring Sapa kha makheihlona aka-om nger sik kae nati tor? Khava mihring Sapa kha tu mo?”

HEBREWHEI 12:28

Khava jâra eini’n a’nhling tor mak rengram kha nichen jo jâra inpâk rih. Pathen kha eini’n ṭittak leh kajatak a amalung nimantlaina sik kamuk me sona manpâk rih;

ṬONGPHÔNG 11:15

Khava sōa ngeva 7 tlukna khan apengkun kha atuma, marvân chunga rasa inhnaktak kasōk a ajōng hri, “Vânhnōi raleichunga vairônna ratha kha tûnchu ni-Rōngpu leh ama Messiah ta kachang jo, ama’n are-rea vai arôn sik jo kae!”